Københavns Universitet

ONP: Dictionary of Old Norse Prose

Citation

2taka vb.DN I (1336) 19211

ONP Reader

NRA dipl perg (1336)“Diplomatarium Norvegicum”

(Lange & Unger 1849 [DN 1], 190)

[e-m/sér/e-u] [e-n/e-t] ; [!] [e-n] [fyrir e-t]

citation slip

192

Sigurd Erlingssön, Kongens Ombudsmand, og Thorbjörn Sveinssön, Hr. Ivars
Ombudsmand, kundgjöre Kong Magnus et Drabs- og Viglysnings-Prov om
Jon Sigurdssön, der dræbte Borgar Vetledssön.

Efter Orig. p. Perg. i Deichmanns Biblioth. i Christiania. Andet Segl vedhænger.

239.
27 Juni 1336.
Tunsberg.


Vyrduleghom herra sinom Magnusi með guðs miskun Noregx.
Swia ok Gota kononge. senda Sighurðr Erlings son vmboðs maðr yðar
ok Þorbiorn Suæins son vmbodz maðr herra Jwars Q. G. ok sina skyl-
dulegha þionosto. Mitt gerom yðr kunnikt at a xvii. are yðars rikiss
a þorsdaghen nesta firir Petrs vaku æftan tokom mitt prof Jons Sig-
hurðar sonar er aftok Borghar Vætaliða son wfirirsyniu. gengo þesser
men fram fyrst Þorgæir kolspan. ok Sighurðr linstakkr. er suoro a
bok at þæir voro hia j Tunsbergi ok hæyrdu aa er Haluarðr smiðr
stæmfdi Vætalida till Akærss j Sanðzuærfui at hæyra fyrnæmft proof.
Sidan gengo fram Hælghi kuggr ok Liif kraka er sua suoro a book
at þau voro hia a Lundi ok hæyrdu a sunnudaghen nesta æfter Blasess
messo dagh er Borghar Vætaliða son væitti viðrgangu at han laghde
fyrri Jon Sighurðarson giamfnum armen með knifui. ok sidan hio Jon
Borghar .ii. hog ok þær fek han bana af. Þær nest gengo fram Þora
ok Gunbiorgh er sua suoro a bok at þær voro hia a Blasess messo
dagh ok hæyrdu a at Jon Sighurðr son lysti samdœghærs a Liid nesta
garde Lundi at alt þet sem Borghar Vætaliða son hefuer af fenget þet
gerde æingi maðr vttan ek. Var þetta viigh væitt vttan allæ griða-
staða. Voro hia þesso profue siræ Alfuer a Ælftalæyti. siræ Þorðr a
Hædinstadum. Ormr a Biarknes. Olafuer j Æynni. Nicholas j Æynni.
Olafuer a Hofue ok margher aðrer goðer men. Ok till sanz vithnis-
burðr sættum mitt okkor jnsighli firir þetta profs bref er gort var a
fyrnæmfdum dæghi ok are.

   Bagpaa med samtidig Haand: Jon Sigurðrson til landzuistær iii mærkær
j þænghn ok ii mærkær j fridkaup.


Ogmund Guttormssön, Hirdstjore i Viken, paalægger Sigurd Hafthoressön
med tiltagne Meddomsmænd at afsige Dom over Eystein Gislesön, der
ulovligen havde fisket i Aaen Löxaa, hvilket Fiskeri tilkom Hovedö
Kloster
. (jfr. Brev af 1 Sept. 1347.)

Efter Vidisse af 14 Septbr. 1347 p. Perg. i norske Rigsarkiv, hullet og ödelagt af Væde.

240.
17 Aug. 1336.
Oslo.

Ollum monnum þæim sem þetta bref sea edr hœyra sendir Og-
mundr Gudthorms sun hyrdstiore j Vikenne Q. G. [ok sinæ. þet se ydr