This is a backup server for skaldic.abdn.ac.uk. Any changes made here will be lost.

Skaldic Poetry of the Scandinavian Middle Ages

login: password: stay logged in: help

verses in Kormáks saga

1 Vol. 5. Kormáks saga 1 (Kormákr Ǫgmundarson, Lausavísur, 1) — KormǪ Lv 1V (Korm 1)
Nú varðk mér í mínu
(menreið) jǫtuns leiði
(réttumk risti) snótar
ramma ôst fyr skǫmmu;
þeir munu fœtr at fári
fald-Gerðar mér verða
(alls ekki veitk ella)
optarr an nú (svarra).
Skj: Kormákr Ǫgmundarson: 2. Lausavísur 1 (AI, 80; BI, 70); (dróttkvætt); ed. EM; group: D; mss: M; texts: Korm 1
2 Vol. 5. Kormáks saga 2 (Kormákr Ǫgmundarson, Lausavísur, 2) — KormǪ Lv 2V (Korm 2)
Brunnu beggja kinna
bjǫrt ljós á mik drósar
(oss hlœgir þat eigi)
eldhúss of við feldan,
en til ǫkla svanna
ítrvaxins gatk líta
(þrô muna oss of ævi
eldask) hjá þreskeldi.
Skj: Kormákr Ǫgmundarson: 2. Lausavísur 2 (AI, 80; BI, 70); (dróttkvætt); ed. EM; group: D; mss: M; texts: Korm 2, LaufE 68(276n)
3 Vol. 5. Kormáks saga 3 (Kormákr Ǫgmundarson, Lausavísur, 3) — KormǪ Lv 3V (Korm 3)
Brámáni skein brúna
brims und ljósum himni
Hristar, hǫrvi glæstrar,
haukfránn á mik lauka,
en sá geisli sýslir
síðan gollmens Fríðar
hvarma tungls ok hringa
Hlínar óþurpt mína.
Skj: Kormákr Ǫgmundarson: 2. Lausavísur 3 (AI, 80-1; BI, 70); (dróttkvætt); ed. EM; group: D; mss: 557, AM 552 l 4°x, Holm18, M; texts: Gunnl 20, Korm 3, LaufE 67(276n)
4 Vol. 5. Kormáks saga 4 (Kormákr Ǫgmundarson, Lausavísur, 4) — KormǪ Lv 4V (Korm 4)
Hófat lind (né leynðak)
líðs (hyggju því stríði)
- bands mank beiði-Rindi -
baugsœm af mér augu,
þás húnknarrar hjarra
happ-þægi-Bil krapta
helsisœm at halsi
Hagbarðs á mik starði.
Skj: Kormákr Ǫgmundarson: 2. Lausavísur 4 (AI, 81; BI, 71); (dróttkvætt); ed. EM; group: D; mss: M; texts: Korm 4
5 Vol. 5. Kormáks saga 5 (Kormákr Ǫgmundarson, Lausavísur, 5) — KormǪ Lv 5V (Korm 5)
Eitt lýti kvazk Áta
eldbekks á mér þekkja
Eir of aptanskœrur
allhvít, ok þó lítit -
haukmœrar kvað hári
Hlín vel borin mínu
(þat skyldak kyn kvinna
kenna) sveipt í enni.
Skj: Kormákr Ǫgmundarson: 2. Lausavísur 5 (AI, 81; BI, 71); (dróttkvætt); ed. EM; group: D; mss: M; texts: Korm 5
6 Vol. 5. Kormáks saga 6 (Kormákr Ǫgmundarson, Lausavísur, 6) — KormǪ Lv 6V (Korm 6)
Svǫrt augu berk sveiga
snyrti-Grund til fundar
(þykkik erma Ilmi
allfǫlr) ok lô sǫlva;
þó hefk mér hjá meyjum,
men-Grund, komit stundum,
hrings við Hǫrn at manga
hagr, sem drengr enn fagri.
Skj: Kormákr Ǫgmundarson: 2. Lausavísur 6 (AI, 81; BI, 71); (dróttkvætt); ed. EM; group: D; mss: 162F, M; texts: Korm 6
7 Vol. 5. Kormáks saga 7 (Kormákr Ǫgmundarson, Lausavísur, 7) — KormǪ Lv 7V (Korm 7)
Ǫl-Sôgu metk auga
annat, beðjar Nǫnnu
þats í ljósu líki
liggr, hundraða þriggja,
þann metk hadd, es (hodda)
hǫrbeiði-Sif greiðir,
(dýr verðr fægi-Freyja),
fimm hundraða snimma.
Skj: Kormákr Ǫgmundarson: 2. Lausavísur 7 (AI, 81; BI, 71); (dróttkvætt); ed. EM; group: D; mss: 162F, M; texts: Korm 7
8 Vol. 5. Kormáks saga 8 (Kormákr Ǫgmundarson, Lausavísur, 8) — KormǪ Lv 8V (Korm 8)
Alls metk auðar þellu
Íslands, þás mér grandar,
Húnalands ok handan
hugstarkr sem Danmarkar;
verð es Engla jarðar
Eir háþyrnis geira
(sól-Gunni metk svinna
sunds) ok Íra grundar.
Skj: Kormákr Ǫgmundarson: 2. Lausavísur 8 (AI, 81-2; BI, 71-2); (dróttkvætt); ed. EM; group: D; mss: 162F, M; texts: Korm 8
9 Vol. 5. Kormáks saga 9 (Kormákr Ǫgmundarson, Lausavísur, 9) — KormǪ Lv 9V (Korm 9)
Léttfœran skalt láta
(ljóst vendi mar) Tósti
móðr of miklar heiðar
minn hest und þér rinna;
makara's mér mér at mæla,
an mórauða sauði
of afréttu elta,
orð mart við Steingerði.
Skj: Kormákr Ǫgmundarson: 2. Lausavísur 9 (AI, 82; BI, 72); (dróttkvætt); ed. EM; group: D; mss: 162F, M; texts: Korm 9
10 Vol. 5. Kormáks saga 10 (Kormákr Ǫgmundarson, Lausavísur, 10) — KormǪ Lv 10V (Korm 10)
Saurfirðum kom svarðar
sefþeys at mér Freyja
(grepps reiðu mank góða)
geir teins skarar beina;
þó vôrum vér þeiri
þǫll hyltinga vallar
(minnumk Eir at unna
unnfúrs) meðalkunnir.
Skj: Kormákr Ǫgmundarson: 2. Lausavísur 10 (AI, 82; BI, 72); (dróttkvætt); ed. EM; group: D; mss: 162F, M; texts: Korm 10
11 Vol. 5. Kormáks saga 11 (Narfi, Kviðlingr, 1) — Narfi Kv 1V (Korm 11)
Hversu þykkja ketils þér,
Kormákr, ormar.
