Københavns Universitet

ONP: Dictionary of Old Norse Prose

Citation

1byskup sb. m.Theol15²(1993) 79r6

ONP Reader

Holm perg 15 4° (c1200) 78r-80vTheologica : Guðfrǿði

(de Leeuw van Weenen 1993 [ÍH quarto 3], 78r-80v³)

6) [e-rra / yfir e-jum] jødisk ypperstepræst ‖ Jewish high priest

Pilatus mælte ... þín (ɔ: Jesú) þióþ oc þíner biscopar selldo þic mér

~ lat. «Gens tua et »pontifices - Vulg Jhs 18,35

ms. photo folder: 76-80

79r01  Pilatuſ mælte. hvat georþe h illa En þeir ſvꜵroþo. Willer h þióþ óra. oc baɴar at
79r02  giaꝇda keiſara órom ſcatt. oc ſeger ſic conung vera. Pilatuſ mælte. ᴛakeþ ér h. oc dǿ
79r03  meþ at lꜵgomrom. ɢyþingar ſvꜵroþo. Eige eſ os lofat at vega maɴ a póſkom. Þa
79r04  ſpurþe pilatuſ ieſum oc mælte. Ertu conungr Gyþinga Jeſuſ ſvaraþe. Hvárt mæler þu þetta
79r05  afþér ſiólfom. eþa ſꜵgþo aþrer þér þetta fra mér Pilatuſ mælte. Eige em ec Gyþingr.
79r06  þín þióþ oc þíner biſcopar ſeꝇdo þic mér. Hvat georþer þu Jeſuſ ſvaraþe. Eige er af
79r07  þeſſom heime ríki mitt. En ef afþeſſom heime være ríke mitt. þa meondo
79r08  þiónar míner ſtanda igegn þui at ec véra ſeꝇdr. En eige eſ heþan ríke mitt. Pi-
79r09  latuſ ſpurþe. Ert þu conungr þo Jeſuſ ſvaraþe. Þu ſeger at ec em rex. Ec em til þes
79r10  boreɴ. oc til þes com ec í héim. at ec bǽra vitne hino ſanna. En hveʀ
79r11  héyrer rǫd mína eſ af ſꜵɴo eſ. Þa mælte pilatuſ viþ Gyþinga. Eonga ſꜵc fiɴ
79r12  ec i þeſſom maɴe. En Gyþingar heldo a ſíno mále. oc mælto. Viꝇte h lýþ i keɴingom
79r13  ſínom of aꝇt Gyþingar land. oc hóf upp i galileo alt hingat til. En eſ pilatuſ
79r14  heyrþe nefnda galileo. þa ſpurþe h ef ieſuſ være þaþan. En eſ h varþ þes vís at
79r15  ieſuſ var ýr herodiſ veꝇde tſcaþr. þa ſeɴde h h til herodiſ. eſ þa vaſ oc til
79r16  iorſala com. a þéim dǫgom. En herodeſ varþ fegeɴ er h ſá ieſum. þuiat h héyrþe
79r17  mart ſagt fra honom. oc var h fús at fiɴa h. þuiat h vǽtte iartéinar necquer
79r18  rar af honom. Herodeſ ſpurþe h margra mála. en h ſvaraþe eongo. En Gyþingar ſtó-
79r19  þo hiá ſtaþfaſter. oc réogþo h viþ herodem. En herodeſ fyr léit h. oc ſeɴde h
79r20  aftr til pilatuſ. oc georþoſc þeir pilatuſ oc herodeſ viner fra þéim dege. þar eſ þeir
79r21  vꜵro áþr oviner. Þa héimte pilatuſ þangat gyþinga. oc mælte viþ þa. Ér féorþoþ
79r22  mér þeɴa maɴ. oc ſꜵgoþ h viꝇa þióþ alla. oc ſpurþa ec h ſvá at ér
79r23  héyrþoþ. oc faɴ ec enga dꜹþa ſǫc i honom oc eige herodeſ. Beria mon ec h
79r24  láta oc undan ganga. En ſa vaſ vanþe at h lét undan ganga a póſ-
79r25  kom éiɴ baɴdingia þaɴ eſ Gyþingar viꝇdo þiɢia til lífſ. Þa ſpurþe pi-
79r26  latuſ gyþinga. Vileþ ér at ec gefa yþr conung Gyþinga. En þeir ſvꜵroþo. Eige viliom
79r27  vér h. heꝇdr barraban. En barrabáſ vaſ illvirke. þa lét pilatuſ beria ieſum. En ri-
79r28  þerar uɴdo ſaman coróno ór þyrnom. oc dgo a hꜵfoþ honom. oc ſcrýþdo h
79r29  conungſ ſkrúþe. Oc hlógo Gyþingar. at honom. oc luſto a kiþr honom. En ſumer
79r30  fello a kné fyr féotr honom. oc luto honom oc mælto. héill þu conungr Gyþinga.
79r31  Síþan léidde pilatuſ ieſum a þing Gyþinga. oc hafþe h þorngiorþena a hǫfþe.