This is a backup server for skaldic.abdn.ac.uk. Any changes made here will be lost.

Skaldic Poetry of the Scandinavian Middle Ages

login: password: stay logged in: help

verses in Guðmundar saga biskups D

1 Vol. 4. Einarr Gilsson, Guðmundarkvæði, 1 — EGils Guðkv 1IV
Fæddr var ǫlr, sá er eyddi
alnýtr fira lýtum,
endr á Grjótár grundu
gulls með virðing fullri;
sagði sveins at hugði
sauðnis látrs í gráti
kærum krapta stóra
Kárhǫfði þat árum.
Skj: Einarr Gilsson: 1. Et digt (drape?) om Guðmund Arason, biskop 1 (AII, 397; BII, 418); (dróttkvætt); ed. KW; group: C; mss: 396; texts: GBpD 1
2 Vol. 4. Einarr Gilsson, Guðmundarkvæði, 2 — EGils Guðkv 2IV
Ari fekk hǫgg af hjǫrvi,
hann fell við lof manna,
hraustr barg hjǫrva treystir
harðfingum Erlingi;
þá tók arf sem ek inni
ǫlbjóðr við skrá fróða,
lími gekk með lámum
lundstórum Guðmundi.
Skj: Einarr Gilsson: 1. Et digt (drape?) om Guðmund Arason, biskop 2 (AII, 397; BII, 418); (dróttkvætt); ed. KW; group: C; mss: 396, 5; texts: GBpD 2
3 Vol. 4. Einarr Gilsson, Guðmundarkvæði, 3 — EGils Guðkv 3IV
Vígslur tók, sá er víkja,
váttr guðs laga, knátti,
lundr, til hægri handar,
hann best, siðum flestum;
ok prestr, er lét lǫstu
lífsnjallr hatat alla,
Guðmundr varð, en greinduz
góð verk kyni þjóðar.
Skj: Einarr Gilsson: 1. Et digt (drape?) om Guðmund Arason, biskop 3 (AII, 397; BII, 419); (dróttkvætt); ed. KW; group: C; mss: 396, 5; texts: GBpD 3
4 Vol. 4. Einarr Gilsson, Guðmundarkvæði, 4 — EGils Guðkv 4IV
Nótt fór Már af mætti
meinum virkr til kirkju,
Gautr vann grafnings látra
Guðmund á bæn fundit;
út fló ǫxl af gætis
einn fugl siða hreinna,
því er dýrð um ask orðin
alkunn breka sunnu.
Skj: Einarr Gilsson: 1. Et digt (drape?) om Guðmund Arason, biskop 4 (AII, 397-8; BII, 419); (dróttkvætt); ed. KW; group: C; mss: 396, 5; texts: GBpD 4
5 Vol. 4. Einarr Gilsson, Guðmundarkvæði, 5 — EGils Guðkv 5IV
Braut gaf vígslu veitir
víns nálimum sínum
tíða offr, sá er trúði
tunglranns á gram sannan;
kendi meiðir mundar
merkr prúðliga klerkum;
rétt er at seggja sættir
sǫng ok vakti lǫngum.
Skj: Einarr Gilsson: 1. Et digt (drape?) om Guðmund Arason, biskop 5 (AII, 398; BII, 419); (dróttkvætt); ed. KW; group: C; mss: 396, 5; texts: GBpD 5
6 Vol. 4. Einarr Gilsson, Guðmundarkvæði, 6 — EGils Guðkv 6IV
Gjǫrðiz dátt um dýrðir
dygðar prests, þvíat flestir
unnu elsku svinnir
auðlundar Guðmundi;
hittuz hǫpp, þau er sóttu,
hvert dægr, trega lægi,
skildiz hár meðal hǫlda
heiðr guðs laga reiðis.
Skj: Einarr Gilsson: 1. Et digt (drape?) om Guðmund Arason, biskop 6 (AII, 398; BII, 419-20); (dróttkvætt); ed. KW; group: C; mss: 396, 5; texts: GBpD 6
7 Vol. 4. Einarr Gilsson, Guðmundarkvæði, 7 — EGils Guðkv 7IV
Eld sá eik hvar mildust
orma ness um messu
stóð af stefja leiðu
stund eina Guðmundar;
vells kvað vitran fulla
verk dásamlig merkja
hrund at heilagr andi
hans embættis gætti.
Skj: Einarr Gilsson: 1. Et digt (drape?) om Guðmund Arason, biskop 7 (AII, 398; BII, 420); (dróttkvætt); ed. KW; group: C; mss: 396, 5; texts: GBpD 7
8 Vol. 4. Einarr Gilsson, Guðmundarkvæði, 8 — EGils Guðkv 8IV
Síð kom heim, sá er heiða,
hrings, laut at dǫglingi,
vǫrðr, með vizku dýrðum,
virkr til læstrar kirkju,
en þegar eflir svinnu
almildr lesa vildi,
upp laukz hurð fyr hirði
heilags dóms með sóma.
Skj: Einarr Gilsson: 1. Et digt (drape?) om Guðmund Arason, biskop 8 (AII, 398; BII, 420); (dróttkvætt); ed. KW; group: C; mss: 396, 5; texts: GBpD 8
9 Vol. 4. Einarr Gilsson, Guðmundarkvæði, 9 — EGils Guðkv 9IV
Vinr réð þrátt at þjóna
þýðr Máríu lýða,
hét á himna gætis
hringbjóðr frama móður;
virkr nam dátt at dýrka
drafnar runnr sem kunni
ells ok engla stilli
yfirdrotningu gotna.
Skj: Einarr Gilsson: 1. Et digt (drape?) om Guðmund Arason, biskop 9 (AII, 399; BII, 420); (dróttkvætt); ed. KW; group: C; mss: 396, 5; texts: GBpD 9
10 Vol. 4. Einarr Gilsson, Guðmundarkvæði, 10 — EGils Guðkv 10IV
Ærðiz ófnis jarðar
Unnr, hétu þá runnar
víst á drotning dýsta
dalregns himins þegna;
fríð nam mildings móðir
menja Gefn í svefni
sýnaz, mundar, mána,
Mist geymandi tvista.
Skj: Einarr Gilsson: 1. Et digt (drape?) om Guðmund Arason, biskop 10 (AII, 399; BII, 421); (dróttkvætt); ed. KW; group: C; mss: 396, 5; texts: GBpD 10
11 Vol. 4. Einarr Gilsson, Guðmundarkvæði, 11 — EGils Guðkv 11IV
Seg þú at vatn þat er vígði
vinr minn, kvað frú svinnust,
stǫkkvi, ræsis, rekkar,
rǫðuls, dúks á Bil sjúka;
sá kann bazt yfir brunnum
Baldr lǫfsǫngum halda,
bóls segir buðlungs éla
blíð mær, funa víðis.
Skj: Einarr Gilsson: 1. Et digt (drape?) om Guðmund Arason, biskop 11 (AII, 399; BII, 421); (dróttkvætt); ed. KW; group: C; mss: 396, 5; texts: GBpD 11
12 Vol. 4. Einarr Gilsson, Guðmundarkvæði, 12 — EGils Guðkv 12IV
Braut hvarf at sýn sætu
sæt mær himingætis;
Hlín nam guðvefs greina
grein stálviðum hreina;
lýðr brá vatni víðis
víðfrægs á man síðan,
heil varð brúðr af báli,
báls stýranda, tálar.
Skj: Einarr Gilsson: 1. Et digt (drape?) om Guðmund Arason, biskop 12 (AII, 399; BII, 421); (dróttkvætt); ed. KW; group: C; mss: 396, 5; texts: GBpD 12
13 Vol. 4. Einarr Gilsson, Guðmundarkvæði, 13 — EGils Guðkv 13IV
Mein hlaut Kálfr af kauni,
kverkr þrútnuðu, serkjar
niðr, þó at reyndi, Rindar
rann alls ekki Sanni;
prestr gaf hjǫrva hristi
heilagt vatn, en skatnar
litu eldboða Áta
albéttan þat stéttar.
Skj: Einarr Gilsson: 1. Et digt (drape?) om Guðmund Arason, biskop 13 (AII, 399; BII, 421-2); (dróttkvætt); ed. KW; group: C; mss: 396, 5; texts: GBpD 13
14 Vol. 4. Einarr Gilsson, Guðmundarkvæði, 14 — EGils Guðkv 14IV
Móð fekk hreytir hríðar
hjǫrteins í brásteinum,
Ófeigr hlaut augum
undrlaust í stað blunda;
varð af handlaug hirðis
hreins dýrligra greina
hlátrar hellis Gauta
heil brúna rǫf deilis.
Skj: Einarr Gilsson: 1. Et digt (drape?) om Guðmund Arason, biskop 14 (AII, 399-400; BII, 422); (dróttkvætt); ed. KW; group: C; mss: 5; texts: GBpD 14
15 Vol. 4. Einarr Gilsson, Guðmundarkvæði, 15 — EGils Guðkv 15IV
Raun lá sárt á sveini,
svall búkr, limu alla,
kǫr vann, krepti stórum
kvǫl, bǫðvar Tý fǫlvan;
þar fekk síðan sǫkkvir
sundeims af Guðmundar
hreina bjǫrtum bænum
bót armæðu ljótrar.