Skj: Narfi: Kviðlingr (A; BI, 85); (dróttkvætt); ed. EM; group: D; mss: 162F, M; texts: Korm 11
12 Vol. 5. Kormáks saga 12 (Kormákr Ǫgmundarson, Lausavísur, 11) — KormǪ Lv 11V (Korm 12)
Góðr þykkir soðinn mǫrr
syni Ǫgmundar.
Skj: Kormákr Ǫgmundarson: 2. Lausavísur 11 (AI, 82; BI, 72); (stýft); ed. EM; group: D; mss: 162F, M; texts: Korm 12
13 Vol. 5. Kormáks saga 13 (Kormákr Ǫgmundarson, Lausavísur, 12) — KormǪ Lv 12V (Korm 13)
Hvat skal orfa Áli
ófróðr of mat rœða
- þér vas þeirar kerski
þǫrf eng við mik, Narfi.
Skj: Kormákr Ǫgmundarson: 2. Lausavísur 12 (AI, 82; BI, 72); (dróttkvætt); ed. EM; group: D; mss: 162F, M; texts: Korm 13
14 Vol. 5. Kormáks saga 14 (Kormákr Ǫgmundarson, Lausavísur, 13) — KormǪ Lv 13V (Korm 14)
Spurði frenju fœðir
fréttinn, hvé mér þœtti
(hann sýnisk mér heima
hvarmrauðr) ketilormar;
veitk, at hrímugr hlúki,
hrókr saurugra flóka,
sás túnvǫllu taddi,
tíkr ørendi hafði.
Skj: Kormákr Ǫgmundarson: 2. Lausavísur 13 (AI, 82; BI, 72); (dróttkvætt); ed. EM; group: D; mss: 162F, M; texts: Korm 14
15 Vol. 5. Kormáks saga 15 (Kormákr Ǫgmundarson, Lausavísur, 14) — KormǪ Lv 14V (Korm 15)
Hneit við Hrungnis fóta
(hall) vitjǫndum stalli
(inn vask Ilmi at finna)
engis sax (of genginn);
vita skal hitt, ef hœtir
(handvíst es) mér grandi,
- né Yggs fyr líð leggjum -
lítlu meira vítis.
Skj: Kormákr Ǫgmundarson: 2. Lausavísur 14 (AI, 82; BI, 73); (dróttkvætt); ed. EM; group: D; mss: 162F, M; texts: Korm 15
16 Vol. 5. Kormáks saga 16 (Kormákr Ǫgmundarson, Lausavísur, 15) — KormǪ Lv 15V (Korm 16)
Braut hvarf ór sal sæta,
sunds eum hugr á Gunni
(hvat merkir nú) herkis
(hǫll) þverligar (alla);
rendak alt et iðra
(eyrar geirs) at þeiri
(hyrs erum Hǫrn at finna)
hús brágeislum (fúsir).
Skj: Kormákr Ǫgmundarson: 2. Lausavísur 15 (AI, 82-3; BI, 73); (dróttkvætt); ed. EM; group: D; mss: 162F, M; texts: Korm 16
17 Vol. 5. Kormáks saga 17 (Kormákr Ǫgmundarson, Lausavísur, 16) — KormǪ Lv 16V (Korm 17)
Sitja sverð ok hvetja
sín andskotar mínir,
eins karls synir, inni;
erut þeir banar mínir;
en ef á víðum velli
vega tveir at mér einum,
þá's sem ær at ulfi
órœknum fjǫr sœki.
Skj: Kormákr Ǫgmundarson: 2. Lausavísur 16 (AI, 83; BI, 73); (dróttkvætt); ed. EM; group: D; mss: 162F, M; texts: Korm 17
18 Vol. 5. Kormáks saga 18 (Kormákr Ǫgmundarson, Lausavísur, 17) — KormǪ Lv 17V (Korm 18)
Sitja menn ok meina
mér eina Gnô steina,
þeir hafa víl at vinna,
es mér varða Gnô borða;
því meira skalk þeiri,
es þeir ala meira
ǫfund of órar gǫngur,
unna sǫlva Gunni.
Skj: Kormákr Ǫgmundarson: 2. Lausavísur 17 (AI, 83; BI, 73); (dróttkvætt); ed. EM; group: D; mss: 162F, M; texts: Korm 18
19 Vol. 5. Kormáks saga 19 (Kormákr Ǫgmundarson, Lausavísur, 18) — KormǪ Lv 18V (Korm 19)
Sitja menn ok meina
mér ásjónu þína;
þeir hafa lǫgðis loddu
linna "fætr" (fár?) at vinna,
þvít upp skulu allar,
ǫlstafns áðr þér hafnak
lýsi-Grund, í landi,
linns, þjóðáar rinna.
Skj: Kormákr Ǫgmundarson: 2. Lausavísur 18 (AI, 83; BI, 74); (dróttkvætt); ed. EM; group: D; mss: M; texts: Korm 19
20 Vol. 5. Kormáks saga 20 (Kormákr Ǫgmundarson, Lausavísur, 19) — KormǪ Lv 19V (Korm 20)
Hvern myndir þú Hrundar,
Hlín, skapfrǫmuð, línu,
(líkn sýnir mér) leika,
ljós, þér at ver kjósa?
Skj: Kormákr Ǫgmundarson: 2. Lausavísur 19 (AI, 83; BI, 74); (dróttkvætt); ed. EM; group: D; mss: M; texts: Korm 20
21 Vol. 5. Kormáks saga 21 (Steingerðr Þorkelsdóttir, Lausavísa, 1) — Steing Lv 1V (Korm 21)
Brœðr mynda ek blindum,
bauglestir, mik festa,
yrði goð sem gerðisk
góð mér skǫp, Fróða.
Skj: Steingerðr Þórkelsdóttir: Lausavísa (A; B); (dróttkvætt); ed. EM; group: D; mss: M; texts: Korm 21
22 Vol. 5. Kormáks saga 22 (Kormákr Ǫgmundarson, Lausavísur, 20) — KormǪ Lv 20V (Korm 22)
Kosta hins, at hesti
haldir fast ok skjaldi,
koma mun ór við eyra
yðr bráðliga hnyðja,
seg þú aldrigi síðan,
þótt sjau of dag fregnir,
(kemba skalt of kúlu)
kumblabrjótr frá sumbli.
Skj: Kormákr Ǫgmundarson: 2. Lausavísur 20 (AI, 83; BI, 74); (dróttkvætt); ed. EM; group: D; mss: M; texts: Korm 22
23 Vol. 5. Kormáks saga 23 (Kormákr Ǫgmundarson, Lausavísur, 21) — KormǪ Lv 21V (Korm 23)
Brott hefr Bersi sótta
(beiðis hann á reiði
valkjósanda at vísu
víns) heitkonu mína,
þás unni mér manna,
(mist hefk fljóðs ens tvista)
þá kystak mey, miklu
mest, daglengis flestan.
