Københavns Universitet

ONP: Dictionary of Old Norse Prose

Citation

2taka vb.DN III (1348) 21419

ONP Reader

SRA dipl perg (1348)“Diplomatarium Norvegicum”

(Lange & Unger 1855 [DN 3], 215-216)

[e-n/e-t / e-m/e-u] [e-u / með e-u / við e-u] [til e-s] [um e-t / at e-u] [e-m/sér]

citation slip

214

koma. Vilde han ok eighi koma fyrre. æn hans frænðr gerdo honum
kunnight. vm þau ilfælle. som till varo komen a hans barna væghna.
sem þær varo þa i Fornoby. kom han ok eighi fyr æn eillifu daghen
æfte rettan stemfnodagh sem fyr seighir j stemfninga brefueno. þorde
Eirikr ok eighi fyr koma firir Nichulas æn dagher var tekin þeira i
mellum. Toko þa þesse gode men dagh þeira i mellum Agmunðr prestr
j Sundum. Lafranz Gunnason loghmadr fyrnempdar Olafuer Petrsson ok
Olafuer Hakonar son handgangnir men vars herra konongsens. vp aa
þan haat att Eirikar optnempdar ok hans men skulde vera felighar firir
Nichulase optnempdom ok hans sweinum [ok hwar firir andrum1 j al-
lum lutum bæde medr ordom ok radom. ok swara Nichulasse vm þau
luti sem han hafde till hans att tala a vars herra konongsens veghna.
Swa att gato þeir samsæt gort sin i mellum þa vare þæt væl. æn
eighi vare þæt þa lagdo þeir bader vnðr lanzens logh ok loghmanz
dom. þæt han gate eighi iuir tekit þa var þæt laght vnðr vars herra
konongsens dom ok hans naðr. Kom þa fyrnempdar Eirikar j fyrsagh-
dom dagh sem þeir hofdo laght sin i mellum ok sagde swa. firir fiol-
skyldo minna manna ok þina a mins herra konongsens veghna. firir
hans skat skuld. þa bedes ek dagh till morgens vp a swa teknan grid
sem aðr var gordar okkar i mellum varo þesser tueir sem swa heita
Clemittar Hæmingsson ok Karl Swenongsson hia hœyrdo ordh ok sago
handlagh þeira ok sworo bokar eid firir oss. att swa var ordh æftir
orde. sem fyr seighir. ok j fyrsettom dagh þeira j mellum felighom þa
hafde Eirikar optnemðr brot meðr sik sina dottor vars herra konong-
sens fanga. sem Nichulas optnempdar hæfde tekit vnðr rettan laghadom
vm þæt maal sem henne er givitt vm þæt mord sem gort var j Fornoby
vm eit barn. Spurdj ok Nichulas optnempdar Groo Eiriksdottor firir oss
ok morgom adrom goþom monnom æn hon visse nokot af þesso morde.
æn hon nekade. ok sagdes þær ekki till vita. æn sidan er Margretta
sem leigu kona var þa i Fornoby. er þetta timde. sagde þæt att Groo
fyrnempd visse þæt swa sem hon. siþan Groo hœyrde þæt þa viðr
gek hon ok sagdo badar saman siþan att Olafuer Eiriksson ok þæær
badar varo þær hia ok sagho att barnitt var føøt liuandis ok fulborda.
var ok Groo optnemd vndan raden medr stolle hænde vndan Nichula-
sar vitordh eðr hans manne. i rett feilogh heit sem þeira i mellum var
gord. Senda þa Nichulas optnempdar sin swein æftir ok baud honum
fœyra aptr þæn fanga sem han hefde brott fœyrt. vndan lagha dome.
swarade þa Eirikar swa. fyr skall ek lata lifuet æn hon kæmer þitt
aptr. For þa Eirikar optnempdar medr fanganum vpp i tornett j Sun-
dum bæde medr vapnum bugum arfwm oddum ok æggium att væria