Skj: Einarr Gilsson: 1. Et digt (drape?) om Guðmund Arason, biskop 15 (AII, 400; BII, 422); (dróttkvætt); ed. KW; group: C; mss: 5; texts: GBpD 15
16 Vol. 4. Einarr Gilsson, Guðmundarkvæði, 16 — EGils Guðkv 16IV
Fúrs, gekk flagð at Snorra,
fór drengr á hæl stórum,
sótti mǫrn af mætti
mest valklifa lesti;
hét á Guðmund gætir
glaðr ílegu naðra,
þeim barg garpi geymir
greiðvirkr hǫfuðkirkju.
Skj: Einarr Gilsson: 1. Et digt (drape?) om Guðmund Arason, biskop 16 (AII, 400; BII, 422); (dróttkvætt); ed. KW; group: C; mss: 5; texts: GBpD 16
17 Vol. 4. Einarr Gilsson, Guðmundarkvæði, 17 — EGils Guðkv 17IV
Fót kló jarðar Áta
ells Guðmundar þella;
þóttu þeygi réttir
þrír fingr á Bil kingu;
hreinn nam hart at spynna
hófs í krepptan lófa,
en hǫnd á Vár vindu
varð heil, friðar deilir.
Skj: Einarr Gilsson: 1. Et digt (drape?) om Guðmund Arason, biskop 17 (AII, 400; BII, 423); (dróttkvætt); ed. KW; group: C; mss: 5; texts: GBpD 17
18 Vol. 4. Einarr Gilsson, Guðmundarkvæði, 18 — EGils Guðkv 18IV
Snjǫll varð ferð á fjalli,
fleinþings, með Kolbeini,
tjald sló vǫrðr sem vildi
víns hirði-Bil sinni;
ein sat ægis mána
eik, en sveit nam leika,
braut hvarf elds frá ýtum
Áta lands, með gráti.
Skj: Einarr Gilsson: 1. Et digt (drape?) om Guðmund Arason, biskop 18 (AII, 400; BII, 423); (dróttkvætt); ed. KW; group: C; mss: 5; texts: GBpD 18
19 Vol. 4. Einarr Gilsson, Guðmundarkvæði, 19 — EGils Guðkv 19IV
Angrs var Kolbeinn klungri
kvíðandi mjǫk síðan,
Otrs er eik var brautu
ung nauðgjalda, þrunginn;
fróns bað fyrða sína
farar rækjandi sækja
prest þann, er lýð leysti,
linns, allmǫrgu sinni.
Skj: Einarr Gilsson: 1. Et digt (drape?) om Guðmund Arason, biskop 19 (AII, 400; BII, 423); (dróttkvætt); ed. KW; group: C; mss: 5; texts: GBpD 19
20 Vol. 4. Einarr Gilsson, Guðmundarkvæði, 20 — EGils Guðkv 20IV
Veit ek at geirþings Gautar
Guðmund í stað fundu,
kváðu Kolbein meiðar
kjaldúks vera sjúkan;
"heill berr stefja stillir
stríðr útlimu fríða",
brátt segir bǫlva léttir
bjartr, "en nauð í hjarta".
Skj: Einarr Gilsson: 1. Et digt (drape?) om Guðmund Arason, biskop 20 (AII, 400-1; BII, 423-4); (dróttkvætt); ed. KW; group: C; mss: 5; texts: GBpD 20
21 Vol. 4. Einarr Gilsson, Guðmundarkvæði, 21 — EGils Guðkv 21IV
Kænn nam Kolbein finna
kafs rýrandi fýris,
"bittu", kvað Viðris veitir
víns, "fyr beðju mínni";
hét á sikling sætan
seimlundr rǫðulgrundar;
aptr kom brúðr til beiðis
bláleit ok dauð hneitis.
Skj: Einarr Gilsson: 1. Et digt (drape?) om Guðmund Arason, biskop 21 (AII, 401; BII, 424); (dróttkvætt); ed. KW; group: C; mss: 5; texts: GBpD 21
22 Vol. 4. Einarr Gilsson, Guðmundarkvæði, 22 — EGils Guðkv 22IV
Enn nam ǫðru sinni
allhryggr á prest kalla
hjaldrs at hjálpa skyldi
hlunnr valbrautar Gunni;
hár gaf himna stýrir
Hlín albætta Vínu
fyr Guðmundar greindar
grænleiks friðar-bænir.
Skj: Einarr Gilsson: 1. Et digt (drape?) om Guðmund Arason, biskop 22 (AII, 401; BII, 424); (dróttkvætt); ed. KW; group: C; mss: 5; texts: GBpD 22
23 Vol. 4. Arngrímr ábóti Brandsson, Guðmundarkvæði, 1 — Arngr Guðkv 1IV
Leysti, lýð sá er fǫstur
lætr jafnan vel gæta,
sén var í hjarta hónum
hrein, akkeris-fleina;
engr fær talt með tungu,
tíðast þó at lof smíði,
verk þau er dátt munu dýrka
dygða-mann enn sanna.
Skj: Arngrímr ábóti Brandsson: 2. Af et drotkvædet digt (?) om Gudmund Arason 1 (A; B); (dróttkvætt); ed. GN; group: C; mss: 5; texts: GBpD 23
24 Vol. 4. Arngrímr ábóti Brandsson, Lausavísur, 1 — Arngr Lv 1IV
Tígnar birtiz maðr af magni,
menn sé gjǫrr ef nǫkkurr kennir,
klæðin hefir sá ilsku eyðir
ǫll ok prúð, með byskups skrúði;
happreyni gaf hjálpar-kænum,
hann græðir sár krankra manna,
sína blessan; svá varð raunar
svefn at vitran byskups-efni.
Skj: Arngrímr ábóti Brandsson: 1. Guðmundar kvæði (drápa?) byskups 11 (AII, 350; BII, 374); (hrynhent); ed. GN; group: C; mss: 5; texts: GBpD 24
25 Vol. 4. Arngrímr ábóti Brandsson, Guðmundarkvæði, 2 — Arngr Guðkv 2IV
Enn er sagt með sǫnnu,
sær gekk fjǫllum hæri
(áðr þvarr ǫld fyr prúðri
austr) at þeira flausti;
sundr brast há fyr hendi,
(hnoss er í slíkum krossi,
ván er at hlýði hónum)
hrǫnn sú er ægði mǫnnum.
Skj: Arngrímr ábóti Brandsson: 2. Af et drotkvædet digt (?) om Gudmund Arason 2 (A; B); (dróttkvætt); ed. GN; group: C; mss: 5; texts: GBpD 25
26 Vol. 4. Grímr Hjaltason, Lausavísur, 1 — GrHj Lv 1IV
Eisandi veðr undan
uðr, nú's hvast ór suðri,
stœrir sterkar bôrur,
(starf esa smátt) fyr Hvarfi;
kløkkr verðr kjǫlr, en rakkan
kemr hregg í stað seggjum,
nú ro fjǫll á sæ sollin;
súð gengr æ sem prúðast.
Skj: Grímr Hjaltason: Lausavísur 1 (A; B); (dróttkvætt); ed. GN; group: D; mss: 154x, 155x, 395 4°x, 397x, 398x, 399, 487x, 5, 657c, 983x, papp4x; texts: GBpA 3, GBpB 2, GBpC 2, GBpD 26, Hrafn 13
27 Vol. 4. Arngrímr ábóti Brandsson, Lausavísur, 2 — Arngr Lv 2IV
Vélrýrir tók vígslu dýra,
vagna bóls, með helgum stóli,
sínum framdi siklingr mána
seima skipti andar giptum;
tírprúður lét trúarsæði
tungla hválfs í munar kálfum
gǫfgri ferð, þar er gætti hjarðar
gæfu studdr, af vexti frævaz.
Skj: Arngrímr ábóti Brandsson: 1. Guðmundar kvæði (drápa?) byskups 15 (A; B); (hrynhent); ed. GN; group: C; mss: 5; texts: GBpD 27
28 Vol. 4. Arngrímr ábóti Brandsson, Guðmundardrápa, 14 — Arngr Gd 14IV
Lestir mæddi fárs í fǫstum
fagran aldr ok bæna-haldi,
mæta sýndi miskunn ýtum
meinabrjótr í dæmum hreinum;
mjúklátum var mǫnnum veitinn,
mildr ok blíðr, en grimmr við stríða,
rétta vildi hann ranga háttu
(rann frægð af því) undirmanna.
Skj: Arngrímr ábóti Brandsson: 1. Guðmundar kvæði (drápa?) byskups 16 (AII, 351-2; BII, 376); (hrynhent); ed. GN; group: C; mss: 5; texts: GBpD 28
29 Vol. 4. Kolbeinn Tumason, Lausavísur, 4 — Kolb Lv 4IV
Báls kveðr hlynr at Hólum
hvern mann vesa í banni
Gylfa láðs, þanns greiðir,
geðrakkr, fyr mér nakkvat;
trautt kann hóf, sás háttar,
hoddlestir, vel flestu,
meðr eru af því aðrir
ósælir, stórmæla.
Skj: Kolbeinn Tumason: 2. Lausavísur 4 (A; BII, 47-48); (dróttkvætt); ed. GN; group: C; mss: 114x, 204x, 395 4°x, 396, 399, 5, 657c, I, papp4x, papp8x; texts: GBpA 5, GBpB 10, GBpC 3, GBpD 29, Ísls 2
30 Vol. 4. Kolbeinn Tumason, Lausavísur, 5 — Kolb Lv 5IV
Bannar byskup mǫnnum,
berr stríð af því víða
lýða kind á láði
lǫngum kirkju-gǫngur;
geystr mun gegn at flestu
Guðmundr fara of stundir;
trautt mák enn fyr annan
enda sjá hvar lendir.
