Københavns Universitet

ONP: Dictionary of Old Norse Prose

Citation

undan adv.EgM(2001) 5723

ONP Reader

AM 132 fol (c1330-1370) 62va-99rb — Egils saga Skalla-Grímssonar

(Bjarni Einarsson 2001 [EA A 19], 3-28²⁸, 28²⁹-31²⁰ (‹ Finnur Jónsson 1886-1888 [STUAGNL 17] 61⁹-65⁹), 31²⁰-32¹⁵, 32¹⁵-²¹ (‹ Finnur Jónsson 1886-1888 [STUAGNL 17] 67¹¹⁻²⁰), 32²¹-62⁸, 69⁸-95¹⁸, 104¹³-186 (88-95¹⁸: nederste tekst, ⸢151, 158-159, 173-186: øverste tekst, 160-172: næstøverste el. midterste tekst))

hon braz við ok rann vndan

citation slip

ms. photo folder: 61r-65v 66r-70v 71r-75v 76r-80v 81r-85v 86r-90v 91r-95v 96r-100v

handrit images: 62v 63r 63v 64r 64v 65r 65v 66r 66v 67r 67v 68r 68v 69r 69v 70r 70v 71r 71v 72r 72v 73r 73v 74r 74v 75r 75v 76r 76v 77r 77v 78r 78v 79r 79v 80r 80v 81r 81v 82r 82v 83r 83v 84r 84v 85r 85v 86r 86v 87r 87v 88r 88v 89r 89v 90r 90v 91r 91v 92r 92v 93r 93v 94r 94v 95r 95v 96r 96v 97r 97v 98r 98v 99r

<EgM(2001) 57>

   
 7 Þat mællti min moðer $note$ 
 at mer skylldi kaupa. 
3fley ok fagrar arar. 
 fara a brott með vikingum. 
 standa vpp i stafni. 
6styra dyrum knerri. 
 hallda sua til hafnar 
 hauggua mann ok annan. 
   
9þa er Eg(ill) var .xí. vetra gamall. var hann sua mikill vegsti at faer 
 voro menn sua storer. ok at afli buner at Egill ynni þa eigi þa $note$ flesta menn 
 i leikum. þann vetr er honum var hinn .xí.ti var hann miog at leikum. 
12Þorðr Grana son var þa a tuitugs alldri. hann var sterkr at afli<.> þat var 
 opt er a leið vetrinn. at þeim Agli ok Þorði .í. var skipt í moti S(kalla) 
 G(rimi). þat var eitt sinn vm | vetrinn er a leið at knattleikr var at Borg 
15suðr i Sanduik. þa voro þeir Þorðr i moti S(kalla) G(rimi) i leiknum ok 
 mæddiz hann firer þeim. ok geck þeim lettara. En vm kuelldi<t> epter 
 solar fall. þa tok þeim Agli verr at ganga. Giorðiz Grim<r> þa sua sterkr 
18at hann greip Þorð vpp ok keyrði niðr sua hart at hann lamðiz allr ok 
 feck hann þegar bana. Siðan greip hann til Egils<.> Þorgerðr brák het 
 ambatt S(kalla) G(rims). hon hafði fostrað Egil i barnæsku. hon var 
21mikil firer ser. sterk sem karlar. ok fiolkunnig miok. Brak mælti. 
 hamaz þu nu S(kalla) G(rimr) at syni þinum. S(kalla) G(rimr) let þa 
 lausan Egil. en þreif til hennar. hon braz við ok rann vndan. En S(kalla) 
24G(rimr) epter<.> foru þau sua i vtanuert Digranes<.> þa hliop hon t af 
 biargínu a sund. S(kalla) G(rimr) kastaði epter henni steini miklum. ok 
 setti milli herða henni ok kom huarki vpp siðan. þar er nu kallat Brakar 
27sund. en epter vm kuelldit er þeir komu heim til Borgar var Egill 
 allreiðr. En er S(kalla) G(rimr) hafði sezt vnder borð ok alþyða manna. 
 þa var Egill eigi kominn i sæti sitt. þa geck hann inn i elldahus ok at 
30þeim manni er þar hafði þa verk stiorn ok fiar forrað með S(kalla) 
 G(rimi) ok honum var kærstr. Egill hio hann banahoɢ ok geck siðan til 
 sætiss sins. En S(kalla) G(rimr) ræddi þa ecki vm. ok var þat mal 
33þaðan af kyrt. En þeir feðgar rædduz þa ecki við huarki gott ne illt ok 
 fór sua fram þann vetr. En hit næsta sumar epter kom Þorol(fr) vt sem 
 fyʀ var sagt<.> en er hann hafði verit einn vetr a Islandi þa bio hann epter 
36vm varit skip sitt i Brakarsundi. en er hann var albuinn þa var þat einn 
 dag at Egill geck til fundar við foður sinn ok bað hann fa ser farar efní.