This is a backup server for skaldic.abdn.ac.uk. Any changes made here will be lost.

Skaldic Poetry of the Scandinavian Middle Ages

login: password: stay logged in: help

verses in Bjarnar saga Hítdœlakappa

1 Vol. 5. Bjarnar saga Hítdœlakappa 1 (Bjǫrn Hítdœlakappi Arngeirsson, Lausavísur, 1) — Bjhít Lv 1V (BjH 1)
Hér myndi nú, handar,
(hœft skiljum brag) vilja,
líki fǫgr es leygjar
Lofn, Eykyndill sofna,
ef hǫrskorða heyrði,
harðla nær at værim
(gerðumk frægr) með fjórða
fleina vald í tjaldi.
Skj: Bjǫrn Arngeirsson hítdœlakappi: 2. Lausavísur 1 (A; B); (dróttkvætt); ed. AF; group: D; mss: 488x, 73ax; texts: BjH 1
2 Vol. 5. Bjarnar saga Hítdœlakappa 2 (Bjǫrn Hítdœlakappi Arngeirsson, Lausavísur, 2) — Bjhít Lv 2V (BjH 2)
Hristi handar fasta
hefr drengr gamans fengit;
hrynja hart á dýnur
hlǫð Eykyndils vǫðva,
meðan (víns) stinna vinnum
(veldr nøkkvat því) kløkkva,
skeið verðk skriðs at beiða,
(skorða) ôr at borði.
Skj: Bjǫrn Arngeirsson hítdœlakappi: 2. Lausavísur 2 (A; B); (dróttkvætt); ed. AF; group: D; mss: 488x, 551d αx, 73ax; texts: BjH 2
3 Vol. 5. Bjarnar saga Hítdœlakappa 3 (Bjǫrn Hítdœlakappi Arngeirsson, Lausavísur, 3) — Bjhít Lv 3V (BjH 3)
Snót biðr svein enn hvíta
svinn at kvíar innan
(reið esat Rínar glóðar
ranglôt) moka ganga;
harðla nýt, sús heitir,
Hlǫkk miðs vita Rǫkkva
sprund biðr út at andar,
Eykyndill, mik skynda.
Skj: Bjǫrn Arngeirsson hítdœlakappi: 2. Lausavísur 3 (A; B); (dróttkvætt); ed. AF; group: D; mss: 488x, 551d αx; texts: BjH 3
4 Vol. 5. Bjarnar saga Hítdœlakappa 4 (Þórðr Kolbeinsson, Lausavísur, 1) — ÞKolb Lv 1V (BjH 4)
Út skalt ganga -
illr þykki mér
gleymr þinn vesa
við griðkonur;
sitr þú á ǫptnum,
es inn komum,
jafnauðigr mér -
út skalt ganga.
Skj: Þórðr Kolbeinsson: 4. Lausavísur 1 (A; BI, 207); (fornyrðislag); ed. AF; group: D; mss: 488x, 551d αx; texts: BjH 4
5 Vol. 5. Bjarnar saga Hítdœlakappa 5 (Bjǫrn Hítdœlakappi Arngeirsson, Lausavísur, 4) — Bjhít Lv 4V (BjH 5)
Hér munk sitja,
hátt vel kveða,
skemta þinni
þjóðvel konu;
þat mun okkr eigi
til orðs lagit;
emk heill í hug;
hér munk sitja.
Skj: Bjǫrn Arngeirsson hítdœlakappi: 2. Lausavísur 4 (A; B); (fornyrðislag); ed. AF; group: D; mss: 488x, 551d αx; texts: BjH 5
6 Vol. 5. Bjarnar saga Hítdœlakappa 6 (Bjǫrn Hítdœlakappi Arngeirsson, Lausavísur, 5) — Bjhít Lv 5V (BjH 6)
Eykyndill verpr ǫndu
(orðsæl) ok vill mæla
(brúðr hefr baztar rœður)
breksǫm við mik nekkvat;
en til Jarðar orða
ǫlunreyrar gengr heyra
lítill sveinn ok leynisk
launkarr ok sésk fjarnar.