Skj: Kolbeinn Tumason: 2. Lausavísur 5 (A; BII, 47-48); (dróttkvætt); ed. GN; group: C; mss: 114x, 204x, 395 4°x, 396, 399, 5, 657c, I, papp4x, papp8x; texts: GBpA 6, GBpB 11, GBpC 4, GBpD 30, Ísls 3
31 Vol. 4. Kolbeinn Tumason, Lausavísur, 6 — Kolb Lv 6IV
Ara vill Guðmundr gǫrvask
glíkr Tómási at ríki,
nær liggr okkr við eyra,
erfingi hǫfðingja;
ræðr guðs laga greiðir
geðbjartr snǫru hjarta;
hræðisk himna prýði
hann, en vætki annat.
Skj: Kolbeinn Tumason: 2. Lausavísur 6 (A; BII, 47-48); (dróttkvætt); ed. GN; group: C; mss: 395 4°x, 396, 397x, 398x, 5, 657c, papp4x; texts: GBpB 12, GBpC 5, GBpD 31
32 Vol. 4. Kolbeinn Tumason, Lausavísur, 8 — Kolb Lv 8IV
Heyr himna smiðr,
hvers skáldit biðr;
komi mjúk til mín
miskunnin þín;
því heitk á þik,
þú hefr skaptan mik;
ek em þrællinn þinn,
þú 'st dróttinn minn.
Skj: Kolbeinn Tumason: 2. Lausavísur 8 (A; BII, 48-49); (runhent); ed. GN; group: C; mss: 176, 396, 397x, 398x, 5, 657c; texts: GBpB 13, GBpD 32
33 Vol. 4. Kolbeinn Tumason, Lausavísur, 9 — Kolb Lv 9IV
Goð, heitk á þik,
at grœðir mik;
minzk mildingr mín,
mest þurfum þín;
ryð þú rǫðla gramr,
ríklyndr ok framr,
hǫlds hverri sorg
ór hjarta borg.
Skj: Kolbeinn Tumason: 2. Lausavísur 9 (A; BII, 48-49); (runhent); ed. GN; group: C; mss: 176, 396, 397x, 398x, 5, 657c; texts: GBpB 14, GBpD 33
34 Vol. 4. Kolbeinn Tumason, Lausavísur, 10 — Kolb Lv 10IV
Gæt, mildingr, mín,
mest þurfum þín
helzt hverja stund
á hǫlða grund;
sett, meyjar mǫgr,
máls-efni fǫgr,
ǫll es hjôlp af þér,
í hjarta mér.
Skj: Kolbeinn Tumason: 2. Lausavísur 10 (A; BII, 48-49); (runhent); ed. GN; group: C; mss: 176, 396, 397x, 398x, 5, 657c; texts: GBpB 15, GBpD 34
35 Vol. 4. Einarr Gilsson, Selkolluvísur, 1 — EGils Selv 1IV
Askr fór éls ok Rǫskva
ósvinn dalar tvinna,
grands var gaurr af stundu
gjarn, með heiðnu barni;
lǫgðu jóð, en ugðu
ǫngva grein, hjá steini,
beint meðan bǫrðuz punti,
baugrein ok Týr fleina.
Skj: Einarr Gilsson: 3. Selkollu-vísur 1 (AI, 408; BI, 434); (dróttkvætt); ed. GN; group: C; mss: 396, 5; texts: GBpD 35
36 Vol. 4. Einarr Gilsson, Selkolluvísur, 2 — EGils Selv 2IV
Hugðuz barn, áðr bægði
brynjumeið, ok reiða,
girndar óhreinn andi
undrgjarn, taka mundu;
sýndiz fljóð, en fundu
fláræðin þau bæði,
illiligt með ǫllu,
ofgrand af tál fjanda.
Skj: Einarr Gilsson: 3. Selkollu-vísur 2 (AI, 408; BI, 434); (dróttkvætt); ed. GN; group: C; mss: 396, 5; texts: GBpD 36
37 Vol. 4. Einarr Gilsson, Selkolluvísur, 3 — EGils Selv 3IV
Gengu þar frá þinga,
þjóð frétti slíkt, jóði
Baldr ok Bǫlverks kǫldu
bauga rein und steini;
þar gekk síðan, sǫkkva,
svǫrt Gneip, viðum bjǫrtum
sýndiz selr í enda,
sannfrétt er þat, annan.
Skj: Einarr Gilsson: 3. Selkollu-vísur 3 (AI, 408; BI, 434-5); (dróttkvætt); ed. GN; group: C; mss: 396, 5; texts: GBpD 37
38 Vol. 4. Einarr Gilsson, Selkolluvísur, 4 — EGils Selv 4IV
Dálkr réð fyrri fólki,
furðu tíðr á smíðar,
ei var auðar bægir
ólmr, at Lægishólmi;
kemr í hús, en hamra
hlyns olli þat kynjum,
Gríðr til girndar fæðis
gjósorð um dag ljósan.
Skj: Einarr Gilsson: 3. Selkollu-vísur 4 (AI, 408; BI, 435); (dróttkvætt); ed. GN; group: C; mss: 396, 5; texts: GBpD 38
39 Vol. 4. Einarr Gilsson, Selkolluvísur, 5 — EGils Selv 5IV
Lagðiz Laufa brigðir
ljóða hvass með skassi
brúns, léz beðju sína
broddspennir þar kenna;
sótti síðan rétti
seims Gestilja heima
æst, svá at ýtir misti
undfleins þegar greina.
Skj: Einarr Gilsson: 3. Selkollu-vísur 5 (AI, 409; BI, 435); (dróttkvætt); ed. GN; group: C; mss: 396, 5; texts: GBpD 39
40 Vol. 4. Einarr Gilsson, Selkolluvísur, 6 — EGils Selv 6IV
Sat yfir sjúkum veiti,
svall móðr, daga alla,
Þundi þorna, randa,
Þorgísl, er fekk píslir;
sprungu á hreyti hringum
hyrflæðar þeim bæði
sjónarberg með sorgum,
Selkolla því olli.
Skj: Einarr Gilsson: 3. Selkollu-vísur 6 (AI, 409; BI, 435); (dróttkvætt); ed. GN; group: C; mss: 396, 5; texts: GBpD 40
41 Vol. 4. Einarr Gilsson, Selkolluvísur, 7 — EGils Selv 7IV
Svá lét gýgr fyr Gautum
grimm hanga-Týs rimmu
(ferð var af hálu harðri
hremd) farvegu stemda,
víst at varla treystiz
væn drótt slegin ótta
ríða réttar leiðir
raunfast af Bil hrauna.
Skj: Einarr Gilsson: 3. Selkollu-vísur 7 (AI, 409; BI, 436); (dróttkvætt); ed. GN; group: C; mss: 396, 5; texts: GBpD 41
42 Vol. 4. Einarr Gilsson, Selkolluvísur, 8 — EGils Selv 8IV
Báðu byskup síðan
bálregns viðir gegnir
hjaldrs, at hann hjálpa skyldi
hugrakkr firum nakkvat;
fór til Hólms, er heyrði
hǫrmung um lið þunga
leika sjóvar, sækir,
snjallr manndáða allra.
Skj: Einarr Gilsson: 3. Selkollu-vísur 8 (AI, 409; BI, 436); (dróttkvætt); ed. GN; group: C; mss: 396, 5; texts: GBpD 42
43 Vol. 4. Einarr Gilsson, Selkolluvísur, 9 — EGils Selv 9IV
Inn kom leygs, þar er lágu,
lægis vǫrðr, með hǫrðum,
trautt munu, tálum settir,
tveir veslingar meiri;
blindr var gæðir grandi
geirþings í píningu,
vinns en vitlauss annarr
valdr fjǫldrifins skjaldar.
Skj: Einarr Gilsson: 3. Selkollu-vísur 9 (AI, 409; BI, 436); (dróttkvætt); ed. GN; group: C; mss: 396, 5; texts: GBpD 43
44 Vol. 4. Einarr Gilsson, Selkolluvísur, 10 — EGils Selv 10IV
Vátr nam byskup breyta,
bálflæðar, skóklæðum,
hosu dró harðla lausa
Hrund ein af Guðmundi;
þá kom inn en auma
ámgerðr við lit sáman,
hugðiz Greip at grípa
ginljót um skjól fótar.
Skj: Einarr Gilsson: 3. Selkollu-vísur 10 (AI, 409-10; BI, 436-7); (dróttkvætt); ed. GN; group: C; mss: 396, 5; texts: GBpD 44
45 Vol. 4. Einarr Gilsson, Selkolluvísur, 11 — EGils Selv 11IV
Vitr sá Leirvǫr ljóta
lands hǫfðingi standa,
ǫrr, ok ei sér fjarri,
áðr guðligra ráða,
en þollr af frægð fullri
fríðr blessaði víðis
glóða, glatt varð lýðum,
greypt flagð í jǫrð steyptiz.