Skj: Kormákr Ǫgmundarson: 2. Lausavísur 21 (AI, 83-4; BI, 74); (dróttkvætt); ed. EM; group: D; mss: M; texts: Korm 23
24 Vol. 5. Kormáks saga 24 (Kormákr Ǫgmundarson, Lausavísur, 22) — KormǪ Lv 22V (Korm 24)
At emk, Yggjar gǫtva,
ullar Svǫlnis fulli
of reiði-Sif rjóða,
runnr, sem vífl at brunni. -
[22b]
Dýrt verðr dǫggva kerti
Draupnis mart at kaupa, -
þrimr aurum skal þetta
Þórveigar skip leiga.
Skj: Kormákr Ǫgmundarson: 2. Lausavísur 22 (AI, 84; BI, 74-75); (dróttkvætt); ed. EM; group: D; mss: M; texts: Korm 24
25 Vol. 5. Kormáks saga 25 (Kormákr Ǫgmundarson, Lausavísur, 23) — KormǪ Lv 23V (Korm 25)
Svá kveðk snyrti-Freyju
(snimr trúða ek brúði)
gamðis vangs of gengna
greipar báls ór skôlum,
at vegskorða verðit
varrskíðs funa síðan
(sǫddum hǫlðs á holdi
hrafna) mér at tafni.
Skj: Kormákr Ǫgmundarson: 2. Lausavísur 23 (AI, 84; BI, 75); (dróttkvætt); ed. EM; group: D; mss: M; texts: Korm 25
26 Vol. 5. Kormáks saga 26 (Kormákr Ǫgmundarson, Lausavísur, 24) — KormǪ Lv 24V (Korm 26)
Þú telr, ljós, of logna,
lín-Gefn, við þik stefnu,
en ek gerða mjǫk móðan
mínn fák of sǫk þína;
heldr vilda ek hǫlfu,
hring-Eir, at marr spryngi
(sparðak jó, þanns ôttum,
alllítt), an þik gefna.
Skj: Kormákr Ǫgmundarson: 2. Lausavísur 24 (AI, 84; BI, 75); (dróttkvætt); ed. EM; group: D; mss: M; texts: Korm 26
27 Vol. 5. Kormáks saga 27 (Hólmgǫngu-Bersi Véleifsson, Lausavísur, 1) — HólmgB Lv 1V (Korm 27)
Mér varð (hjalms) á holmi
hjaldr-Ullr fyr sik gjalda
(þoll má þann of kalla)
þríar merkr (hugum sterkan);
skora mun Skǫglar reyra
skjaldveðrs reginn aldri
(vér bôrum hlut hæra)
hríðfimr á mik síðan.
Skj: Hólmgǫngu-Bersi Véleifsson: Lausavísur 1 (A; B); (dróttkvætt); ed. EM; group: D; mss: M; texts: Korm 27
28 Vol. 5. Kormáks saga 28 (Hólmgǫngu-Bersi Véleifsson, Lausavísur, 2) — HólmgB Lv 2V (Korm 28)
Muna munt hjaldr, þanns Hildar
háraddar mik kvaddir;
geng ek geira þingi
glaðr (emk reyndr) at ǫðru;
randlauki klaufk (randa)
rǫnd Kormáki at hǫndum
(vildit framm á feldi
Freyr einvígi heyja).
Skj: Hólmgǫngu-Bersi Véleifsson: Lausavísur 2 (A; B); (dróttkvætt); ed. EM; group: D; mss: M; texts: Korm 28
29 Vol. 5. Kormáks saga 29 (Kormákr Ǫgmundarson, Lausavísur, 25) — KormǪ Lv 25V (Korm 29)
Átt hefk yðr at fœra
eggfallinn hjǫr, Skeggi,
(beitat vápn) at vísu
varð þeira hlutr meiri;
vasat of gang, þanns gengum
geirþey of mey heyja,
(sigr varða þá sverða
sennu) mér at kenna.
Skj: Kormákr Ǫgmundarson: 2. Lausavísur 25 (AI, 84; BI, 75); (dróttkvætt); ed. EM; group: D; mss: M; texts: Korm 29
30 Vol. 5. Kormáks saga 30 (Kormákr Ǫgmundarson, Lausavísur, 26) — KormǪ Lv 26V (Korm 30)
Hefk á holm of gengit
(hugðumk þat fyr betra)
við híðbyggvi, hasla
handar skers, at berjask;
brast fyr mér enn mæri
mála vǫndr í hendi
(mist hefr margra kosta)
morðeggjandi Skeggja.
Skj: Kormákr Ǫgmundarson: 2. Lausavísur 26 (AI, 84; BI, 75-6); (dróttkvætt); ed. EM; group: D; mss: M; texts: Korm 30
31 Vol. 5. Kormáks saga 31 (Kormákr Ǫgmundarson, Lausavísur, 27) — KormǪ Lv 27V (Korm 31)
Fœrðia mér at morði
morðvǫnd (fetils storðar
staðr esa strandar naðri)
starreggjaðan Skeggi;
gerði (holt) fyr hjalti
Hvíting í tvau bíta
(brotit hefk skarð í skerðum)
Skǫfnungr (fetils þrafna).
Skj: Kormákr Ǫgmundarson: 2. Lausavísur 27 (AI, 84-5; BI, 76); (dróttkvætt); ed. EM; group: D; mss: M; texts: Korm 31
32 Vol. 5. Kormáks saga 32 (Kormákr Ǫgmundarson, Lausavísur, 28) — KormǪ Lv 28V (Korm 32)
Gerðisk minn at morði
morðvǫndr, es hjók, randar
greipum rann at gunni
grannfengr, íugtanni;
illa lét, þás, Áta,
ófúss, varar húsa,
sónar, fress, ór sínu
slíðr balti gekk híði.
Skj: Kormákr Ǫgmundarson: 2. Lausavísur 28 (AI, 85; BI, 76); (dróttkvætt); ed. EM; group: D; mss: M; texts: Korm 32
33 Vol. 5. Kormáks saga 33 (Kormákr Ǫgmundarson, Lausavísur, 29) — KormǪ Lv 29V (Korm 33)
Gerðu, vask of genginn,
Gefn, til víssar stefnu,
(nú emk hǫrþellu hylli
hornungr) tváa morna;
gætumk hins, at heima,
hǫrfit, munak sitja
(mér's of erma Ilmi
iðjusamt) enn þriðja.
