Københavns Universitet

ONP: Dictionary of Old Norse Prose

Citation

2taka vb.DN II (1347) 23726

ONP Reader

SRA dipl perg (1347)“Diplomatarium Norvegicum”

(Lange & Unger 1852 [DN 2], 238-239)

[e-n/sik/e-t / e-m/sér/e-u] [e-n/e-t / um e-t] [e-u / með e-u]
 ● taka bréf upp á [e-n] [um e-t]

citation slip

237

285.
21 Juni 1347.
Bergen.

Ollum monnum þeim sem þetta bref sea ædr heyra. sender
Græipr Þores son Gula þings logmadr q. g. ok sina. kunnigt gerande
at þorsdaghen nersta firir Jonsuaku aa attanda are ok tuttugta rikis
mins vyrðulegs herra Magnusar med guds nað Noregs Swya ok Skane
konongs. Varo aa loghþingi firir mer j Jonstufuu j konongsgarðe j
Biorgwin af einni halfuu Gunnilldr Pættrs dotter en af annare halfuu
Arne Þrondar son ok Jorunn moder hans; thæðe Arne þa fram bref
mins herra konongsens j hueriu er baud fyrnæmfdre Gunnillde vtt at
luka innan halfsmanadar sem hon hafðe heyrt ædr seet adrsagt bref
tiundar giœf þa sem herra Audun â Slindum hafðe gæfuet Jorunnu
moður fyrnæmfdz Arna. Thæðe Gunnilldr fram annat bref vndir insig-
lum herra Guthorms biskups j Stafuangre herra Erlings Vidkunnar
sonar Biærna Erlings sonar Juars Andres sonar ok margra fleiri godra
manna er vattaðe at fyrnæmfdr herra Erlingr j vmboðe firir Aso modur
fyrnæmfdrar Gunnilldar hafde gort endilegan saatmala vidr adrnæmfda
Jorunno ok Þore tandra vmbodsmann hennar vm fyrsaghða tiundar giof.
Ok at inuirðulega skoðadom allum græinom ok articulis j fyrsaghdum
brefuum ok þui profue sem þa kom firir mik. þa loghsaghðe ek med
fullum laga orskurðe med raaðe ok samþykt hæidrlegs herra herra
Erlings Vidkunnar sonar Sigurðar Gautz sonar fehirdiz j Biœrghwin
Haralldar Niculassonar fehirdiz j Nidaros ok allra loghrætto manna in-
nan vebanda ok vtan at fyrsagdr sattmaale skall standa vm adrnæfnda
tiundar giœf sua j allum græinom sem þan er kommen. Þar æftir
krafðe Gunnilldr mik laga orskurðar firir þat at adrnæmfdr Arne hafðe
ranglega âkært hana firir minom herra konongenom ok tækit bref vpp
â hana vm þat maal sem adr var saat. saghðe ek henne þar firir af
Arna sex manna dom, ok samstundis næmfde adrnæmfdr Sigurdr Gautz-
son þerssa goða menn till doms þar vm ær sua hæita Þorer Kolbiær-
nar son Þorstæinn Sigurdar son Andor j Maatre Pættr j Nordrenghre
Eistæin â Rond ok Baardr ræfuer. Var þat þeira domr ok samþykt at
firir adrgræinda ranglega âkæro ok rop at optnæmfdr Arne skall luka
Gunnilde Pættrs dottor atta mærkr forngilldar ok lukazst tuær mærkr
innan nersta manaðar tuær mærkr at Marteinsmœsso nersto kommande
tuær mærkr at Halluardzmœsso nerst er kømr. En ef optnæmfdr Arne
suær þann æid at hann hugdizst æftir rætto male søkia þa falle nidr af
fyrsaghdum dome tuær merkr. en ef hann suær eighi þa skalu þær lu-
kazst at Marteinsmœsso nersto þar æftir ok lukazst vpp [i Bior]ghwin
j allu bauggilldo fe. Ok till sanz vithnisburðar vm þenna þeira dom ok