Skj: Einarr Gilsson: 3. Selkollu-vísur 11 (AI, 410; BI, 437); (dróttkvætt); ed. GN; group: C; mss: 396, 5; texts: GBpD 45
46 Vol. 4. Einarr Gilsson, Selkolluvísur, 12 — EGils Selv 12IV
Þar lá njól, sá er nærði,
njótr, allmarga brjóta,
sægs, þá er sjúkir lágu,
sindrs, benloga vindar;
dagr kom, djǫfla sigrir
dáðmildr ok þá vildi
glaðr yfir Gauta fríða
góins skess hafa messu.
Skj: Einarr Gilsson: 3. Selkollu-vísur 12 (AI, 410; BI, 437); (dróttkvætt); ed. GN; group: C; mss: 396, 5; texts: GBpD 46
47 Vol. 4. Einarr Gilsson, Selkolluvísur, 13 — EGils Selv 13IV
Ætla á Hamar, þvíat, humra
hyrbíðendur fríðir,
þar stóð, bings, et blíða
bænhús, með sið vænan;
satt var at mǫnnum mætti
meinvættr hjá bekk einum;
bægði sára sigða
Selkolla mjǫk þollum.
Skj: Einarr Gilsson: 3. Selkollu-vísur 13 (AI, 410; BI, 437); (dróttkvætt); ed. GN; group: C; mss: 396, 5; texts: GBpD 47
48 Vol. 4. Einarr Gilsson, Selkolluvísur, 14 — EGils Selv 14IV
Sæll nam sǫkkva trǫlli
sǫngs meistari strǫngu
harðs með helgum orðum
hellis grams við mellu;
varð aldregi virðum,
víðfrægt er þat, síðan
mein at mǫrnar sjónum,
móð létti svá þjóðar.
Skj: Einarr Gilsson: 3. Selkollu-vísur 14 (AI, 410; BI, 438); (dróttkvætt); ed. GN; group: C; mss: 396, 5; texts: GBpD 48
49 Vol. 4. Einarr Gilsson, Selkolluvísur, 15 — EGils Selv 15IV
Ráð- sǫng messu meiðum
mítru gramr at Hamri,
-víss, ok vígði krossa
vel fimm, Kjalars rimmu;
settu sólar drottins
seims verkendur merki
eitt, þar er áma knátti
alklǫkk í jǫrð sǫkkva.
Skj: Einarr Gilsson: 3. Selkollu-vísur 15 (AI, 410; BI, 438); (dróttkvætt); ed. GN; group: C; mss: 396, 5; texts: GBpD 49
50 Vol. 4. Einarr Gilsson, Selkolluvísur, 16 — EGils Selv 16IV
En fjóra lét færa,
furðu jafn, til Hafnar
skreytir hólms, í heitum,
hyrfoss þegar krossa;
Dálkr fekk, dróttir klǫkkvar,
dáðlistanda, mistu,
skyn fyr blíðar bænir
bǫls græðara, mæði.
Skj: Einarr Gilsson: 3. Selkollu-vísur 16 (AI, 410-11; BI, 396); (dróttkvætt); ed. GN; group: C; mss: 396, 5; texts: GBpD 50
51 Vol. 4. Einarr Gilsson, Selkolluvísur, 17 — EGils Selv 17IV
Fóru frægir árar
fleinþeys á byrhreini;
sveit hafði þar sóta
svanbekks hlaðit ekki;
kemr á heiðar humra
hest óþokkuð flestum,
þat var hrossknúta heitin,
hræseiðs frǫmum meiðum.
Skj: Einarr Gilsson: 3. Selkollu-vísur 17 (AI, 411; BI, 438-9); (dróttkvætt); ed. GN; group: C; mss: 396, 5; texts: GBpD 51
52 Vol. 4. Einarr Gilsson, Selkolluvísur, 18 — EGils Selv 18IV
Bátr seig, borð var lítit,
brast súgr um lið drjúgan,
salt þó húfi héltum,
hrǫnn fell í kné mǫnnum,
áðr hreytendur hétu,
húm lá svalt í rúmum,
at Guðmundur grandi,
góins stéttar, þeim létti.
Skj: Einarr Gilsson: 3. Selkollu-vísur 18 (AI, 411; BI, 439); (dróttkvætt); ed. GN; group: C; mss: 396, 5; texts: GBpD 52
53 Vol. 4. Einarr Gilsson, Selkolluvísur, 19 — EGils Selv 19IV
Borð flutu, byrr kom Njǫrðum
blíðr skǫfnunga hríðar,
sjór lék stafn ok stýri,
stirð inn at Miðfirði;
þar lét kastat knútu
kát ferð á hǫfn verða;
hafa sónviðir séna
Selkollu þá Heljar.
Skj: Einarr Gilsson: 3. Selkollu-vísur 19 (AI, 411; BI, 439); (dróttkvætt); ed. GN; group: C; mss: 396, 5; texts: GBpD 53
54 Vol. 4. Einarr Gilsson, Selkolluvísur, 20 — EGils Selv 20IV
Barðs hefir aldri orðit
angr at hálu gangi
síðan Svǫlnis beðju
sárt eyðǫndum reyðar;
svá nam hildings himna
hvatr þjónandi ljónum,
lýðr fekk miskunn mikla
margr, fagrliga bjarga.
Skj: Einarr Gilsson: 3. Selkollu-vísur 20 (AI, 411; BI, 439); (dróttkvætt); ed. GN; group: C; mss: 396, 5; texts: GBpD 54
55 Vol. 4. Einarr Gilsson, Selkolluvísur, 21 — EGils Selv 21IV
Eigi verðr í orðum,
ǫld sannar þat, manna
tínt þat er happa henti
heiðrs vinnanda svinnan,
þvíat verk, sem drótt dýrkar,
dáðvaldanda, aldar
rétt ok rausnir vátta,
ranns, ferr hvert á annat.
Skj: Einarr Gilsson: 3. Selkollu-vísur 21 (AI, 411; BI, 440); (dróttkvætt); ed. GN; group: C; mss: 396, 5; texts: GBpD 55
56 Vol. 4. Einarr Gilsson, Vísur um Guðmund biskup, 1 — EGils Guðv 1IV
Frétt hefir ǫld, at sækir sótti
sóttalauss at vilja dróttins
klerkavalds ok ítrar orku
erkibyskup harðla merkan;
Guðmund frá ek at rægði reyndar,
reyndiz þat með flærð ok leyndum,
reitin þjóð við seggja sætti;
sætt urðu mál fyrða gætis.
Skj: Einarr Gilsson: 2. Et hrynhent digt om Gudmund Arason 1 (AII, 404; BII, 429-30); (hrynhent); ed. KW; group: C; mss: 396, 5; texts: GBpD 56
57 Vol. 4. Einarr Gilsson, Vísur um Guðmund biskup, 2 — EGils Guðv 2IV
Biðja frá ek um elda eyði
eyjar-band at sínum vanda
greiði vells at flytja fríðum
fríð Þorláki helgar tíðir;
"eigi skal, kvað meina mýgir,
mýgir tála ólǫg drýgja,
siðu styrkir sjá m<ó>ðu merkir
markar grands, á váru landi.
Skj: Einarr Gilsson: 2. Et hrynhent digt om Gudmund Arason 2 (AII, 404; BII, 430); (hrynhent); ed. KW; group: C; mss: 396, 5; texts: GBpD 57
58 Vol. 4. Einarr Gilsson, Vísur um Guðmund biskup, 3 — EGils Guðv 3IV
Klerka sendir meiðir mundar
mundar grjóts við hlyn til fundar,
vita skyldi þeir atferð Eldis
elda vess á Þorláksmessu;
gengu aptr ok sǫgðu, at syngi
sǫng ágætan bauga slǫngvir
ǫllum helgum stjǫrnu stillis
stilliliga með fremd ok snilli.
Skj: Einarr Gilsson: 2. Et hrynhent digt om Gudmund Arason 3 (AII, 404-5; BII, 430); (hrynhent); ed. KW; group: C; mss: 396, 5; texts: GBpD 58
59 Vol. 4. Einarr Gilsson, Vísur um Guðmund biskup, 4 — EGils Guðv 4IV
"Get ek at svá, kvað meiðir mæta,
mætr ætli þat vígslu gætir,
at Þorláki fái sem fullast
fulla dýrð í tíðum skýrða;
undrumz ei, þótt ljóst á landi
lands-hǫfðingjum fremri standi
mítru runnr við sæmd ok sanni
sanni prýddr, er oss gefz þannig."
Skj: Einarr Gilsson: 2. Et hrynhent digt om Gudmund Arason 4 (AII, 405; BII, 430); (hrynhent); ed. KW; group: C; mss: 396, 5; texts: GBpD 59
60 Vol. 4. Einarr Gilsson, Vísur um Guðmund biskup, 5 — EGils Guðv 5IV
Guðmund spurði hringa hirðir,
hirð gleðjandi Fáfnis beðjum :
"hví æxlar þú virða vígslur
vígslu njótur lǫgum í móti?";
græðir svaraði þegna þýðum
þýðr byskupi rétt af prýði :
"hætti ek gǫrð á drottins dýrðir
dýrðar-snjalls of breytni alla.