Skj: Bjǫrn Arngeirsson hítdœlakappi: 2. Lausavísur 5 (A; B); (dróttkvætt); ed. AF; group: D; mss: 488x, 551d αx; texts: BjH 6
7 Vol. 5. Bjarnar saga Hítdœlakappa 7 (Þórðr Kolbeinsson, Lausavísur, 2) — ÞKolb Lv 2V (BjH 7)
Muna mun Bjǫrn, at Birni
bauga Grund ór mundum,
snót en snerriláta,
slapp Hítdœlakappa;
skapat vas mér, en mjórar
munat þrjótr konu njóta,
(ráð es slíkt til snúðar)
sveigar þǫll at eiga.
Skj: Þórðr Kolbeinsson: 4. Lausavísur 2 (A; BI, 207); (dróttkvætt); ed. AF; group: D; mss: 488x, 551d αx; texts: BjH 7
8 Vol. 5. Bjarnar saga Hítdœlakappa 8 (Bjǫrn Hítdœlakappi Arngeirsson, Lausavísur, 6) — Bjhít Lv 6V (BjH 8)
Þat mun þér, es mœtti
þín sveit liði mínu
þar fyr Þrælaeyri,
Þorðr eimuni, forðum,
ok frá auði miklum
ódrengila genguð;
bart, þótt allvel ortir,
optsinnum hlut minna.
Skj: Bjǫrn Arngeirsson hítdœlakappi: 2. Lausavísur 6 (A; B); (dróttkvætt); ed. AF; group: D; mss: 488x, 551d αx; texts: BjH 8
9 Vol. 5. Bjarnar saga Hítdœlakappa 9 (Bjǫrn Hítdœlakappi Arngeirsson, Lausavísur, 7) — Bjhít Lv 7V (BjH 9)
Muna mátt hitt, at, hattar
hallland, ek vann grandi,
lítill sveinn, of leiti
látprúðr þars þú dúðir,
ok frá byrjar blakki
brátt, sem orka máttir,
annars snauðr an æðru,
ills kunnandi runnuð.
Skj: Bjǫrn Arngeirsson hítdœlakappi: 2. Lausavísur 7 (A; B); (dróttkvætt); ed. AF; group: D; mss: 488x, 551d αx; texts: BjH 9
10 Vol. 5. Bjarnar saga Hítdœlakappa 10 (Bjǫrn Hítdœlakappi Arngeirsson, Lausavísur, 8) — Bjhít Lv 8V (BjH 10)
Hefnt telk þess, at þessa
þornteigar gekt eiga,
(þín's í þurð at einu)
Þorðr (vegsemi) skorðu;
ér á Oddaeyri
undan mínum fundi
brúar und bakka lôguð
Brenneyja lágt skreyja.
Skj: Bjǫrn Arngeirsson hítdœlakappi: 2. Lausavísur 8 (A; B); (dróttkvætt); ed. AF; group: D; mss: 488x, 551d αx; texts: BjH 10
11 Vol. 5. Bjarnar saga Hítdœlakappa 11 (Bjǫrn Hítdœlakappi Arngeirsson, Lausavísur, 9) — Bjhít Lv 9V (BjH 11)
Sátt við, sveinn enn hvíti,
sviptr auði ok giptu,
(ô vas auðs við hríðir)
ǫfund (hjǫrs) í Sólundum,
þás raungetinn ræntak
rusilkvæðr af þér bæði
(heldr vas gráleikr goldinn
gauri) knǫrr ok aura.
Skj: Bjǫrn Arngeirsson hítdœlakappi: 2. Lausavísur 9 (A; B); (dróttkvætt); ed. AF; group: D; mss: 488x, 551d αx; texts: BjH 11
12 Vol. 5. Bjarnar saga Hítdœlakappa 12 (Bjǫrn Hítdœlakappi Arngeirsson, Lausavísur, 10) — Bjhít Lv 10V (BjH 12)
Þá mun þunnrar blæju
þǫll (vestarla und fjǫllum
Rindr vakði mik mundar)
manns þíns getu sanna,
ef gæti son sæta
sunnu mars við runni
(vôn lætk réttrar raunar)
ríklunduð mér glíkan.