Skj: Kormákr Ǫgmundarson: 2. Lausavísur 29 (AI, 85; BI, 76); (dróttkvætt); ed. EM; group: D; mss: M; texts: Korm 33
34 Vol. 5. Kormáks saga 34 (Kormákr Ǫgmundarson, Lausavísur, 30) — KormǪ Lv 30V (Korm 34)
Firnat mik, þótt, fjǫrnis
Freyr, værak þér dreyra
(mærð berk fyr þik mína)
mœri seinn at fœra;
máat (und heiði) Hildar
hreggmiðjunga, Skeggi,
(verit hefr í þrym þremja
þinn hjǫrr) skǫpum vinna.
Skj: Kormákr Ǫgmundarson: 2. Lausavísur 30 (AI, 85; BI, 76-7); (dróttkvætt); ed. EM; group: D; mss: M; texts: Korm 34
35 Vol. 5. Kormáks saga 35 (Kormákr Ǫgmundarson, Lausavísur, 31) — KormǪ Lv 31V (Korm 35)
Framm þóttumk ek, fasta
Freyr, mínum gram, dreyra,
Gauts at gǫtva móti,
galdrs, blóðfrekum halda,
né, gim-Ránar, gína,
gôtt, hlœðivið máttit,
minn leikr hugr á henni,
hlunnjós við banmunni.
Skj: Kormákr Ǫgmundarson: 2. Lausavísur 31 (AI, 85; BI, 77); (dróttkvætt); ed. EM; group: D; mss: M; texts: Korm 35
36 Vol. 5. Kormáks saga 36 (Hólmgǫngu-Bersi Véleifsson, Lausavísur, 3) — HólmgB Lv 3V (Korm 36)
Hverr's und bjarnar barði
á bekk kominn rekka
(ulf hafa órir niðjar)
œgiligr (und bœgi);
glíkan hefr of gǫrvan,
Glúmr es nefndr eða Skúma,
(fǫrum til móts á morni)
mann Steinari þanna.
Skj: Hólmgǫngu-Bersi Véleifsson: Lausavísur 3 (A; B); (dróttkvætt); ed. EM; group: D; mss: M; texts: Korm 36
37 Vol. 5. Kormáks saga 37 (Hólmgǫngu-Bersi Véleifsson, Lausavísur, 4) — HólmgB Lv 4V (Korm 37, 45)
Boðit hafa brodda hríðar
beiðendr við styr kendir
(oss gerum at því ekki
angr) á holm at ganga;
gaman þykkir nú gumnum
gunnstœranda at fœra
(uggum hvergi at hǫggva)
Hlakkar veðr á bǫkkum.
Skj: Hólmgǫngu-Bersi Véleifsson: Lausavísur 4 (A; BI, 86); (dróttkvætt); ed. EM; group: D; mss: M; texts: Korm 37, Korm 45
38 Vol. 5. Kormáks saga 38 (Steinarr Sjónason, Lausavísur, 1) — StSj Lv 1V (Korm 38)
Lifðak lengi,
létk ráða goð,
hafðak aldri
hosu mosrauða,
battk aldri mér
belg at halsi
urtafullan,
þó ek enn lifi.
Skj: Steinarr Sjónason: Lausavísur 1 (A; BI, 89); (fornyrðislag); ed. EM; group: D; mss: M; texts: Korm 38
39 Vol. 5. Kormáks saga 39 (Hólmgǫngu-Bersi Véleifsson, Lausavísur, 5) — HólmgB Lv 5V (Korm 39)
Fylgðuð oss, es Óðins,
endr, ór þessi hendi,
Hlakkar Njǫrðr, á hurðir
hurðulfr góins þurði,
nú ferr enn, svát æva
Jalks skýja vilt týja
myrði-Frey at morði
(marglyndr est þú) tǫrgu.
Skj: Hólmgǫngu-Bersi Véleifsson: Lausavísur 5 (A; B); (dróttkvætt); ed. EM; group: D; mss: M; texts: Korm 39
40 Vol. 5. Kormáks saga 40 (Hólmgǫngu-Bersi Véleifsson, Lausavísur, 6) — HólmgB Lv 6V (Korm 40)
Þótta ek, þás œri,
ár (sagt es þat), vôrum,
hæfr í hlakkar drífu
hyrrunnum vel Gunnar;
nú vilja mik mínir
(minst dyljum þess) hylja,
þat hefk sótt í sléttan
Saurbœ, fríendr auri.
Skj: Hólmgǫngu-Bersi Véleifsson: Lausavísur 6 (A; B); (dróttkvætt); ed. EM; group: D; mss: A, C, M, R, Tx, U, W; texts: Korm 40, Skm 223
41 Vol. 5. Kormáks saga 41 (Hólmgǫngu-Bersi Véleifsson, Lausavísur, 7) — HólmgB Lv 7V (Korm 41)
Mér hafa frændr at fundi,
fersk vôn gleði, þessum,
(rœðik) heldr, fyr hǫlðum,
(hugat mál of þat) brugðizk;
torogætir ró (teitan
tók hrafn á ná) jafnan,
ek em við ógnir rekka
óhryggr, vinir tryggvir.
Skj: Hólmgǫngu-Bersi Véleifsson: Lausavísur 7 (A; B); (dróttkvætt); ed. EM; group: D; mss: M; texts: Korm 41
42 Vol. 5. Kormáks saga 42 (Steinarr Sjónason, Lausavísur, 2) — StSj Lv 2V (Korm 42)
Folk-Sýrar létk fjóra
(frátt þú þess) ok átta
skyggs fyr Skrýmis eggju
skerðendr hliða verða;
nú hefr bjóðr forsa Bersa
Bestlu niðs á lesti
sárgeitunga sveita
sanneldingu feldan.
Skj: Steinarr Sjónason: Lausavísur 2 (A; BI, 89); (dróttkvætt); ed. EM; group: D; mss: M; texts: Korm 42
43 Vol. 5. Kormáks saga 43 (Hólmgǫngu-Bersi Véleifsson, Lausavísur, 8) — HólmgB Lv 8V (Korm 43)
Mér helt Yggr und eggjar
allstyrkr góins vallar
(nauðr hagar nú til frœða)
Naðrs, en hlífðir ǫðrum;
svá fara rôð, en reiðask
róglinns stafar minna,
nú lætk, at þar þrjóti,
Þórrøðr, vinun óra.
Skj: Hólmgǫngu-Bersi Véleifsson: Lausavísur 8 (A; B); (dróttkvætt); ed. EM; group: D; mss: A, M, W; texts: Korm 43, TGT 59
44 Vol. 5. Kormáks saga 44 (Hólmgǫngu-Bersi Véleifsson, Lausavísur, 9) — HólmgB Lv 9V (Korm 44)
Nú hefk (en ték tanna)
Tanngnjóst vegit manna,
þau beri menn frá morði
mín orð, tøgar fjorða;
koma mun Ullr, þótt eldisk,
(optarr) mara þoptu
(litak blóði svan sveita)
setrs í heim at betra.