Skj: Einarr Gilsson: 2. Et hrynhent digt om Gudmund Arason 5 (AII, 405; BII, 430-1); (hrynhent); ed. KW; group: C; mss: 396, 5; texts: GBpD 60
61 Vol. 4. Einarr Gilsson, Vísur um Guðmund biskup, 6 — EGils Guðv 6IV
Prestar veita mér á móti
mótigang ok þrætur strangar,
syngur enn með byskups banni
bannsett ferð í Jésú ranni,
þjóðin vígð er lǫmd af lýðum,
lýðrinn veit at mǫrg eru heitin,
flýti ek því, kvað sættir sveita
sveitum þekkr, at vígslum rekka.
Skj: Einarr Gilsson: 2. Et hrynhent digt om Gudmund Arason 6 (AII, 405; BII, 431); (hrynhent); ed. KW; group: C; mss: 396, 5; texts: GBpD 61
62 Vol. 4. Einarr Gilsson, Vísur um Guðmund biskup, 7 — EGils Guðv 7IV
Gjǫrði alt með einu orði,
orð skýra svá, drottinn forðum,
greindi síðan allvaldr anda
andar-gipta smíði vandat;
treysti ek rétt af magni mestu,
mest styrkir þat vella lesti,
himintungla er siklings sómi
sæmiligr, á þessi dæmi."
Skj: Einarr Gilsson: 2. Et hrynhent digt om Gudmund Arason 7 (AII, 405; BII, 431); (hrynhent); ed. KW; group: C; mss: 396, 5; texts: GBpD 62
63 Vol. 4. Einarr Gilsson, Vísur um Guðmund biskup, 8 — EGils Guðv 8IV
Þórir frétti af stilling stýri
stýrilátan hafnar fýris :
"hvárt vígir þú bekki bauga
baugs leitǫndum marga veitir?";
mætr svaraði auða ýtir
ýta sætti harðla nýtum :
"eigi er greitt, kvað lýta lægir,
lægir víns, um sǫngva mína.
Skj: Einarr Gilsson: 2. Et hrynhent digt om Gudmund Arason 8 (AII, 405-6; BII, 431); (hrynhent); ed. KW; group: C; mss: 396, 5; texts: GBpD 63
64 Vol. 4. Einarr Gilsson, Vísur um Guðmund biskup, 9 — EGils Guðv 9IV
Engi fær með sínum sǫngum
sǫng heyrandi jarðar dreyra
helgat betr, en sólar sætra
sætr stjórnari, hringa gætir;
forðum veitti drottinn dýrðir
dýrðar-hress á skepnu þessi,
flotnum gjǫrði vín ór vatni,
vatn blessaði græðir skatna.
Skj: Einarr Gilsson: 2. Et hrynhent digt om Gudmund Arason 9 (AII, 406; BII, 431-2); (hrynhent); ed. KW; group: C; mss: 396, 5; texts: GBpD 64
65 Vol. 4. Einarr Gilsson, Vísur um Guðmund biskup, 10 — EGils Guðv 10IV
Jórdán varð, þá er skjǫldung skírði
skíran Jón, er hjálpar ljónum,
blessuð endr ok, geisla grundar,
grandalaus af helgum anda;
þessi dýrð hefir vǫtn at vísu
vísa drottins gǫrvǫll prísat,
finnaz þau, með sigri sǫnnum,
sǫnnust orð, til líknar mǫnnum.
Skj: Einarr Gilsson: 2. Et hrynhent digt om Gudmund Arason 10 (AII, 406; BII, 432); (hrynhent); ed. KW; group: C; mss: 396, 5; texts: GBpD 65
66 Vol. 4. Einarr Gilsson, Vísur um Guðmund biskup, 11 — EGils Guðv 11IV
Jafnan veit ek, en sjór nam sæta
sætum tír, er guð lét skíraz,
milli síðan enda allra
allheilaga Jórdán falla,
trúi ek enn at vǫtnin vinni
vinds ráðanda mǫrgu láði
ǫllu hjálp, en eigi spilli
auðs tínǫndum sǫngvar mínir.
Skj: Einarr Gilsson: 2. Et hrynhent digt om Gudmund Arason 11 (AII, 406; BII, 432); (hrynhent); ed. KW; group: C; mss: 396, 5; texts: GBpD 66
67 Vol. 4. Einarr Gilsson, Vísur um Guðmund biskup, 12 — EGils Guðv 12IV
Sagðar hefig, kvað bǫlva brigðir
brigðlunduðum erki-Þundi,
beini láðs sem vildar-vinnu
víns kastala íðnir mínar;
veitið mér af skýrleik skjótum
skjóta dygð, ef finnið ljótar
várar gǫrðir, frelsir fyrða
fyrðum þýðr, en ek skal hlýða."
Skj: Einarr Gilsson: 2. Et hrynhent digt om Gudmund Arason 12 (AII, 406-7; BII, 432); (hrynhent); ed. KW; group: C; mss: 396, 5; texts: GBpD 67
68 Vol. 4. Einarr Gilsson, Vísur um Guðmund biskup, 13 — EGils Guðv 13IV
Byskup svaraði runni rǫskum
rǫskr blíðliga hyrjar víðis :
"dugnað hljóta grafþvengs Gautar
Gautalands af yðr í þrautum;
jarðar trúi ek at vísir virði,
virðum kunnr, ok leiðar sunnu
þína ást með bjǫrtum bænum,
bæn vinnandi miskunn sinni.
Skj: Einarr Gilsson: 2. Et hrynhent digt om Gudmund Arason 13 (AII, 407; BII, 433); (hrynhent); ed. KW; group: C; mss: 396, 5; texts: GBpD 68
69 Vol. 4. Einarr Gilsson, Vísur um Guðmund biskup, 14 — EGils Guðv 14IV
Hversu máttu, kvað lasta léttir
léttr, skýrliga undan stýra,
vígslu njótr, þá er sæfa sveitir
sveit pínandi virðar þínir?;
engi tekr ok slétt yfir slǫngvir
slungins gulls í tjǫrn at fullu,
reikna þat svá, at víst ei vǫkni,
vǫku réttliga, tála slǫkkvir."
Skj: Einarr Gilsson: 2. Et hrynhent digt om Gudmund Arason 14 (AII, 407; BII, 433); (hrynhent); ed. KW; group: C; mss: 396, 5; texts: GBpD 69
70 Vol. 4. Einarr Gilsson, Vísur um Guðmund biskup, 15 — EGils Guðv 15IV
"Várir menn hafa særz at sǫnnu,
sǫnn veittuz ok lífspell mǫnnum,
bǫrðuz þeir fyr himna hirðis,
hirð léttanda, sǫnnum rétti;
lýða spýttu benjar blóði,
blóð synjaði andar þjóðum,
seggja flóði af hǫrðum hǫggum
hǫggvin ferð í sára dǫggu.
Skj: Einarr Gilsson: 2. Et hrynhent digt om Gudmund Arason 15 (AII, 407; BII, 433); (hrynhent); ed. KW; group: C; mss: 396, 5; texts: GBpD 70
71 Vol. 4. Einarr Gilsson, Vísur um Guðmund biskup, 16 — EGils Guðv 16IV
Treysti ek upp á himna hæstra
hæstráðanda krapt ok náðir,
verði oss ok þollum þessum
þessi laug at hreinsan bauga;
allir hafa með frægðum fullum
fulldrengila mínir gengit
meiðar, opt þó at fyrðar flýði,
flæðar báls at leiki stála."
Skj: Einarr Gilsson: 2. Et hrynhent digt om Gudmund Arason 16 (AII, 407; BII, 433); (hrynhent); ed. KW; group: C; mss: 396, 5; texts: GBpD 71
72 Vol. 4. Einarr Gilsson, Vísur um Guðmund biskup, 17 — EGils Guðv 17IV
Dróttir vissu, at síðan sáttir
sátt náðandi skilduz báðir,
víða báru þjóðir þeira,
þeir byskupar, sæmd at meiri;
dynda mærð gat hjǫrva hirðir,
herra minn, at forsǫgn þinni
brǫgnum int, en fyrðar fregni
frægð Guðmundar sóma nægða.
Skj: Einarr Gilsson: 2. Et hrynhent digt om Gudmund Arason 17 (AII, 407-8; BII, 434); (hrynhent); ed. KW; group: C; mss: 396, 5; texts: GBpD 72
73 Vol. 4. Einarr Gilsson, Guðmundarkvæði, 23 — EGils Guðkv 23IV
Sǫngs, nam hreytir hringa
hugdyggr stofu byggja,
klerkr var einn til orku
ormbekks, með gram þekkum;
kómu árar aumir
inn benstara minnis,
þar er Guðmundur greindi
góð verk, þrimu sterkrar.
Skj: Einarr Gilsson: 1. Et digt (drape?) om Guðmund Arason, biskop 23 (AII, 401; BII, 424); (dróttkvætt); ed. KW; group: C; mss: 396, 5; texts: GBpD 73
74 Vol. 4. Einarr Gilsson, Guðmundarkvæði, 24 — EGils Guðkv 24IV
Báðu byskup meiðar
byrhrafns í guðs nafni
heiðs ok hilmis móður
himins ǫlmusu fimrar;
spurði grepp sá er gjǫrði
glóðeims at fésjóðum,
ei var auðs á mýgi
uggr, Krists limu hugga.
