Københavns Universitet

ONP: Dictionary of Old Norse Prose

Citation

undan adv.DN III (1317) 10611

ONP Reader

NRA dipl perg (1317)“Diplomatarium Norvegicum”

(Lange & Unger 1855 [DN 3], 109)

en æighi saghduzst þæir vita med huæirium hætte su iord gekk undan Jone

citation slip

106

Þorer Halldors son loghmadr a Upplandum q. g. ok sina. ydr [ge]re
ek kunnikt at a mana daghen j mid fastu a atianda are rikis virdu-
leghs herra mins Hakonar Noregs konongs varo þæir firir mer j Hamre
j æinni halvu Jon bokke ok af annare hallvu Þorkiæll a Biorholltom,
kiærde Jon at Þorkiæll hefer ranglegha iord hans j Stæini vidr Bior-
holltar. baro þæir þa bokat vitni firir mer Arne a Grimustadum ok Hær-
laughr med þæim æidi at þæir varo þui ner at Æiystæinn toppr lauk
Jone bokka j dom fe fiordongen j Stæini þan sem af gek j landskylld
mæles smœr ok halfr æyrir ok þat vistu þæir at fyrnæfmndr Jon
fylghdi þæiri iord ok landskylld af tok vist fiora vetr en æighi sagh-
duzst þæir vita med huæirium hætte su iord gekk undan Jone. saghde
þa Þorkiæll at Jon hafde þa iord sællt Jone a Duærgha stæini en Jon
saghde þar næi vidr ok væitte sua vidr gangu at Jon a Duærghastæini
tok landskylld Jons bokka a Stæini en Jon bokke tok þar imot sua
mikla landskylld Jons af Skæifastadum ok þat hafdu þæir j vittnisburd
sinum firir mer Arne ok Herlaughr at sua var satt. saghde ek at Þor-
kiæll skall lata ganga um loghlegh vittni at Jon bokke sæilldi fyr
næfmnda iord j Stæini ok at þæim vittnum gengnom saghde ek Jon
vidr skilldan þa iord sem hann sæilldi sialfr. fællzt Þorkiæll at þæim
vittnum at Jon bokke sæilldi iord sina j Stæini ælleghar at hann hefir
loghlegha vidr gangu væitt at hann hefr þa iord sællt þa saghde ek
Jone bokka afptr fyr nefmnda iord j Stæini ok landskylldir med sua
marghar sem Þorkiæll hefir morghar hafpt iord Jonns bokka j Stæini.
var þetta bref gort a þæim tima sem fyr sæighir.

   Bagpaa meget yngre: Stein vider Biorhollt.


Andres Kyrning, Sysselmand paa Hedemarken, og to andre Mænd kundgjöre
den Markegang, som Sigurd Topp lod gaa mellem Hove og Bjarnestad.

Efter Orig. p. Perg. hos Capt. Munthe paa Kroken. Skriften udslidt.
Levning af 3die Segl.

109.
Aug. 1316 - Aug. 1317.
uden Sted.

Ollvm monnvm þæim sæm þættæ bref sia edr hœyræ sændæ
Andres kyrningr Anfinnær Æiriksson Gudþormr Palsson q. g. ok sinæ.
mer gerom ydr kunnikt at mer varom j hia er Sigurdr toppr let gangæ
markgangv. gek firir Sigurdr kollær ok [vitnæ]de sua huart endæ-
mærki fra adrv. or grindrlidinv a Houen ok i grinðrlidæt a Biærnær-
stadum væstæ[n or] gardonom ok i þioduægæn sydræ ok sua fram i
bræidængæt i lidæt. or lidinv ok vp i sandhuærfinnv ok hæim allæ gatv
æftir þiodvægænom nœrdræ hæim til Houenær. hafde Sigurdr þæt i