Skj: Hólmgǫngu-Bersi Véleifsson: Lausavísur 9 (A; B); (dróttkvætt); ed. EM; group: D; mss: M; texts: Korm 44
45 Vol. 5. Kormáks saga 37 (Hólmgǫngu-Bersi Véleifsson, Lausavísur, 4) — HólmgB Lv 4V (Korm 37, 45)
Boðit hafa brodda hríðar
beiðendr við styr kendir
(oss gerum at því ekki
angr) á holm at ganga;
gaman þykkir nú gumnum
gunnstœranda at fœra
(uggum hvergi at hǫggva)
Hlakkar veðr á bǫkkum.
Skj: Hólmgǫngu-Bersi Véleifsson: Lausavísur 4 (A; BI, 86); (dróttkvætt); ed. EM; group: D; mss: M; texts: Korm 37, Korm 45
46 Vol. 5. Kormáks saga 46 (Hólmgǫngu-Bersi Véleifsson, Lausavísur, 10) — HólmgB Lv 10V (Korm 46)
Einn beið ulfa grennir
andrán, í dal Þambar
fell fyr frœða spilli
framm Þórarinn rammi;
lífspell biðu lýðir,
Loptr hné, Alfr ok Skopti;
þeir hlutu feðgar fjórir
feigð; komk einn til þeira.
Skj: Hólmgǫngu-Bersi Véleifsson: Lausavísur 10 (A; B); (dróttkvætt); ed. EM; group: D; mss: M; texts: Korm 46
47 Vol. 5. Kormáks saga 47 (Hólmgǫngu-Bersi Véleifsson, Lausavísur, 11) — HólmgB Lv 11V (Korm 47)
Benvíðis hjók bráðir
bláfiðruðum skára
(kendr vask mjǫk við manna
morð) halfan tøg fjorða;
troll hafi líf, ef laufa
litak aldrigi bitran;
beri þá brynju vandar
brjót í haug sem skjótast.
Skj: Hólmgǫngu-Bersi Véleifsson: Lausavísur 11 (AI, 94; BI, 88); (dróttkvætt); ed. EM; group: D; mss: M; texts: Korm 47
48 Vol. 5. Kormáks saga 48 (Hólmgǫngu-Bersi Véleifsson, Lausavísur, 12) — HólmgB Lv 12V (Korm 48)
Liggjum báðir
í lamasessi
Haldórr ok ek,
hǫfum engi þrek;
veldr elli mér,
en œska þér,
þess batnar þér,
en þeygi mér.
Skj: Hólmgǫngu-Bersi Véleifsson: Lausavísur 12 (A; B); (fornyrðislag); ed. EM; group: D; mss: 158x, M; texts: Korm 48, Laxd 1
49 Vol. 5. Kormáks saga 49 (Hólmgǫngu-Bersi Véleifsson, Lausavísur, 13) — HólmgB Lv 13V (Korm 49)
Veitk, at Váli beitir
vegstórr tǫður órar,
oss vill heldr enn hvassi
hjalm-Njótr troða und fótum;
opt hefk ýfzk, þás heiptir
unnsólar galtk runnum,
rauðk á brynju beiði
benja linn, of minna.
Skj: Hólmgǫngu-Bersi Véleifsson: Lausavísur 13 (A; B); (dróttkvætt); ed. EM; group: D; mss: M; texts: Korm 49
50 Vol. 5. Kormáks saga 50 (Hólmgǫngu-Bersi Véleifsson, Lausavísur, 14) — HólmgB Lv 14V (Korm 50)
Kominn es Ullr við elli
ǫlna grjóts af fótum;
mart verðr gegni-Gautum
geirfitjar nú sitja;
þótt skírviðir skaldi
skapi aldr í grǫf kaldan,
fyrr rýðk hjalms á holmi
hríðvǫnd an því kvíðak.
Skj: Hólmgǫngu-Bersi Véleifsson: Lausavísur 14 (A; B); (dróttkvætt); ed. EM; group: D; mss: M; texts: Korm 50
51 Vol. 5. Kormáks saga 51 (Kormákr Ǫgmundarson, Lausavísur, 32) — KormǪ Lv 32V (Korm 51)
Mákak hitt of hyggja,
hví þú skyldir verða,
gollhlaðs geymiþella,
gefin tindráttar manni,
trauðla mák of tœja
tanna, silki-Nanna,
síz þik fastnaði frægja
faðir þinn blotamanni.
Skj: Kormákr Ǫgmundarson: 2. Lausavísur 32 (AI, 85; BI, 77); (dróttkvætt); ed. EM; group: D; mss: M; texts: Korm 51
52 Vol. 5. Kormáks saga 52 (Kormákr Ǫgmundarson, Lausavísur, 33) — KormǪ Lv 33V (Korm 52, 65)
Þarfta, hvít, at hœta,
Hlín skrautligrar línu,
(vér kunnum skil skepja)
Skíðunga mér níði;
naddhríðar skalk níða
Njót, svát steinar fljóti;
nú hef ek illan enda
Eysteins sonum leystan.
Skj: Kormákr Ǫgmundarson: 2. Lausavísur 33 (AI, 85-6; BI, 77); (dróttkvætt); ed. EM; group: D; mss: M; texts: Korm 52, Korm 65
53 Vol. 5. Kormáks saga 53 (Kormákr Ǫgmundarson, Lausavísur, 34) — KormǪ Lv 34V (Korm 53)
Skaka verðum vér Skarði,
skald á búð til kalda,
(fjǫll eru fjarðar kelli
faldin) hrím af tjaldi;
vildak at reiðar valdi
væri engu hæra;
hann's til latr frá ljóssi
linnbeðjar Gnô sinni.
Skj: Kormákr Ǫgmundarson: 2. Lausavísur 34 (AI, 86; BI, 77-8); (dróttkvætt); ed. EM; group: D; mss: M; texts: Korm 53
54 Vol. 5. Kormáks saga 54 (Kormákr Ǫgmundarson, Lausavísur, 35) — KormǪ Lv 35V (Korm 54)
Uggik lítt, þótt leggi
landvǫrðr saman randir
(vasat ógn verka stœri)
vellauðigr, mér dauða;
meðan skerjarðar, Skarði,
skorðu mank fyr norðan,
hvǫss angrar sú, sessi,
sótt, Þórketils dóttur.
Skj: Kormákr Ǫgmundarson: 2. Lausavísur 35 (AI, 86; BI, 78); (dróttkvætt); ed. EM; group: D; mss: M; texts: Korm 54
55 Vol. 5. Kormáks saga 55 (Kormákr Ǫgmundarson, Lausavísur, 36) — KormǪ Lv 36V (Korm 55)
Skjótt munum Skarði herðnir,
skulum tveir banar þeira,
hollr, andskota hrinda,
hjǫrdrífr, níu, fjǫrvi,
meðan goðleiðum gáða
grunnleit, sús mér unni,
gengr at glæstum bingi
gollseims Njǫrun heima.