Skj: Einarr Gilsson: 1. Et digt (drape?) om Guðmund Arason, biskop 24 (AII, 401; BII, 425); (dróttkvætt); ed. KW; group: C; mss: 396, 5; texts: GBpD 74
75 Vol. 4. Einarr Gilsson, Guðmundarkvæði, 25 — EGils Guðkv 25IV
Njǫrðr kvað eptir orðit
ítr leygs vera þeygi,
"eyðiz silfr í sjóðum",
svanbings at penningum,
"nema skál sú, er hirð hælir,
hvít, at ei sé lítil,
ǫrr ok yðr nam herra
ættstórr gefa Þórir."
Skj: Einarr Gilsson: 1. Et digt (drape?) om Guðmund Arason, biskop 25 (AII, 401; BII, 425); (dróttkvætt); ed. KW; group: C; mss: 396, 5; texts: GBpD 75
76 Vol. 4. Einarr Gilsson, Guðmundarkvæði, 26 — EGils Guðkv 26IV
"Okkr skal eigi þykkja
ofgóðr, himins, fróðum,
þræll kvað þengils, bolli,
þýðr, guðs vera lýðum,
því gjǫf, sem helzt hæfir,
hlýrns, greiðum vit, fýris
meiðr hygg at því móðu
mætr, heimstǫðu gæti."
Skj: Einarr Gilsson: 1. Et digt (drape?) om Guðmund Arason, biskop 26 (AII, 401; BII, 425); (dróttkvætt); ed. KW; group: C; mss: 396, 5; texts: GBpD 76
77 Vol. 4. Einarr Gilsson, Guðmundarkvæði, 27 — EGils Guðkv 27IV
Ker lét handa hyrjar
hlynr snarpliga varpat,
"skipt nú skjǫldungr leiptrar
skál", kvað eyðir tála;
svell brast, siklingr olli
siðvandr, í þrjú handar,
árs því, at allir váru
ǫlstafns hlutir jafnir.
Skj: Einarr Gilsson: 1. Et digt (drape?) om Guðmund Arason, biskop 27 (AII, 402; BII, 425); (dróttkvætt); ed. KW; group: C; mss: 396, 5; texts: GBpD 77
78 Vol. 4. Einarr Gilsson, Guðmundarkvæði, 28 — EGils Guðkv 28IV
Fóru Fundins hyrjar
flaums þakkandi aumir
Gautar vænum veiti
víns ástgjafir sínar;
gǫrst mun hlýrna hæstra
hildings vita mildi,
góðr hvat guðs til náða
Guðmundr hefir stundat.
Skj: Einarr Gilsson: 1. Et digt (drape?) om Guðmund Arason, biskop 28 (AII, 402; BII, 426); (dróttkvætt); ed. KW; group: C; mss: 396, 5; texts: GBpD 78
79 Vol. 4. Einarr Gilsson, Guðmundarkvæði, 29 — EGils Guðkv 29IV
Ljós var hrings í húsum
Hǫrn með sínum bǫrnum,
stríð lá þorns á þýðri
þǫll, hungruðum ǫllum,
ketil réð fús at flytja
fári hreld at eldi,
trǫlls, af torfi fullan,
tundr lagði Sif undir.
Skj: Einarr Gilsson: 1. Et digt (drape?) om Guðmund Arason, biskop 29 (AII, 402; BII, 426); (dróttkvætt); ed. KW; group: C; mss: 396, 5; texts: GBpD 79
80 Vol. 4. Einarr Gilsson, Guðmundarkvæði, 30 — EGils Guðkv 30IV
Glǫdduz jóð, en eiðu
æ var þjóstr í brjósti,
svǫng til fóðrs ok fanga
fús, er rauk í húsum;
hét með gildum gráti,
Guðmundr at þá skundi
hugga, hyrjar dǫggvar
Hlín, veslinga sína.
Skj: Einarr Gilsson: 1. Et digt (drape?) om Guðmund Arason, biskop 30 (AII, 402; BII, 426); (dróttkvætt); ed. KW; group: C; mss: 396, 5; texts: GBpD 80
81 Vol. 4. Einarr Gilsson, Guðmundarkvæði, 31 — EGils Guðkv 31IV
Sæll kom synda fellir
sáttargjarn til barna;
ketil vann hǫlda heitan
hýrr blessaðan stýrir;
en þegar fljóð at fæðu
fór leitanda heitri,
slátr fanz ærit ýtum,
alt torf var þá horfit.
Skj: Einarr Gilsson: 1. Et digt (drape?) om Guðmund Arason, biskop 31 (AII, 402; BII, 426); (dróttkvætt); ed. KW; group: C; mss: 396, 5; texts: GBpD 81
82 Vol. 4. Arngrímr ábóti Brandsson, Guðmundardrápa, 50 — Arngr Gd 50IV
Táknin ǫll, hvé lýði læknar
lofðungs vinr, þess stýrir tunglum,
engi fær þau talt með tungu,
tíðast maðr þótt lofgjǫrð smíði,
einkar hátt því at allar stéttir
Íslands vilja nú Guðmund prísa;
heita menn til Hóla gætis;
hann er lífgjafi sjúkra manna.
Skj: Arngrímr ábóti Brandsson: 1. Guðmundar kvæði (drápa?) byskups 52 (AII, 358-9; BII, 385); (hrynhent); ed. GN; group: C; mss: 5; texts: GBpD 82
83 Vol. 4. Arngrímr ábóti Brandsson, Guðmundardrápa, 40 — Arngr Gd 40IV
Líti þjóð í lofsmíð mætri
lundar hress á pálmam þessa,
(ýta mun þat elsku bæta)
ǫll í senn hvé flúrin renna.
Lúti gjǫrvǫll landsbygð ítrum
lim stólkonungs bjartra himna;
drottinn heyrðu nú mildr ok máttugr
mína bæn, at hann hvíli í skríni.
Skj: Arngrímr ábóti Brandsson: 1. Guðmundar kvæði (drápa?) byskups 42 (AII, 356-7; BII, 382-3); (hrynhent); ed. GN; group: C; mss: 5; texts: GBpD 83
84 Vol. 4. Arngrímr ábóti Brandsson, Guðmundardrápa, 39 — Arngr Gd 39IV
Heilagr blómgaz hǫlda skýlir,
hann líkiz við pálma, slíkum
dýrðar-verkum drottins orku
dægra stalls, um landsbygð alla;
blindum veit ek at sýnin sendiz,
sjúkir gleðjaz með heilum búkum,
mælti dumbr þá er hljóp enn halti,
henda líf í eldi brendir.
Skj: Arngrímr ábóti Brandsson: 1. Guðmundar kvæði (drápa?) byskups 41 (AII, 356; BII, 382); (hrynhent); ed. GN; group: C; mss: 5; texts: GBpD 84
85 Vol. 4. Arngrímr ábóti Brandsson, Guðmundardrápa, 54 — Arngr Gd 54IV
Heilagt blóm kom hringa Naumu
hátíð sína þrǫngða pínu
hitta; sú var himna drottins
hǫll tígnari meyjum ǫllum;
henni fylgdi hreinn meðr sǫnnu
hennar vinr, sem ritning kennir
þetta lof, þvíat þeir hafa váttat
þat, Guðmundar lǫngu fundit.
Skj: Arngrímr ábóti Brandsson: 1. Guðmundar kvæði (drápa?) byskups 57 (A; B); (hrynhent); ed. GN; group: C; mss: 5; texts: GBpD 85
86 Vol. 4. Arngrímr ábóti Brandsson, Guðmundardrápa, 55 — Arngr Gd 55IV
Sínar lagði hendr en hreina
himins drottning á megni þrotna
Þrúði, náði hún þegar at fæða,
þráða, pilt at Jésú ráði;
braut hǫfðu þau bǫrr ok sæta
barn með sér, en hún vaknar, gjarna,
harðla skjótt, fyr heilsu veitta
hvítr sprakki réð báðum þakka.
Skj: Arngrímr ábóti Brandsson: 1. Guðmundar kvæði (drápa?) byskups 58 (AII, 360; BII, 387); (hrynhent); ed. GN; group: C; mss: 5; texts: GBpD 86
87 Vol. 4. Arngrímr ábóti Brandsson, Lausavísur, 4 — Arngr Lv 4IV
Sóttir græðir allra átta
uppi ok niðri ok þess í miðju,
bót fær hverr er byskup ítran
beiðir þess, er samir greiða;
ǫllum bergr sá er eyðir villu
ormbóls hǫtuðr fegri sólu;
lúti gjǫrvǫll landsbygð sætum
lim stýranda bjartra himna.
Skj: Arngrímr ábóti Brandsson: 1. Guðmundar kvæði (drápa?) byskups 59 (AII, 360; BII, 387); (hrynhent); ed. GN; group: C; mss: 5; texts: GBpD 87
88 Vol. 4. Arngrímr ábóti Brandsson, Lausavísur, 5 — Arngr Lv 5IV
Ilmar slíkt um allan hólmann,
Ormr byskup veldr þeiri forman,
beiðiz hann með bjǫrtum kvæðum
byskups heiðr at víða reiðiz;
verðr Guðmundur efri jǫrðu
elsku Baldr ef þyrma valdi,
drottinn efli hann mildr ok máttugr
mána hjarls til slíkrar vánar.