Skj: Bjǫrn Arngeirsson hítdœlakappi: 2. Lausavísur 10 (A; B); (dróttkvætt); ed. AF; group: D; mss: 488x, 551d αx; texts: BjH 12
13 Vol. 5. Bjarnar saga Hítdœlakappa 13 (Þórðr Kolbeinsson, Lausavísur, 3) — ÞKolb Lv 3V (BjH 13)
Sextán vas hugr hjóna,
hverr lifði sér (þverri
raus) einn (óru húsi),
auð-Hlín, at mun sínum,
áðr garðvita gerði
grundar einn fyr stundu
stríðir stǫkk í búðum
stórgeðr liði óru.
Skj: Þórðr Kolbeinsson: 4. Lausavísur 3 (A; BI, 207); (dróttkvætt); ed. AF; group: D; mss: 488x, 551d αx; texts: BjH 13
14 Vol. 5. Bjarnar saga Hítdœlakappa 14 (Þórðr Kolbeinsson, Lausavísur, 4) — ÞKolb Lv 4V (BjH 14)
Út skalt ganga -
oss selduð mjǫl
rautt áliti,
rúg sagðir þú;
en þás virðar
vatni blendu,
vas aska ein -
út skalt ganga.
Skj: Þórðr Kolbeinsson: 4. Lausavísur 4 (A; BI, 207); (fornyrðislag); ed. AF; group: D; mss: 488x, 551d αx; texts: BjH 14
15 Vol. 5. Bjarnar saga Hítdœlakappa 15 (Bjǫrn Hítdœlakappi Arngeirsson, Lausavísur, 11) — Bjhít Lv 11V (BjH 15)
Kyrr munk sitja,
komk á hausti,
hefk fornan mǫr
fullu keyptan;
feld gôfuð mér
fagrrǫggvaðan,
kappsvel drepinn;
kyrr munk sitja.
Skj: Bjǫrn Arngeirsson hítdœlakappi: 2. Lausavísur 11 (A; B); (fornyrðislag); ed. AF; group: D; mss: 488x, 551d αx; texts: BjH 15
16 Vol. 5. Bjarnar saga Hítdœlakappa 16 (Bjǫrn Hítdœlakappi Arngeirsson, Lausavísur, 12) — Bjhít Lv 12V (BjH 16)
Svá flakir Ullr of alla,
odds, bǫð-Gefnar Loddu,
hinns ljótan fal lýtir,
linnbeðs sæing innan,
at hól-Njǫrun hvílir
hrannblakks kalin (nakkvat
lofak Þrúðar hag þýðrar
þorns) á beðjar horni.
Skj: Bjǫrn Arngeirsson hítdœlakappi: 2. Lausavísur 12 (A; B); (dróttkvætt); ed. AF; group: D; mss: 488x, 551d αx; texts: BjH 16
17 Vol. 5. Bjarnar saga Hítdœlakappa 17 (Bjǫrn Hítdœlakappi Arngeirsson, Lausavísur, 13) — Bjhít Lv 13V (BjH 17)
Systr eru tvær með tíri
(trúik) enn (sǫgum hennar)
þýð ok þeira móðir
þekk bragsmíðar skekki;
þær 'ro mér (in meira
men-Grund lofak stundum)
þat's versóka veiti
vánligt, í stað kvánar.
