Københavns Universitet

ONP: Dictionary of Old Norse Prose

Citation

undan adv.DN I (1316) 13137

ONP Reader

NRA dipl perg (1316)“Diplomatarium Norvegicum”

(Lange & Unger 1849 [DN 1], 131-132)

han iattade fyrsaghdre ættzleiding ok arfe vndan ser

citation slip

131

Thrond Gulathings-Lagmand stadfæster en af Sighvat paa Leirholar (i Val-
dres) med Fl. fastsat og af Hauk Lagmand og Kong Haakon senere stad-
fæstet Ætleding efter Ivar Prest i Volubu, hvorved Arven efter ham
tilfaldt hans to Sönner Haakon og Eirik.

Efter Orig. p. Perg. hos Kapt. G. Munthe paa Kroken. Alle 8 Segl mangle.

148.
11 Decbr. 1316.
Bergen.

Allum monnum þæim sem þetta bref sea eda hœyra sendir Þrondr
Gulaþings loghmaðr Q. G. ok sina þæir Hakon son sira Jwars j Wolubu
firir sik ok med fullu ok loghlegho wmboðe Eiriks brodor sins. En
Besse Sighurdar son med fullu ok loglegho vmbode Jngibiarghar modor
sinnar ok Groo modor systur sinnar waro a stæmpnu firir mer j Ions-
stofo i konongsgarde j Berghwin laughardaghenn nesta æptir Niku-
lasmesso a þui are er lidnir waro fra burdartið wars herra Iesu
þushundraþ wettra þriu hundraþ wettra ok sexstan wettr kiærde Besse
at þæir brœðr Hakon ok Eirikr hofdu ok heldo ologhlegha arfe sira
Juars j Wolubu fodurs sins þær sem þæir waro eighi skillgettner.
En Jngibiorgh ok Groa fodurssystir þæira Hakonar ok Eiriks samfæd-
ra ok skilgettnar mistu. Weitti Hakon þau andzsuor at þæir brœðr
waro loghlegha ættzleiddir æptir fodur sinn ok modor ok tede transcriptum
af brefe herra Sighwaz a Leirolom. sira Gunnars j Œyu ok Pals Einars
sonar er firir sa ættzleidingenne sua vattande at Þorðr fodurbroðer
þæira Hakonar ok Eiriks ok Andres a Hongdum modor fader þæira ok
Sighrið husprœia hans modor moder þæira er þa waro arfe nester æptir
fodur ok modor þæira brœdra er ættzleidingenn gerdizst iattado ættz-
leidingenne, þær med tede Hakon transcriptum af brefe herra Hauks
loghmanz sua wattande at han dœmde þa ættzleiding loghlegha ok þui
ueitti herra Haukr uiðrgongo, sua tede ok Hakon transcriptum af brefe
mins uirduleghs herra Hakonar konongs sua wattande at han hafde
stadfæsta fyrsaghða ættzleiding, gek ok Besse uið firir mer at þæir
Hakon ok Eirikr uaro æptir þui ættzleiddir sem ættzleidingar brefet
wattade. Enn Besse hafde þænn mote burð at þui war ættzleidingenn
onytt at Þorðr fodurbroðer þæira Hakonar ok Eiriks er ættzleidingenne
jattade andadezst fyr en sira Juar broðer hans ok ærfden tœmdezst.
Syntizst mer ættzleidingenn rett ok loghlegh en moteburdr Bessa onytr
ok ologhleghr. Ok af þui at Þorðr fodurbroder þæira Hakonar ok
Eiriks stoð þa nestr till arfs sira Juars brodor sins er han iattade fyr-
saghdre ættzleiding ok arfe vndan ser, hins annars at logh watta sua
at ef sa maðr andazst er ættzleiding iattar þa tækr ættzleidingr slikan
lutt af arfe sem sa stoð till er ættzleiding iattade. Þa see þætt ollum
monnum kunnigt gort at ek dœmde med fullum lagha oskurd þæim