Skj: Arngrímr ábóti Brandsson: 1. Guðmundar kvæði (drápa?) byskups 60 (A; B); (hrynhent); ed. GN; group: C; mss: 5; texts: GBpD 88
89 Vol. 4. Arngrímr ábóti Brandsson, Guðmundardrápa, 56 — Arngr Gd 56IV
Vélheptir gaf vísum krapti
vífi sýn, því er hlaut at rýna,
vetrum fyrr en væri betra
vel þrem tigum, ef rétt skal telja,
augun sín strauk opt í hreinu,
áðr batnaði, signdu vatni;
Kráka var þá ára eikin
áttatigi ok þriggja váttuð.
Skj: Arngrímr ábóti Brandsson: 1. Guðmundar kvæði (drápa?) byskups 61 (A; B); (hrynhent); ed. GN; group: C; mss: 5; texts: GBpD 89
90 Vol. 4. Einarr Gilsson, Guðmundarkvæði, 32 — EGils Guðkv 32IV
Verk tók jóð sem orka,
ósmátt var þat, mátti,
sorg, í sjónar bergi,
svall óðliga móður,
en af angri stinnu
út sprakk á kinn þrútit,
Hǫrn sat beint yfir barni
baugs grátandi, auga.
Skj: Einarr Gilsson: 1. Et digt (drape?) om Guðmund Arason, biskop 32 (AII, 402; BII, 427); (dróttkvætt); ed. KW; group: C; mss: 5; texts: GBpD 90
91 Vol. 4. Einarr Gilsson, Guðmundarkvæði, 33 — EGils Guðkv 33IV
Veit ek at vafði klúti
valtúns rǫðul brúna
læsti ok Lofn í kistu
linns vandliga sinni;
gulls nam á Guðmund kalla
grund mjúkliga stundar
heldr, at hann hjálpa skyldi
hress aumingja þessum.
Skj: Einarr Gilsson: 1. Et digt (drape?) om Guðmund Arason, biskop 33 (AII, 402-3; BII, 427); (dróttkvætt); ed. KW; group: C; mss: 5; texts: GBpD 91
92 Vol. 4. Einarr Gilsson, Guðmundarkvæði, 34 — EGils Guðkv 34IV
Brátt nam barns at vitja
brík foldsila ríkis,
ǫls leit ennis sólir
eik hrafnskygnar leika;
hægs, var horfit auga,
Hristar éls, ór kistu
braut, en blóð í klúti
bíðendr litu síðan.
Skj: Einarr Gilsson: 1. Et digt (drape?) om Guðmund Arason, biskop 34 (AII, 403; BII, 427); (dróttkvætt); ed. KW; group: C; mss: 5; texts: GBpD 92
93 Vol. 4. Arngrímr ábóti Brandsson, Lausavísur, 6 — Arngr Lv 6IV
Svelgdiz ormr með vatni vǫrmu,
varð hann innan brjósts, leiknum svanna;
síðan fekk hon sótt með æði,
sútum grét þat móðir þrútin;
henni birtiz heilagr kennir
hófs sýnandi snák í lófa,
eyðir þorðit yfir at ráða
jarðar hring, þar er merkt var fingri.
Skj: Arngrímr ábóti Brandsson: 1. Guðmundar kvæði (drápa?) byskups 62 (A; B); (hrynhent); ed. GN; group: C; mss: 5; texts: GBpD 93
94 Vol. 4. Arngrímr ábóti Brandsson, Guðmundarkvæði, 3 — Arngr Guðkv 3IV
Slíkt veitir vin sætum
valdr heimsalar tjalda,
enn at aukiz minni
ǫld, at starfa gjǫldum,
sá er lastauðgan leysti
lýð, en djǫflar flýðu,
áðr var í eymd ok nauðum
allr heimr ok kyn beima.
Skj: Arngrímr ábóti Brandsson: 2. Af et drotkvædet digt (?) om Gudmund Arason 3 (A; B); (dróttkvætt); ed. GN; group: C; mss: 5; texts: GBpD 94
95 Vol. 4. Einarr Gilsson, Guðmundarkvæði, 35 — EGils Guðkv 35IV
Rǫkk fór drós at drekka,
drakk hon eigi hreint nakkvat,
gengu þorna Þungru
þung stríð í búk síðan,
skar með firna fári
fárgjarn um kvið sáran
hvalr gullrendrar grundar
grund fagrvita mundar.
Skj: Einarr Gilsson: 1. Et digt (drape?) om Guðmund Arason, biskop 35 (AII, 403; BII, 428); (dróttkvætt); ed. KW; group: C; mss: 5; texts: GBpD 95
96 Vol. 4. Einarr Gilsson, Guðmundarkvæði, 36 — EGils Guðkv 36IV
Snót lá þessi þrútin
þrota mædd, en þat Gotnar
fox bert sǫgðu saxa,
sex misseri, vissu;
þǫll nam sveigs at svella,
svelt þurfti hon belti,
linnr hjó sjúkan svanna,
svanninn átta spanna.
Skj: Einarr Gilsson: 1. Et digt (drape?) om Guðmund Arason, biskop 36 (AII, 403; BII, 428); (dróttkvætt); ed. KW; group: C; mss: 5; texts: GBpD 96
97 Vol. 4. Einarr Gilsson, Guðmundarkvæði, 37 — EGils Guðkv 37IV
Lýðr vann byskup blíðan
blíðr kallaðan síðan
sætu bǫls til bóta,
bót fengu þeir skjóta;
prestr lét í munn mætri
mætr beinavatn gætis
lindi grafþvengs grundar
grandlauss fira andar.
Skj: Einarr Gilsson: 1. Et digt (drape?) om Guðmund Arason, biskop 37 (AII, 403; BII, 428); (dróttkvætt); ed. KW; group: C; mss: 5; texts: GBpD 97
98 Vol. 4. Einarr Gilsson, Guðmundarkvæði, 38 — EGils Guðkv 38IV
Skreið ór hreindu híði
híðs biflykkja síðan
hann ok elda unnar
Unnar braut af munni,
seið litu drengir dauðan,
dauð var sorg ok nauðir,
hríss, kendi dygð, drósar,
drós Guðmundar ljósa.
Skj: Einarr Gilsson: 1. Et digt (drape?) om Guðmund Arason, biskop 38 (AII, 403; BII, 428-9); (dróttkvætt); ed. KW; group: C; mss: 5; texts: GBpD 98
99 Vol. 4. Einarr Gilsson, Guðmundarkvæði, 39 — EGils Guðkv 39IV
Strengs, leit, álnar, anga,
angrfirð, hnefa langan
ǫld, þann er fæddi foldar
fold á sínu holdi;
dýrð skulu himna hirðis
hirðendr framast virða,
viðum sómir þat seima,
seims í ǫllum heimi.
Skj: Einarr Gilsson: 1. Et digt (drape?) om Guðmund Arason, biskop 39 (AII, 403-4; BII, 429); (dróttkvætt); ed. KW; group: C; mss: 5; texts: GBpD 99
100 Vol. 4. Einarr Gilsson, Guðmundarkvæði, 40 — EGils Guðkv 40IV
Barn rak út frá ýti
unnstóðs í haf móða;
vátr nam Guðmund gætir
Gjallar eims at kalla;
fann, þá er ǫld réð unnir
annars dags at kanna,
sveit á ísi úti
jóð lífligast móður.
Skj: Einarr Gilsson: 1. Et digt (drape?) om Guðmund Arason, biskop 40 (AII, 404; BII, 429); (dróttkvætt); ed. KW; group: C; mss: 5; texts: GBpD 100
101 Vol. 4. Arngrímr ábóti Brandsson, Guðmundardrápa, 52 — Arngr Gd 52IV
Vættu þeir, er þurfa þóttuz,
þunnan hnjósk í vígðum brunni,
(því tókz þeim í einu eiki
elris grand) á kalda-landi.
Vatnit brann, svá at skildiz skǫtnum
skýrligt verk, með krapti dýrum
(tírsæll gaf því tungla stýrir
til þess afl) hjá kvátru tafli.
Skj: Arngrímr ábóti Brandsson: 1. Guðmundar kvæði (drápa?) byskups 54 (A; B); (hrynhent); ed. GN; group: C; mss: 5; texts: GBpD 101
102 Vol. 4. Arngrímr ábóti Brandsson, Lausavísur, 3 — Arngr Lv 3IV
Augun gaf, sá er engi mýgir
alt ok þiggr, þótt niðri liggi,
byskup sæll, með birti fullri
brennanda ljós, hestum tvennum;
veittu, Kristr! at sjáim vér settan
slíkan mann í vígðu ranni,
fagna mundi flest en gegna
ferðin þín, með glæstu skríni.
Skj: Arngrímr ábóti Brandsson: 1. Guðmundar kvæði (drápa?) byskups 55 (A; B); (hrynhent); ed. GN; group: C; mss: 5; texts: GBpD 102
103 Vol. 4. Arngrímr ábóti Brandsson, Guðmundardrápa, 2 — Arngr Gd 2IV
Rædda ek lítt við reglur Eddu
ráðin mín, ok kvað ek sem bráðast
vísur þær, er vil ek ei hrósa,
verkinn erat sjá mjúkr í kverkum;
stirða hefir ek ár til orða,
ekki má af slíku þekkjaz,
arnar leir hefig yðr at færa,
emka ek fróðr hjá skáldum góðum.