Skj: Bjǫrn Arngeirsson hítdœlakappi: 2. Lausavísur 13 (A; B); (dróttkvætt); ed. AF; group: D; mss: 488x, 551d αx; texts: BjH 17
18 Vol. 5. Bjarnar saga Hítdœlakappa 18 (Bjǫrn Hítdœlakappi Arngeirsson, Lausavísur, 14) — Bjhít Lv 14V (BjH 18)
Hoddgeymir liggr heima,
(hér fregn mannr et sanna)
sár fekk mýgir mǫrva
misleitr af selreitum,
en þás út taka hrannir,
allhvass, of sker falla,
fœrir lókr of leiru
ljótr kerlingu skjóta.
Skj: Bjǫrn Arngeirsson hítdœlakappi: 2. Lausavísur 14 (A; B); (dróttkvætt); ed. AF; group: D; mss: 488x, 551d αx; texts: BjH 18
19 Vol. 5. Bjarnar saga Hítdœlakappa 19 (Þórðr Kolbeinsson, Lausavísur, 5) — ÞKolb Lv 5V (BjH 19)
Hvat skyldir þú halda
heimaríkr at slíku
enn (hǫfumk orkn of skemðan)
ár á mínu sári?
þat mun sorg, und saurgum,
seimþollr, hala kollu
remmitungls at rǫngum
randalfr greipt þú kalfi.
Skj: Þórðr Kolbeinsson: 4. Lausavísur 5 (A; BI, 208); (dróttkvætt); ed. AF; group: D; mss: 488x, 551d αx; texts: BjH 19
20 Vol. 5. Bjarnar saga Hítdœlakappa 20 (Bjǫrn Hítdœlakappi Arngeirsson, Lausavísur, 15) — Bjhít Lv 15V (BjH 20)
Standa stýrilundar
staðar - - - - - -
glíkr, 's geira sœkir
gunnsterkr at því verki;
- - - - - - - -
stendr af stála lundi
styrr Þórrøði fyrri.
Skj: Bjǫrn Arngeirsson hítdœlakappi: 2. Lausavísur 15 (A; B); (dróttkvætt); ed. AF; group: D; mss: 488x, 551d αx, 744x, 761bx, A, B, W; texts: BjH 20, TGT 16
21 Vol. 5. Bjarnar saga Hítdœlakappa 21 (Bjǫrn Hítdœlakappi Arngeirsson, Lausavísur, 16) — Bjhít Lv 16V (BjH 21)
Veitat kóna knýtir
(kom drengr við styr lengi),
hinns of eyki annask,
ǫrmôlugr þat gǫrva,
hvar bǫðserkjar birki
(beit egg í tvau leggi),
trauðr es ætna eyðir
einvígis - lætk hníga.
Skj: Bjǫrn Arngeirsson hítdœlakappi: 2. Lausavísur 16 (A; B); (dróttkvætt); ed. AF; group: D; mss: 488x, 551d αx; texts: BjH 21
22 Vol. 5. Bjarnar saga Hítdœlakappa 22 (Þórðr Kolbeinsson, Lausavísur, 6) — ÞKolb Lv 6V (BjH 22)
Hvestum tolf, en tvistir
társ, mær, gefendr vôru
Leifa vegs, í Laufa
laungǫgl Beruhrauni;
ofláta sák ítran,
áðr sték fljótt á grjóti,
(hafa vildu þá hǫlðar
herðimann) í gerðum.
Skj: Þórðr Kolbeinsson: 4. Lausavísur 6 (A; BI, 208); (dróttkvætt); ed. AF; group: D; mss: 488x, 551d αx; texts: BjH 22
23 Vol. 5. Bjarnar saga Hítdœlakappa 23 (Þórðr Kolbeinsson, Lausavísur, 7) — ÞKolb Lv 7V (BjH 23)
Þorns veitk at berr Birni
Baldr rógs sǫgu skjaldar
(neytr þykkisk sá nýtir
naðrbings) an mér aðra,
þvít enn (þœtti betri
þǫgn élviðum Hǫgna)
nú's eldskerðir orðinn
eggleiks bani tveggja.
