Københavns Universitet

ONP: Dictionary of Old Norse Prose

Citation

heilagr adj.DN VIII (*[1320]›apogrˣ) 8820

ONP Reader

AM dipl norv apogr XIIˣ (& DonVar 1 Barth E folˣ (c1700 & c1675-1700) 61) — “Diplomatarium Norvegicum”

(Unger & Huitfeldt-Kaas 1874 [DN 8], 89)

8) (om gudshus)
 ● heilǫg (...)kirkja

sira Arne kærðe firir oss. at sira Botolfr hafðe misþyrmt honom .j. hæilaghre kirkiu

88

67.
2 April [1320.]
[Bergen.]

Margareta in Nordnæs.

Uirðuleghom herra sinum ok andleghom fæðr sinum, herra
Eilifui [með guðs miskunn erkibiskupi i Niðarosi] sendir A[udfinnr
með guðs miskunn biskupr i Berghwin q. g. ok sina]. Uer vilium yðr
kunnict gera. at með bæzstra manna raðe allra þæirra er þa varo j
Berghwin bæðe lærðra ok læika. veralldar klærka ok ræinlifua. þa letom
ver firirbioða. efter skylldu vaarre nu .j. vetr pilagrims færð þa ok ouenio
er menn sloghozst a með ymisolegho akalle at hafua j Norðness við
Berghwin til kono þæirrar er þar var brend firir morghum vetrom. ok
sik hafðe kallat dottor Eiriks konongss. ok sua sem ver hafðum latet
gera þar bref vm. at firirbioða þa vitian. at menn skilldi þui hælldr við
varazst. ok sendom ver sira Arna prest sem nu er skulamæistare .j.
Berghwin at lesa þat sama bref j Postola kirkiu sem .j. allum adrum
kirkium ok klaustrum .j. Berghwin. þa gerdi sira Botolfr Hakonarson
openbærlegha olyðni. ok motestaðu væitti. at fyrnæmfnð bref skilldu
æighi lesazst. ok lagðe hæimftughar hendr .a. sira Arna fyrnæmdan. ok
villde með valde .j. kirkiu ok almanna fære taka af sira Arna þau samu
bref. om þa er sira Arne kærðe firir oss. at sira Botolfr hafðe mis-
þyrmt honom .j. hæilaghre kirkiu. þa villdum ver þo æighi þui oflet-
legha trua. ok kallaðom sira Botolf til vaar með brefe varo eftir bæizslu
sira Arna. ok er sira Botolfr kom til vaar. þa kuæzst han ækki vilia
standa varom dome vm þat maall. vttan skaut þi male vndir yðr. ok
bauð sira Arna at bætra þat sem han hafðe misgort eða offaret við han.
eftir dome herra Finnz. Nu af þui at sira Botolfr hafðe openbærlegha
misþyrmt sira Arna .j. hæilaghre kirkiu ok .j. allmanna færre. eftir þui
sem skillrik vitni hafa vm genget. þærss ok annarss. at sira Botolfr
fek alldri oss in scriptis siit vndankall. ok æighi maatte han in tam
notorio delicto, nec a sentencia .a. canone lata, in quam ex delicto pro-
prio inciderat, appellare, fecimus eum, ad instanciam partis aduerse, de-
nunciari in sentenciam latam .a. canone incidisse. ok en þikkir oss.
sem sira Botolfr ok nokkorer flæiri or Postolakirkiu gera oss nokkorn
sua vanda .j. sinni imisleghre framfærð. er þæir hafua mote oss ok
hæilaghre kirkiu fræilssi. sem þer monut siðarmæir openbærleghar spyria.
ok oflanght være nu alla þa luti upp at telia. firir hui er ver biðium
yðr auðmiuklegha. at þer mætter sua rað a læggia með oss. at ver
ok kirkian .j. Berghwin. mætte sinum reettendum oskoddum halda. sem
ver hyggium at varlla meghe vera at suabunu. vttan guðs hiolp ok
yðars tilstuðningss. Biðium ver ok æi siðr. goðe herra. at þer vilir