This is a backup server for skaldic.abdn.ac.uk. Any changes made here will be lost.

Skaldic Poetry of the Scandinavian Middle Ages

login: password: stay logged in: help

verses in Hauksbók

0 Vol. 1. 4. Auðunn illskælda, Lausavísa, 2 [Vol. 1, 122] — Auðunn Lv 2I
Stóðum vér und víðum
vindar tjǫlgu linda
herkir hyrjar serkja
hve of vélti þat belti
þat hygg hrafnfjǫturs hvǫttu
hlǫkk fankat mey rakka
ibar skelfis bjalfa
bjúgs þá raman smjúga.
Skj: Auðun illskælda: Lausavísur 2 (AI, 6; BI, 6); (dróttkvætt); ed. MCR; group: B; mss: 307x, 67ax, 67bx, Hb; texts: Hb 0, Skáld 1
0 Vol. 2. Haraldr harðráði Sigurðarson, 2. Lausavísur, 13 [Vol. 2, 54-5] — Hharð Lv 13II
Framm gǫngum vér
í fylkingu
brynjulausir
und bláar eggjar;
hjalmar skína,
hefkat mína;
nú liggr skrúð várt
at skipum niðri.
Skj: Haraldr Sigurðarson harðráði: Lausavísur 18 (AI, 360; BI, 332); (fornyrðislag); ed. KEG; group: A2; mss: 301x, 326bx, 761bx, E, F, Flat, FskAx, H, Hb, Hr, J2x, Kx, Mork; texts: Flat 1093, Fsk 237, H-Hr 212, Hb 0, HSig 80, MH 124, Mork 92
0 Vol. 2. Haraldr harðráði Sigurðarson, 2. Lausavísur, 14 [Vol. 2, 55-6] — Hharð Lv 14II
Krjúpum vér fyr vápna
(valteigs) brǫkun eigi
(svá bauð Hildr) at hjaldri
(haldorð) í bug skjaldar;
hátt bað mik, þars mœttisk,
menskorð bera forðum,
hlakkar íss ok hausar,
hjalmstall í gný malma.
Skj: Haraldr Sigurðarson harðráði: Lausavísur 19 (AI, 360-1; BI, 332); (dróttkvætt); ed. KEG; group: A2; mss: 326bx, 761bx, E, F, Flat, FskAx, H, Hb, Hr, J2x, Kx, Mork; texts: Flat 1094, Fsk 238, H-Hr 213, Hb 0, HSig 81, MH 125, Mork 93
0 Vol. 2. Hjǫrtr, Lausavísur, 1 [Vol. 2, 344-6] — Hjǫrtr Lv 1II
Þrøngvir golli
gramr fast saman;
veitir Sýrar
sonr fás-konar;
land skyldi lítit
lafhamðir hafa,
þá myndi hǫlðum
Haraldr svara.
Skj: Hjǫrtr: Lausavísur 1 (AI, 403; BI, 372); (tøglag or variants); ed. KEG; group: A2; mss: 326bx; texts: Hb 0, Hem 1
0 Vol. 2. Hjǫrtr, Lausavísur, 2 [Vol. 2, 346] — Hjǫrtr Lv 2II
Hafr es úti
hvítr í túni,
skúmir augum,
hefr skegg mikit;
brestir klaufum,
vill bǫrn taka;
sá's geitar son
gerr við erru.
Skj: Hjǫrtr: Lausavísur 2 (AI, 403; BI, 372); (fornyrðislag); ed. KEG; group: A2; mss: 326bx; texts: Hb 0, Hem 2
0 Vol. 2. Hjǫrtr, Lausavísur, 3 [Vol. 2, 347] — Hjǫrtr Lv 3II
Munat í vári
vestr langskipum
hugragr of haf
Haraldr fara;
því mun lengi
lafhræddr konungr
alld andvani,
Englands ok vegs.
Skj: Hjǫrtr: Lausavísur 3 (AI, 403; BI, 373); (fornyrðislag); ed. KEG; group: A2; mss: 326bx; texts: Hb 0, Hem 3
0 Vol. 1. 5. Ǫlvir hnúfa, Lausavísa, 1 [Vol. 1, 126] — Ǫlv Lv 1I
Lǫgðis hefr of lagða
laug Frigg dáin augna
skjall valldaðar skállda
skíðgarðr saman hvarma;
ok bandvaniðr blundar
bekkjar hjǫrtr í rekkju
því hefk fyr Gnô fýris
fjón golf dáinn sjónum.
Skj: Ǫlvir hnúfa: 2. Lausavísa (AI, 6; BI, 6); (dróttkvætt); ed. MCR; group: B; mss: 67ax, 67bx, Hb; texts: Hb 0, Skáld 3
0 Vol. 1. 3. Þorbjǫrn hornklofi, 3. Lausavísa, 1 [Vol. 1, 117] — Þhorn Lv 1I
Hildr of réð því's heldu
Hǫrn gráts fyr mér látri,
því emk lystr at lasta
lestundir fǫr þessa,
ok liðbjúgrar leygjar
lét æva mik sævar
eigi mun enn við ekkju
austmanna fǫr sannask.
Skj: Þórbjǫrn hornklofi: 3. Lausavísa (AI, 29; BI, 26); (dróttkvætt); ed. MCR; group: B; mss: 67ax, 67bx, Hb; texts: Hb 0, Skáld 2
0 Vol. 2. Þjóðólfr Arnórsson, 7. Lausavísur, 11 [Vol. 2, 175-6] — ÞjóðA Lv 11II
Ǫld hefr afráð goldit
ilt, nú kveðk her stiltan,
bauð þessa fǫr þjóðum
þarflaust Haraldr austan;
svá lauk siklings ævi
snjalls, at vér rom allir
(lofðungr beið enn leyfði
lífs grand) í stað vǫndum.
Skj: Þjóðolfr Arnórsson: 4. Lausavísur 27 (AI, 383; BI, 353); (dróttkvætt); ed. DW; group: A2; mss: 301x, 326bx, 744x, 761bx, A, B, C, E, F, Flat, FskAx, H, Hb, Hr, J2x, Kx, Mork, R, Tx, U; texts: Flat 1098, Fsk 243, H-Hr 218, Hb 0, HSig 84, MH 129, Mork 97, Skm 410
1 Vol. 1. 37. Sigvatr Þórðarson, 10. Knútsdrápa, 1 [Vol. 1, 651] — Sigv Knútdr 1I
Ok Ellu bak,
at, lét, hinn's sat,
Ívarr, ara,
Jórvík, skorit.
Skj: Sigvatr Þórðarson: 10. Knútsdrápa 1 (AI, 248; BI, 232); (tøglag or variants); ed. MT; group: A1; mss: 147, Hb; texts: Hb 1, RagnSon 0
© Skaldic Project Academic Body, unless otherwise noted. Database structure and interface developed by Tarrin Wills. All users of material on this database are reminded that its content may be either subject to copyright restrictions or is the property of the custodians of linked databases that have given permission for members of the skaldic project to use their material for research purposes. Those users who have been given access to as yet unpublished material are further reminded that they may not use, publish or otherwise manipulate such material except with the express permission of the individual editor of the material in question and the General Editor of the volume in which the material is to be published. Applications for permission to use such material should be made in the first instance to the General Editor of the volume in question. All information that appears in the published volumes has been thoroughly reviewed. If you believe some information here is incorrect please contact Tarrin Wills with full details.

This is a backup server for skaldic.abdn.ac.uk. Any changes made here will be lost.