Skj: Þórðr Kolbeinsson: 4. Lausavísur 7 (A; BI, 208); (dróttkvætt); ed. AF; group: D; mss: 488x, 551d αx; texts: BjH 23
24 Vol. 5. Bjarnar saga Hítdœlakappa 24 (Bjǫrn Hítdœlakappi Arngeirsson, Lausavísur, 17) — Bjhít Lv 17V (BjH 24)
Þat vilk Þórðr at frétti
- (þess unnum bǫr Gunnar),
ops búinn veik fyr veiti
vægja suðr með ægi, -
at þars einir hittumk
(jókk tafn í dag hrafni)
hafviggja fyr hneigi
hnigu tveir viðir geira.
Skj: Bjǫrn Arngeirsson hítdœlakappi: 2. Lausavísur 17 (A; B); (dróttkvætt); ed. AF; group: D; mss: 488x, 551d αx; texts: BjH 24
25 Vol. 5. Bjarnar saga Hítdœlakappa 25 (Bjǫrn Hítdœlakappi Arngeirsson, Lausavísur, 18) — Bjhít Lv 18V (BjH 25)
Kalfs veitk at son sjalfan
(sverða goðs) á roðnum
(radd kappi né kvíddum)
Klifsjǫrva namk fjǫrvi
og vôgum þorn þeygi
Þundar gráps með vôpnum;
fall varð fleygiþolli
fjǫrgrand Niðar branda.
Skj: Bjǫrn Arngeirsson hítdœlakappi: 2. Lausavísur 18 (A; B); (dróttkvætt); ed. AF; group: D; mss: 488x, 551d αx; texts: BjH 25
26 Vol. 5. Bjarnar saga Hítdœlakappa 26 (Bjǫrn Hítdœlakappi Arngeirsson, Grámagaflím, 1) — Bjhít Grám 1V (BjH 26)
Fiskr gekk á land,
en flóð á sand,
hrognkelsi glíkr,
vas á holdi slíkr;
át einhaga
Ilmr grámaga,
meinblandit hræ;
mart's ilt í sæ.
Skj: Bjǫrn Arngeirsson hítdœlakappi: 1. Grámagaflím 1 (A; B); (runhent); ed. AF; group: D; mss: 488x, 551d αx; texts: BjH 26
27 Vol. 5. Bjarnar saga Hítdœlakappa 27 (Bjǫrn Hítdœlakappi Arngeirsson, Grámagaflím, 2) — Bjhít Grám 2V (BjH 27)
Óx brúðar kviðr
frá brjósti niðr,
svát gerðu eik
gekk heldr til keik;
- - - - - - - -
ok aum í vǫmb
varð heldr til þǫmb.
Skj: Bjǫrn Arngeirsson hítdœlakappi: 1. Grámagaflím 2 (A; B); (runhent); ed. AF; group: D; mss: 488x, 551d αx; texts: BjH 27
28 Vol. 5. Bjarnar saga Hítdœlakappa 28 (Bjǫrn Hítdœlakappi Arngeirsson, Grámagaflím, 3) — Bjhít Grám 3V (BjH 28)
Sveinn kom í ljós,
sagt hafði drós
auðar gildi
at ala vildi;
henni [honum?] þótti sá
hundbítr, þars lá,
jafnsnjallr sem geit,
es í augu leit.
Skj: Bjǫrn Arngeirsson hítdœlakappi: 1. Grámagaflím 3 (A; B); (runhent); ed. AF; group: D; mss: 488x, 551d αx; texts: BjH 28
29 Vol. 5. Bjarnar saga Hítdœlakappa 29 (Bjǫrn Hítdœlakappi Arngeirsson, Lausavísur, 19) — Bjhít Lv 19V (BjH 29)
Leit hvar rann hjá runni
runnr dǫkkmara Gunnar
œgiligr í augum
iðglíki mér víka,
segja þrøngvar þeygi
þat barn vita Marnar
hesta hleypi rastar
hlunns sinn fǫður kunna.