Skj: Kormákr Ǫgmundarson: 2. Lausavísur 36 (AI, 86; BI, 78); (dróttkvætt); ed. EM; group: D; mss: M; texts: Korm 55
56 Vol. 5. Kormáks saga 56 (Kormákr Ǫgmundarson, Lausavísur, 37) — KormǪ Lv 37V (Korm 56)
Brim gnýr, brattir hamrar
blálands Haka standa,
alt gjalfr eyja þjalfa
út líðr í stað, víðis;
mér kveðk heldr of Hildi
hrannbliks, an þér, miklu
svefnfátt; sǫrva Gefnar
sakna mank, es ek vakna.
Skj: Kormákr Ǫgmundarson: 2. Lausavísur 37 (AI, 86; BI, 78); (dróttkvætt); ed. EM; group: D; mss: M; texts: Korm 56
57 Vol. 5. Kormáks saga 57 (Kormákr Ǫgmundarson, Lausavísur, 38) — KormǪ Lv 38V (Korm 57)
Esa mér, sem Tinteini
- trauðr's vásfara kauði -
(skjarr's hann) við þys þenna,
þrjótr myksleða brjóti,
þás (alsnjallir allir
oddregns stafar fregni)
es í Sólundar sundi
sundfaxa rô bundin.
Skj: Kormákr Ǫgmundarson: 2. Lausavísur 38 (AI, 86-7; BI, 78); (dróttkvætt); ed. EM; group: D; mss: M; texts: Korm 57
58 Vol. 5. Kormáks saga 58 (Kormákr Ǫgmundarson, Lausavísur, 39) — KormǪ Lv 39V (Korm 58)
Veit hinn, es tin tannar,
trauðr sæfara, enn blauði
(stǫndumk Ilmr fyr ynði)
ógǫrva þat (sǫrva),
hvar eldfaldin alda
opt gengr of skǫr drengjum;
hann á vífs at vitja
varma búð á armi.
Skj: Kormákr Ǫgmundarson: 2. Lausavísur 39 (AI, 87; BI, 79); (dróttkvætt); ed. EM; group: D; mss: M; texts: Korm 58
59 Vol. 5. Kormáks saga 59 (Kormákr Ǫgmundarson, Lausavísur, 40) — KormǪ Lv 40V (Korm 59)
Hvílum, handar bála
Hlín, valda skǫp sínu
(þat séum) reið at ráði
rík, tveim megin bríkar,
nærgi's oss í eina
angrlaust sæing gǫngum,
dýr skǫfnunga, drafnar
dúneyjar, við, Freyja.
Skj: Kormákr Ǫgmundarson: 2. Lausavísur 40 (AI, 87; BI, 79); (dróttkvætt); ed. EM; group: D; mss: M; texts: Korm 59
60 Vol. 5. Kormáks saga 60 (Kormákr Ǫgmundarson, Lausavísur, 41) — KormǪ Lv 41V (Korm 60)
Svôfum, Hnoss, í húsi
hornþeyjar, vit Freyja
fjarðar logs en frægja
fimm nœtr saman grimmar;
ok hyrketils hverja
hrafns ævi Gnóð stafna
lags, á lítt of hugsi,
lák andvanr á banda.
Skj: Kormákr Ǫgmundarson: 2. Lausavísur 41 (AI, 87; BI, 79); (dróttkvætt); ed. EM; group: D; mss: M; texts: Korm 60
61 Vol. 5. Kormáks saga 61 (Kormákr Ǫgmundarson, Lausavísur, 42) — KormǪ Lv 42V (Korm 61)
Heitask hellur fljóta
hvatt sem korn á vatni
(enn emk auðspǫng ungri
ofþekkr), en bjǫð søkkva,
fœrask fjǫll en stóru,
fræg, í djúpan ægi,
auðs áðr jafnfǫgr tróða
alin verði Steingerði.
Skj: Kormákr Ǫgmundarson: 2. Lausavísur 42 (AI, 87; BI, 79); (dróttkvætt); ed. EM; group: D; mss: M; texts: Korm 61
62 Vol. 5. Kormáks saga 62 (Kormákr Ǫgmundarson, Lausavísur, 43) — KormǪ Lv 43V (Korm 62)
Svá berr mér í mína,
men-Gefn, of þat svefna
(nema fági dul drjúga
drengr) ofraðar lengi,
at axllimar yðrar,
auð-Frigg, myni liggja,
hvít, á heiðis landi
hlíðar mér of síðir.
Skj: Kormákr Ǫgmundarson: 2. Lausavísur 43 (AI, 87; BI, 80); (dróttkvætt); ed. EM; group: D; mss: M; texts: Korm 62
63 Vol. 5. Kormáks saga 63 (Kormákr Ǫgmundarson, Lausavísur, 44) — KormǪ Lv 44V (Korm 63)
Digla bauð ek dregla
dagtála (því máli
mér vasa dagr, sás dugði)
drífhagl (af því) vífi,
en blíðhuguð beiði
bauð golls-Njǫrun (auðar
mitt villat fé Fulla)
fingrgoll gefit trollum.
Skj: Kormákr Ǫgmundarson: 2. Lausavísur 44 (AI, 87-8; BI, 80); (dróttkvætt); ed. EM; group: D; mss: M; texts: Korm 63
64 Vol. 5. Kormáks saga 64 (Anonymous Lausavísur, Lausavísa from Kormáks saga, 1) — Anon (Korm) 1V (Korm 64)
Vildak hitt at væri
vald-Eir gamans jalda
stœðilôt í stóði
Steingerðr, en ek reini,
værak þráða Þrúði,
þeiri's stǫðvar geira
gunnǫrðigra garða
gaupnelds, á bak hlaupinn.
Skj: Anonyme digte og vers [X]: I. B. 3. Nidvers om Kormak og Steingerd (AI, 178; BI, 168); (dróttkvætt); ed. EM; group: D; mss: M; texts: Korm 64
65 Vol. 5. Kormáks saga 52 (Kormákr Ǫgmundarson, Lausavísur, 33) — KormǪ Lv 33V (Korm 52, 65)
Þarfta, hvít, at hœta,
Hlín skrautligrar línu,
(vér kunnum skil skepja)
Skíðunga mér níði;
naddhríðar skalk níða
Njót, svát steinar fljóti;
nú hef ek illan enda
Eysteins sonum leystan.