Skj: Arngrímr ábóti Brandsson: 1. Guðmundar kvæði (drápa?) byskups 2 (AII, 348-9; BII, 372); (hrynhent); ed. GN; group: C; mss: 5; texts: GBpD 103
104 Vol. 4. Arngrímr ábóti Brandsson, Guðmundardrápa, 51 — Arngr Gd 51IV
Ýtar frák ek at út reru báti
ár spennandi í stǫðum tvennum,
týndu þeir, sem ei má undra
angr kærandi, sínum snærum;
fundu aðrir fjarri landi,
(fekk Guðmundur heiðr af rekkum)
drógu neðan ór djúpum ægi,
dorgar bǫnd, en lokit var sorgum.
Skj: Arngrímr ábóti Brandsson: 1. Guðmundar kvæði (drápa?) byskups 53 (A; B); (hrynhent); ed. GN; group: C; mss: 5; texts: GBpD 104
105 Vol. 4. Arngrímr ábóti Brandsson, Guðmundardrápa, 53 — Arngr Gd 53IV
Vægja hlýtr fyr valdi mætu
várs byskups (hann græðir sára)
sjálf náttúran, sett af hilmi
sunnu stóls, þess er ríkti at Hólum;
almáttigr því at Jésús veitir
(undrlaust er þat) bæn Guðmundi;
skepnan ǫll verðr skyld at halda
(skil ek gjǫrla þat) sínum vilja.
Skj: Arngrímr ábóti Brandsson: 1. Guðmundar kvæði (drápa?) byskups 56 (A; B); (hrynhent); ed. GN; group: C; mss: 5; texts: GBpD 105
106 Vol. 4. Arngrímr ábóti Brandsson, Guðmundardrápa, 57 — Arngr Gd 57IV
Sǫkkva réð við sjóvarbakka,
sveinn drukknaði í geima hreinum,
arfi prests þess er opt hefir lastat
(undrligt er þat) siðu Guðmundar;
síðan hét með geystum gráti
guðs játara af meingjǫrð láta,
hnuggit líf ef hans mǫg þægi
heilagr maðr af skepnu deili.
Skj: Arngrímr ábóti Brandsson: 1. Guðmundar kvæði (drápa?) byskups 63 (A; B); (hrynhent); ed. GN; group: C; mss: 5; texts: GBpD 106
107 Vol. 4. Arngrímr ábóti Brandsson, Guðmundardrápa, 58 — Arngr Gd 58IV
Gotnar steyptu vígðu vatni,
vann Kursa þat jartegn sanna,
inn í munn þeim unga manni;
ítarligt er slíkt at líta;
hneigir veit ek at upp lauk augum
unnar bliks með krapti miklum;
síðan stóð, svá at seggir náðu
sókndeilanda at fagna heilum.
Skj: Arngrímr ábóti Brandsson: 1. Guðmundar kvæði (drápa?) byskups 64 (A; B); (hrynhent); ed. GN; group: C; mss: 5; texts: GBpD 107
108 Vol. 4. Arngrímr ábóti Brandsson, Guðmundardrápa, 44 — Arngr Gd 44IV
Cedrús vex í foldar faxi;
fjallit hefir at merkja allra
birting þeira, er hreinum hjǫrtum
haldi líf með skírleiks valdi;
þýðir Líbanús enn í óði,
allegorice rétt at kalla,
alls ráðanda einka-brúði
oss tæjandi, kristni frægja.
Skj: Arngrímr ábóti Brandsson: 1. Guðmundar kvæði (drápa?) byskups 46 (A; B); (hrynhent); ed. GN; group: C; mss: 5; texts: GBpD 108
109 Vol. 4. Arngrímr ábóti Brandsson, Guðmundardrápa, 45 — Arngr Gd 45IV
Cedrús fekk, svá at endaz ekki,
allar fjórar dygðir stórar,
eina þá, sem ei má fúna,
ilman helz þótt viðrinn eldiz;
feitin drepr með magni mætu
maðka þá er í sárum spraðka;
ormar flýja eitri fermdir
(eflaust er þat) sætleik traustan.
Skj: Arngrímr ábóti Brandsson: 1. Guðmundar kvæði (drápa?) byskups 47 (AII, 000; B); (hrynhent); ed. GN; group: C; mss: 5; texts: GBpD 109
110 Vol. 4. Arngrímr ábóti Brandsson, Guðmundardrápa, 46 — Arngr Gd 46IV
Guðmundr líkiz (enn skal auka
efnat lof, þat er ei mun rofna),
einu tré, því er ei má fúna,
eldi lestr þótt heimrinn bresti;
allir treysta hann í hæstri
himna vist með sjálfum Kristi;
fundinn verðr þess engi endir
eilífs valds, er þar er at halda.
Skj: Arngrímr ábóti Brandsson: 1. Guðmundar kvæði (drápa?) byskups 48 (A; B); (hrynhent); ed. GN; group: C; mss: 5; texts: GBpD 110
111 Vol. 4. Arngrímr ábóti Brandsson, Guðmundardrápa, 47 — Arngr Gd 47IV
Liðit er nú sízt hann var heðra
hundrað ára (svá hǫfum fundit),
aukaz þar til enn at líku
átta vetr, sem ritning váttar;
aldri þverr í efrum ǫldum,
einart vex fyr sannar greinir,
frægðin hans ok fagrar dygðir;
finnaz þar til sǫgur ok minni.
Skj: Arngrímr ábóti Brandsson: 1. Guðmundar kvæði (drápa?) byskups 49 (A; B); (hrynhent); ed. GN; group: C; mss: 5; texts: GBpD 111
112 Vol. 4. Arngrímr ábóti Brandsson, Guðmundardrápa, 48 — Arngr Gd 48IV
Orð guðs kendi ágæt fyrðum
elsu kunnr af spektar brunni;
fyrir því varð, sem frægt er orðit,
feyjandi sár maðkr at deyja;
síðan sleikti sæll ok mýkti
synda þunga linri tungu;
feiti smurði ástvinr ýta
ǫllum trúr ok víni súru.
Skj: Arngrímr ábóti Brandsson: 1. Guðmundar kvæði (drápa?) byskups 50 (A; B); (hrynhent); ed. GN; group: C; mss: 5; texts: GBpD 112
113 Vol. 4. Arngrímr ábóti Brandsson, Guðmundardrápa, 49 — Arngr Gd 49IV
Færir framm, svá at hverr megi heyra,
hróðrar smíð, er launar hljóði,
auðar hlunnr, hvé yfirmann þenna
eitrspýjandi snákar flýja;
djǫflar hafa sik út með afli,
á hrindaz þeir járna tindum;
hverr setr ǫðrum (hvar sé mætra?),
horn í síðu púka fornra.
Skj: Arngrímr ábóti Brandsson: 1. Guðmundar kvæði (drápa?) byskups 51 (A; B); (hrynhent); ed. GN; group: C; mss: 5; texts: GBpD 113
114 Vol. 4. Arngrímr ábóti Brandsson, Guðmundardrápa, 59 — Arngr Gd 59IV
Skínandi sitr sonr hjá sínum
samheldr ok jafn feðr í veldi
(hverja stund) ok heilagr andi,
(hendir slíkt en ei verðr endat);
þessum ǫll en hyggju-hvassa
hǫlda sveit er skyld at veita
allan heiðr með elsku fullri,
einum guði í þrennum greinum.
Skj: Arngrímr ábóti Brandsson: 1. Guðmundar kvæði (drápa?) byskups 65 (A; B); (hrynhent); ed. GN; group: C; mss: 5; texts: GBpD 114
115 Vol. 4. Arngrímr ábóti Brandsson, Guðmundardrápa, 60 — Arngr Gd 60IV
Fǫður jamn sitr á hávum himni
hæstr í dýrð með valdi glæstu,
sǫngr heyriz þar sætr af englum,
sonr eingetinn vífs ens hreina;
allir lofa þar ástar fullir
anda guðs, er oss firrir grandi;
heimrinn allr með helgu blómi
haldi slíkri dýrð um aldir.
Skj: Arngrímr ábóti Brandsson: 1. Guðmundar kvæði (drápa?) byskups 66 (A; B); (hrynhent); ed. GN; group: C; mss: 5; texts: GBpD 115
116 Vol. 4. Arngrímr ábóti Brandsson, Guðmundardrápa, 42 — Arngr Gd 42IV
Bergr ábóti hefir birtan margan
byskups heiðr í máli greiðu;
inna réð hann allar sannar
jarteinir hans mjúku hjarta;
eigi er veitt at víða hittiz
(vandi er slíkt) í þessu landi
tungan nein, at svá muni syngja
sanna dýrð af einum manni.
Skj: Arngrímr ábóti Brandsson: 1. Guðmundar kvæði (drápa?) byskups 44 (A; B); (hrynhent); ed. GN; group: C; mss: 5; texts: GBpD 116
© Skaldic Project Academic Body, unless otherwise noted. Database structure and interface developed by Tarrin Wills. All users of material on this database are reminded that its content may be either subject to copyright restrictions or is the property of the custodians of linked databases that have given permission for members of the skaldic project to use their material for research purposes. Those users who have been given access to as yet unpublished material are further reminded that they may not use, publish or otherwise manipulate such material except with the express permission of the individual editor of the material in question and the General Editor of the volume in which the material is to be published. Applications for permission to use such material should be made in the first instance to the General Editor of the volume in question. All information that appears in the published volumes has been thoroughly reviewed. If you believe some information here is incorrect please contact Tarrin Wills with full details.

This is a backup server for skaldic.abdn.ac.uk. Any changes made here will be lost.