Skj: Bjǫrn Arngeirsson hítdœlakappi: 2. Lausavísur 19 (A; B); (dróttkvætt); ed. AF; group: D; mss: 126x, 442x, 448x, 488x, 551d αx; texts: BjH 29, Eb 27
30 Vol. 5. Bjarnar saga Hítdœlakappa 30 (Bjǫrn Hítdœlakappi Arngeirsson, Lausavísur, 20) — Bjhít Lv 20V (BjH 30)
Draum dreymðumk nú, Nauma
Niðbrands skarar landa
(koma mun Yggr at eggjar
enn bragsmíðar kenni),
báðar hendr í blóði,
(braut Kaldamarsnauta)
(mér) ok kendr (í mundum)
Mæringr roðinn væri.
Skj: Bjǫrn Arngeirsson hítdœlakappi: 2. Lausavísur 20 (A; B); (dróttkvætt); ed. AF; group: D; mss: 162F, 488x, 551d αx; texts: BjH 30
31 Vol. 5. Bjarnar saga Hítdœlakappa 31 (Þórðr Kolbeinsson, Lausavísur, 8) — ÞKolb Lv 8V (BjH 31)
Bjǫrn tekr brátt es mornar,
bráðr við illu ráði;
grǫnum es vanr at grípa
glópr við hverju hrópi;
ok hvikmála hœlir
hveimleiðr með stjǫl breiðan,
sanni firðr ok svinnu,
siti hann vesalstr manna.
Skj: Þórðr Kolbeinsson: 4. Lausavísur 8 (A; BI, 208); (dróttkvætt); ed. AF; group: D; mss: 488x, 551d αx; texts: BjH 31
32 Vol. 5. Bjarnar saga Hítdœlakappa 32 (Bjǫrn Hítdœlakappi Arngeirsson, Lausavísur, 21) — Bjhít Lv 21V (BjH 32)
Þræta at þú sér betri
Þórðr (skuld enga vildak),
alls gazt enga snilli
eljun latr á skratti;
vart hǫfum verri orta
(vink bjór Hôars inna)
sekr glœps "okr", an ortak,
ísbjóðr, of þik vísu.
Skj: Bjǫrn Arngeirsson hítdœlakappi: 2. Lausavísur 21 (A; B); (dróttkvætt); ed. AF; group: D; mss: 488x, 551d αx; texts: BjH 32
33 Vol. 5. Bjarnar saga Hítdœlakappa 33 (Þórðr Kolbeinsson, Lausavísur, 9) — ÞKolb Lv 9V (BjH 33)
Ǫllungis biðk allar,
atgeirs, ok skeið þeira,
(rétt skilk) rammar véttir,
ruðr óps, þærs hlýrn skópu,
at, stríðbendi, standi,
stálgaldrs en ek valda,
blóðugr ǫrn of Birni
bráðgjarn hǫfuðsvǫrðum.
Skj: Þórðr Kolbeinsson: 4. Lausavísur 9 (A; BI, 209); (dróttkvætt); ed. AF; group: D; mss: 162F, 488x, 551d αx; texts: BjH 33
34 Vol. 5. Bjarnar saga Hítdœlakappa 34 (Bjǫrn Hítdœlakappi Arngeirsson, Lausavísur, 22) — Bjhít Lv 22V (BjH 34)
Undr's ef ekki benda
(opt vakir drengr at lengrum);
ógn hefk fyrða fregna,
framvísar mér dísir,
þvít armleggjar orma
Ilmr dagbœjar hilmis
heim ór hverjum draumi
hjalmfaldin býðr skaldi.
Skj: Bjǫrn Arngeirsson hítdœlakappi: 2. Lausavísur 22 (A; B); (dróttkvætt); ed. AF; group: D; mss: 162F, 488x, 551d αx; texts: BjH 34
35 Vol. 5. Bjarnar saga Hítdœlakappa 35 (Bjǫrn Hítdœlakappi Arngeirsson, Lausavísur, 23) — Bjhít Lv 23V (BjH 35)
Út genk með lið lítit,
lítt sék hers við víti;
sverð fylgir menmyrði
mitt ok skjǫldr enn hvíti;
enn fyr einum, runni
ægis dýrs, of Mýrar,
vǫndr skal hjalts ór hendi
hrøkkva, fyrr an støkkvak.
