Københavns Universitet

ONP: Dictionary of Old Norse Prose

Citation

2taka vb.DN I (*1328›DonVar 1ˣ) 16230

ONP Reader

DonVar 1 Barth E folˣ (c1675-1700) 242-243“Diplomatarium Norvegicum”

(Lange & Unger 1849 [DN 1], 162)

[e-n/sik/e-t / e-m/sér/e-u] [e-n/e-t / um e-t] [e-u / með e-u]

citation slip

162

saghdum þvi biodom ver þer undir mœsso songs pinu at þu minnir
han a i dagh er nærste sunnudaghr er æftir þrettanda dagh jola hoc
est in festo Pauli primiheremite undir bannz pinu ok adra tva sunnu-
dagha samfasta her æftir i soknar kirkiu sinni at han ret læidi sik vid
gud ok hæilagha kirkiu um fyrsaghda tiundargerd, enn ef han stendr
i þriotsko ok olydni mote þessom a minningum þa biodom ver þer
undir fyr saghdre piinu at þu lysir han hafa fallet i bann. lidnum a
nempndom sunnudaghum af fyrsagdre gudræskiu ok olydni, ok at þu
hafer fullgort þetta vart bod þa biodom ver þer at þu setir þitt inn-
sighli æftir vart firir þetta bref er gort var i Biorghvin. iiijo. idus Ja-
nuarii anno domini mo. ccco. xxviijo.

   Brevet har Overskriften: Litera monitoria contra Svenonem de Gris-
enom.


Biskop Audfinn af Bergen byder Kanniken Sigurd at bandsætte Svein i
Grisen, da han ei har lystret Advarslen. (jfr. forrige No.)

Sammesteds IV. (E.) 242-243.

195.
29 Januar 1328.
Bergen.

Audfinnr med guds miskunn biskup i Biorghuin sendir sira
Sighurdi prebendario at Pals alteri i Krist kirkiu i Biorghuin q. g. ok
siina. Af þui at korsbrœdr varer ok sumir soknar prestar her i sta-
denom hafa þraat ok idulegha kært firir oss um nokora vetr at Svein
bonde i Grisenom med blindadre samvitsku ok ofmikilli villu þoko
næittar mote guds loghum ok heilagrar kirkiu rett at luka tiund af
gardum sinum er han a her i bœnom sem han hæfer oft ok tidum
vidr genget firir oss i hia vero marghra dughande manna at han gerdi
enn alldri tiund af gardum sinum. Nu af þui at ver hafum længe med
mikilli þolen mœde um boret hans þriotzsko ok gort honom loghleghar
minningar med brefe varo sem þar um gort vaattar ok hught æ dagh
fra dæghi at han mindi a bætri læid snuazst, seam ver nu þo at þæss
er ængi von utan med hardare hænde verdi a honom tækit. gerom ver
þat þo naudighir sem gudi er kunnight ok godom monnum ok af þui
at ver meghom æighi med hæilli samvitzsku længr þvi lika gudræskiu
ok olydni um rœdo þola þa biodom ver þer undir mœsso songhs pinu
at þu lysir han i bann hafa fallet guds ok hæilaghrar kirkiu af sialfs
sins þriotzsko firirbiodande hværiom manne honom at sam nœytazst æ
þar til er han kœmr til ifir bota ok rætlæidir sik vid gud ok heilagha kirkiu
firir siin afbrot. Ok til sannz vitnis burdar her um settum ver vart
jnnsighli firir þetta bref er gort var i Biorgvin. iiij. kal. Februarii anno
domini mo. ccco. xxviijo.