Skj: Kormákr Ǫgmundarson: 2. Lausavísur 33 (AI, 85-6; BI, 77); (dróttkvætt); ed. EM; group: D; mss: M; texts: Korm 52, Korm 65
66 Vol. 5. Kormáks saga 66 (Kormákr Ǫgmundarson, Lausavísur, 45) — KormǪ Lv 45V (Korm 66)
Seinn þykki mér søkkvi
snyrti-móts, ór Fljótum
sás elgrennir unnar
orð sendi mér norðan;
hringsnyrtir þarf hjarta
háðœrr í sik fœra
(þó's men-Gunnar manni
meira vant) ór leiri.
Skj: Kormákr Ǫgmundarson: 2. Lausavísur 45 (AI, 88; BI, 80); (dróttkvætt); ed. EM; group: D; mss: M; texts: Korm 66
67 Vol. 5. Kormáks saga 67 (Kormákr Ǫgmundarson, Lausavísur, 46) — KormǪ Lv 46V (Korm 67)
Skulut níðingar neyða,
nú emk sóttr of gjǫf Þróttar
(upp geldk Gauta gildi)
gǫgnum, mik til þagnar;
þat munu Þróttar víttir,
Þrós, regns stafar fregna,
(byrjak frægð), nema fjǫrvi
fél-miðlendr mik véli.
Skj: Kormákr Ǫgmundarson: 2. Lausavísur 46 (AI, 88; BI, 80); (dróttkvætt); ed. EM; group: D; mss: M; texts: Korm 67
68 Vol. 5. Kormáks saga 68 (Kormákr Ǫgmundarson, Lausavísur, 47) — KormǪ Lv 47V (Korm 68)
Aura gafk, á eyri
af, skar mær, at bærit
Týr, sýndisk, mér taura,
tveim gangvegum þeima;
vesa mun blóð af blóði,
bjóð aldri þat skaldi
þeims ǫlverki orkar
ásar, tveggja gása.
Skj: Kormákr Ǫgmundarson: 2. Lausavísur 47 (AI, 88; BI, 80-1); (dróttkvætt); ed. EM; group: D; mss: M; texts: Korm 68
69 Vol. 5. Kormáks saga 69 (Kormákr Ǫgmundarson, Lausavísur, 48) — KormǪ Lv 48V (Korm 69)
Mjǫk hafa troll of trylda
(trúit mannr konu annars)
eldreið Áta foldar
(ómissila) þessa;
vættik hins at valdit,
es at vangroði gǫngum,
(hvat of kennum þat henni?)
hôs vǫlva, því, bǫlvi.
Skj: Kormákr Ǫgmundarson: 2. Lausavísur 48 (AI, 88; BI, 81); (dróttkvætt); ed. EM; group: D; mss: M; texts: Korm 69
70 Vol. 5. Kormáks saga 70 (Kormákr Ǫgmundarson, Lausavísur, 49) — KormǪ Lv 49V (Korm 70)
Hefk á holm of gengit,
hald-Eir, of þik, fǫldu,
(hvat megi okrum ôstum)
annat sinn (of rinna?),
ok vígsakar vakðar
(Vôr) hefk of þik (bôru
fúrs skal mér an Tinteini)
tvær, (unnasta værri).
Skj: Kormákr Ǫgmundarson: 2. Lausavísur 49 (AI, 88; BI, 81); (dróttkvætt); ed. EM; group: D; mss: M; texts: Korm 70
71 Vol. 5. Kormáks saga 71 (Kormákr Ǫgmundarson, Lausavísur, 50) — KormǪ Lv 50V (Korm 71)
Hefk á holm of gengit
handar skers, at berjask
þú skaltat mér, þella,
þriðja sinn of kviðja;
rauðk eigi ek rauða
reyr í þessi dreyra,
mitt kveðk slætt, í sveita,
sverð fordæðu gerðu.
Skj: Kormákr Ǫgmundarson: 2. Lausavísur 50 (AI, 88-9; BI, 81); (dróttkvætt); ed. EM; group: D; mss: M; texts: Korm 71
72 Vol. 5. Kormáks saga 72 (Kormákr Ǫgmundarson, Lausavísur, 51) — KormǪ Lv 51V (Korm 72)
Ek verð, opt þvít þykkjum
erróttr, af mér þerra,
golls hlýkk af þér þella
þraut, á mǫttulskauti,
því lát í set snauta
saurreiði (brag greiðik),
mér hefr steypt í stúru
Steingerðr, bana verðan.
Skj: Kormákr Ǫgmundarson: 2. Lausavísur 51 (AI, 89; BI, 81); (dróttkvætt); ed. EM; group: D; mss: M; texts: Korm 72
73 Vol. 5. Kormáks saga 73 (Kormákr Ǫgmundarson, Lausavísur, 52) — KormǪ Lv 52V (Korm 73)
Hins mun hǫr-Gefn spyrja,
es it heim komið báðir
með blót roðin, beiði
benhlunns, sús mér unni,
hvar's nú baugr enn brendi?
bǫl ólítit - - -,
hefr hann sveinn enn svarti,
sonr Ǫgmundar, skaldi.
Skj: Kormákr Ǫgmundarson: 2. Lausavísur 52 (AI, 89; BI, 82); (dróttkvætt); ed. EM; group: D; mss: M; texts: Korm 73
74 Vol. 5. Kormáks saga 74 (Kormákr Ǫgmundarson, Lausavísur, 53) — KormǪ Lv 53V (Korm 74)
Rjóðandi lét randa
ryðskǫlm of mér falma
(fægik Fjǫlnis veigar),
fnasi hann vesalstr manna,
ok þrymskúrar þeirar
(þat varð hlaup at skaupi)
víst hafði mér váða
(vers spákonu) ferri.
Skj: Kormákr Ǫgmundarson: 2. Lausavísur 53 (AI, 89; BI, 82); (dróttkvætt); ed. EM; group: D; mss: M; texts: Korm 74
75 Vol. 5. Kormáks saga 75 (Kormákr Ǫgmundarson, Lausavísur, 54) — KormǪ Lv 54V (Korm 75)
Deyfði eld en aldna
ǫrg véttr fyr mér tǫrgu
(lætk níð á bak bíta
bǫðlund) at hjǫrfundi,
dugðit hjǫrr, þás hugðak
hjalmrœkjanda at sœkja,
hǫgg hlaut huglaus dugga
hølzti stinn at minni.
Skj: Kormákr Ǫgmundarson: 2. Lausavísur 54 (AI, 89; BI, 82); (dróttkvætt); ed. EM; group: D; mss: M; texts: Korm 75
76 Vol. 5. Kormáks saga 76 (Kormákr Ǫgmundarson, Lausavísur, 55) — KormǪ Lv 55V (Korm 76)
Baugi varðk at bœta
brúnleggs hvaðartveggja
(gulduð fé fyrr) bjartrar
fang hals mýils spangar;
gôtut gjalli mœta
golls laufguðum þolli
(tôl hefk teitimála)
tveir kossar fémeiri.