Skj: Bjǫrn Arngeirsson hítdœlakappi: 2. Lausavísur 23 (A; B); (dróttkvætt); ed. AF; group: D; mss: 162F, 488x, 551d αx; texts: BjH 35
36 Vol. 5. Bjarnar saga Hítdœlakappa 36 (Bjǫrn Hítdœlakappi Arngeirsson, Lausavísur, 24) — Bjhít Lv 24V (BjH 36)
Tveir erum vǫrðr, en vôrum,
vápneirar, mun fleiri
(opt vas skald und skildi)
skólkinnis, at jólum;
enn hraustgeði á hausti
(hoddlestis) kom vestan
(sveit vasa seggja lítil
snarfengs) með lið drengja.
Skj: Bjǫrn Arngeirsson hítdœlakappi: 2. Lausavísur 24 (A; B); (dróttkvætt); ed. AF; group: D; mss: 488x, 551d αx; texts: BjH 36
37 Vol. 5. Bjarnar saga Hítdœlakappa 37 (Þórðr Kolbeinsson, Lausavísur, 10) — ÞKolb Lv 10V (BjH 37)
Lóskat, - snarr, at snerru
segg þann bitu eggjar,
hinn's fyr heiði sunnan,
hugprýði mér frýði, -
at, morðvanðan, myndak
(meins hlutum rán af beini),
bitu þann fyr sǫk sanna
sverð, hans bani verða.
Skj: Þórðr Kolbeinsson: 4. Lausavísur 10 (A; BI, 209); (dróttkvætt); ed. AF; group: D; mss: 488x, 551d αx; texts: BjH 37
38 Vol. 5. Bjarnar saga Hítdœlakappa 38 (Þórðr Kolbeinsson, Lausavísur, 11) — ÞKolb Lv 11V (BjH 38)
Hvert stefnið ér hrafnar
hart með flokk enn svarta?
Farið ljóst matar leita
landnorðr frá Klifsandi;
þar liggr Bjǫrn, en Birni
blóðgǫgl of skǫr stóðu,
(þollr hné hjalms), á hjalla
Hvítings ofar lítlu.
Skj: Þórðr Kolbeinsson: 4. Lausavísur 11 (A; BI, 209); (dróttkvætt); ed. AF; group: D; mss: 488x, 551d αx; texts: BjH 38
39 Vol. 5. Bjarnar saga Hítdœlakappa 39 (Þórðr Kolbeinsson, Lausavísur, 12) — ÞKolb Lv 12V (BjH 39)
Móðr verðk mitt hross leiða,
mjúk verðra fǫr sjúkrar,
(reið esa fljót) uns Fríði
fjargvefjar dag margan;
þvít (hjǫrborgar) hvergi
Hlǫkk unði sér dǫkkvar
(mikit stríð vas þat -Móða
merki-) skins fyr verkjum.
Skj: Þórðr Kolbeinsson: 4. Lausavísur 12 (A; BI, 209); (dróttkvætt); ed. AF; group: D; mss: 488x, 551d αx; texts: BjH 39
© Skaldic Project Academic Body, unless otherwise noted. Database structure and interface developed by Tarrin Wills. All users of material on this database are reminded that its content may be either subject to copyright restrictions or is the property of the custodians of linked databases that have given permission for members of the skaldic project to use their material for research purposes. Those users who have been given access to as yet unpublished material are further reminded that they may not use, publish or otherwise manipulate such material except with the express permission of the individual editor of the material in question and the General Editor of the volume in which the material is to be published. Applications for permission to use such material should be made in the first instance to the General Editor of the volume in question. All information that appears in the published volumes has been thoroughly reviewed. If you believe some information here is incorrect please contact Tarrin Wills with full details.

This is a backup server for skaldic.abdn.ac.uk. Any changes made here will be lost.