ONP: Dictionary of Old Norse Prose

Citation

drengr sb. m.HómÍsl³⁶(1993) 60r1

ONP Reader

Holm perg 15 4° (c1200) 57r-61rHómilíur : Homiliae & sermones

(de Leeuw van Weenen 1993 [ÍH quarto 3], 57r⁴-61r)

2) ung mand (som ikke endnu har stiftet bo) ‖ young man (who has not yet set up house)
 ●ungr drengr

honom sýndesc ungr drengr necqueʀ til fundar coma viþ sic

cf. lat. iuvenis - EvangApocr 5718

ms. photo folder: 56-60 61-65

60r01  drengr necqueʀ til fundar coma viþ ſic. oc mælte ſa er comeɴ
60r02  var viþ h meþ þeſſom hęitti. Ec emc angelus domini ſa er nu ſér þu.
60r03  oc ec vitroþomc ꜵnno cono þ⸌i⸍ɴi þeirri er lengi hever gratet þat
60r04  er þu ert a braut horfeɴ fra forviſto heɴar ráþahagſ oc er
60r05  hon grét abeon ſinni þa huggaþa ec hana. þat ſcalttu vita at
60r06  hon hever getet af yckrum ſamforom dóttor ſva at þu
60r07  viſſir eige þa er þu fórt heiman fra heɴar fundi.
60r08  Sia mǽr mun ſva ſæl verþa at engi cona mon þuilica
60r09  miſcuɴ oþla⸌t⸍ſc hafa hingat til ne eþan fra af guþe ſem hon mon.
60r10  ᴍun oc ſva Guþſ miſcunn framalla meþ henni vera. at eige mun
60r11  ne eiɴ maþr þat at ſoɴo mega vátta at ne ein kona hafe þui
60r12  líc eþa me⸌i⸍ri ⸌tiþar⸍ i þeɴa heim komet eþa meone boren vera of alldr.
60r13  ɴu er ſia męr er alen þa ſcallþu hana mario heita lata. Sia mǽr
60r14  mon guþi helɢoþ vera oc honom gefen til þionoſto ſem it hetoþ bǽþi
60r15  hiu Guþi þegar er hon keomr fra moþor quiþe. mon hon fyllaſc
60r16  af anda helgom i barneoſco. þa er hon hever þaɴ aldr er aþrar mey-
60r17  iar ero maɴi gefnar. þa mon ſu mǽr geta mog þaɴ er kallaſc
60r18  mon nafn eɴſ hǽſta. ſa ſvéiɴ er hon mon féoþa mon ieſuſ callaþr
60r19  vera. en þat þýþeſc quaþ engelleɴ greoþere allra þioþa. þat mon þér til
60r20  marcſ of þa hluti er ec boþa þer at þeir ero ſaɴer at þa er þu keomr
60r21  til borgar hliþſ þeſſ eſ aurea heiter. mon koma a mote þer fa-
60r22  raɴde anna cona þin. ſu er a yɢɢioſom er nu fyr þinar ſacar. at
60r23  þu keomr eige aftr til fundar viþ hana. hon mun þa fagna er hon
60r24  naer þic at líta. ɴu fyr þær ſakar at ſva er til vaxet ſem ec gere
60r25  þer nu i kuɴléica. þa biþec þic at þu farer aptr til heimkynna
60r26  þiɴa. þat monþu þeckia btt er þu keomr heim oc þu hitter annam at
60r27  feʀ eige einſaman. oc ſcalltu guþi þat þacka oc h dýrka. fyr þeſſi
60r28  tiþendi ꜵllſaman. Siþan er engeꝇ hafþi þetta mǽlt viþ ioakim
60r29  ſem nu var fra ſagt. þa hvarf h fra hanſ fundi. oc ſótte héim til hi-
60r30  menrikiſ ſælo. En ioakim vacnaþe viþ tíþende þeſſe er honom vꜵro ſꜵgþ
60r31  i vitron af angelo. þa fór h bratt a braut meþ fehirþom a heimléiþ

Contact:
Dictionary of Old Norse Prose
onp@hum.ku.dk