Skj: Kormákr Ǫgmundarson: 2. Lausavísur 55 (AI, 89; BI, 82); (dróttkvætt); ed. EM; group: D; mss: M; texts: Korm 76
77 Vol. 5. Kormáks saga 77 (Kormákr Ǫgmundarson, Lausavísur, 56) — KormǪ Lv 56V (Korm 77)
Vísu munk of vinna,
áðr vér til skips gangim,
senda sǫrva-Rindi
til Svínadals mína;
koma skulu ǫll til eyrna
orð mín Skǫgul borða;
betr annk sigli-Sôgu
an sjǫlfum mér hǫlfu.
Skj: Kormákr Ǫgmundarson: 2. Lausavísur 56 (AI, 89-90; BI, 83); (dróttkvætt); ed. EM; group: D; mss: M; texts: Korm 77
78 Vol. 5. Kormáks saga 78 (Kormákr Ǫgmundarson, Lausavísur, 57) — KormǪ Lv 57V (Korm 78)
Fekk sás fǫgru vífi
fór nær an vér stórum
hǫgg af hjalmar skíði
í hattar stall miðjan;
Eysteins hratar arfi
á elliða stafni;
stýrat á mik, Steingerðr,
þótt steigurla látir.
Skj: Kormákr Ǫgmundarson: 2. Lausavísur 57 (AI, 90; BI, 83); (dróttkvætt); ed. EM; group: D; mss: M; texts: Korm 78
79 Vol. 5. Kormáks saga 79 (Kormákr Ǫgmundarson, Lausavísur, 58) — KormǪ Lv 58V (Korm 79)
Drengr ungr stal mik dalki,
þás drakk á mey rakka;
skuluma of dalk deila
sem drengir tveir ungir;
vel hefr Vigr of skepta,
varðk í grjót at skjóta,
víst's at manns of mistak,
mosi varð upp at losna.
Skj: Kormákr Ǫgmundarson: 2. Lausavísur 58 (AI, 90; BI, 83); (dróttkvætt); ed. EM; group: D; mss: M; texts: Korm 79
80 Vol. 5. Kormáks saga 80 (Kormákr Ǫgmundarson, Lausavísur, 59) — KormǪ Lv 59V (Korm 80)
Runnu, randar linna
rógviðr, at mér gnógir,
þás vér of fen fórum,
flokkum díkis bokkar;
Gauts myndi þá gáttar
gnýsvells, ef þar fellak,
lunds (komk ljósu sprundi)
lǫngum minzk (ór ǫngum).
Skj: Kormákr Ǫgmundarson: 2. Lausavísur 59 (AI, 90; BI, 83); (dróttkvætt); ed. EM; group: D; mss: M; texts: Korm 80
81 Vol. 5. Kormáks saga 81 (Kormákr Ǫgmundarson, Lausavísur, 60) — KormǪ Lv 60V (Korm 81)
Hirðat, handar girðis
Hlín, (sof hjá ver þínum),
fátt kant, í mun manni,
minna frama, at vinna;
þó skalt, fornrar fǫldu
Frigg, heldr an mér liggja
(drykk hefk yðr of aukit
Aureks) næir gauri.
Skj: Kormákr Ǫgmundarson: 2. Lausavísur 60 (AI, 90; BI, 83-4); (dróttkvætt); ed. EM; group: D; mss: M; texts: Korm 81
82 Vol. 5. Kormáks saga 82 (Kormákr Ǫgmundarson, Lausavísur, 61) — KormǪ Lv 61V (Korm 82)
Vasa sem fljóð í faðmi,
þás fangremmi mœttak
við strengmara stýri,
Steingerði mér hefðak;
myndak ǫl at Óðins
í ǫndvegi drekka
skjótt (segik til þess skǫtnum),
ef mér Skrýmir lið veittit.
Skj: Kormákr Ǫgmundarson: 2. Lausavísur 61 (AI, 90; BI, 84); (dróttkvætt); ed. EM; group: D; mss: M; texts: Korm 82
83 Vol. 5. Kormáks saga 83 (Kormákr Ǫgmundarson, Lausavísur, 62) — KormǪ Lv 62V (Korm 83)
Réðkat því at, reiði-
Rindr, morðgǫfugr forðum,
sunds, at, sólar, grandi
sverð skyldi mér verða;
forðumk vætr, þvít verða
vígnaðrs stafar aðrir
(snertum harmr við hjarta)
helnauð, ór kǫr dauðir.
Skj: Kormákr Ǫgmundarson: 2. Lausavísur 62 (AI, 90-1; BI, 84); (dróttkvætt); ed. EM; group: D; mss: M; texts: Korm 83
84 Vol. 5. Kormáks saga 84 (Kormákr Ǫgmundarson, Lausavísur, 63) — KormǪ Lv 63V (Korm 84)
Vasat með mér í morgin
maðr þinn, kona en svinna,
roðinn vas hjǫrr til hodda,
handfǫgr, á Írlandi,
þás, síðernis Sága,
sǫng of mínum vanga
Hlakkar þrafni, en hrafni
heitr fell á nef sveiti.
Skj: Kormákr Ǫgmundarson: 2. Lausavísur 63 (AI, 91; BI, 84); (dróttkvætt); ed. EM; group: D; mss: M; texts: Korm 84
85 Vol. 5. Kormáks saga 85 (Kormákr Ǫgmundarson, Lausavísur, 64) — KormǪ Lv 64V (Korm 85)
Dunði djúpra benja
dǫgg ór mækis hǫggvi
(bark með dýrum drengjum
dreyrugt sverð) á eyri;
bera knôttu þá breiðan
blóðvǫnd hjarar Þundar,
þó munk, greipa glóðar
Gerðr, strádauða verða.
Skj: Kormákr Ǫgmundarson: 2. Lausavísur 64 (AI, 91; BI, 84-5); (dróttkvætt); ed. EM; group: D; mss: M; texts: Korm 85
© Skaldic Project Academic Body, unless otherwise noted. Database structure and interface developed by Tarrin Wills. All users of material on this database are reminded that its content may be either subject to copyright restrictions or is the property of the custodians of linked databases that have given permission for members of the skaldic project to use their material for research purposes. Those users who have been given access to as yet unpublished material are further reminded that they may not use, publish or otherwise manipulate such material except with the express permission of the individual editor of the material in question and the General Editor of the volume in which the material is to be published. Applications for permission to use such material should be made in the first instance to the General Editor of the volume in question. All information that appears in the published volumes has been thoroughly reviewed. If you believe some information here is incorrect please contact Tarrin Wills with full details.

This is a backup server for skaldic.abdn.ac.uk. Any changes made here will be lost.