Københavns Universitet

ONP: Dictionary of Old Norse Prose

Citation

2taka vb.DN I (*1328›DonVar 1ˣ) 1643

ONP Reader

DonVar 1 Barth E folˣ (c1675-1700) 235-236“Diplomatarium Norvegicum”

(Lange & Unger 1849 [DN 1], 163-164)

[e-n/sik/e-t / e-m/sér/e-u] [e-n/e-t / um e-t] [e-u / með e-u]
 ● taka (upp) á sik [e-t] [af e-u]

citation slip

164

Ver hafum undir stadet at ymisir men her med ydr.gera ok gort hafa
gudi ok hæilaghre kirkiu mikla olydni i ymisum lifnadom ok vandom
framfærdom ok vilia þo æighi scriptir a sik taka af þæim sem hæilagh-
rar kirkiu ok vaart valld hæfir af at lœysa j allum opinbærom stor-
mælom sem er hafudprestrenn a Stædiu um allt Soghn. Ok þat at sumir
men œsa bondom ok firir bioda at sœkia nokora profasta stæfnu edr
kirkiunnar manna, ok af þvi at þilik olydni mote hæilaghre kirkiu ma
med ængo mote þolazst, þa gerom ver ydr kunnight at ver faam sira
Thore i Stædiu vaart valld ok fullt um bod nidr at sætia oll þau mal
sem her kunnu til at falla ok han þikkizst ifir megha taka ok at piina
þæim sem brotlegher verda med utsætnings piinu ut af hæilaghre kirkiu ok
bann sætnings ef þæss þikkir vidr þurfa æftir þvi sem han seer firir
gudi a saal siina retleghazst vera æftir kirkiunnar loghum. Ok til sannz
vitnis burdar sættum ver vaart jnsighli firir þetta bref er gort var i
Biorghvin daghenn næzsta æftir Jacobs voku a þi are er lidit var fra
burd vars herra Iesu Christi þus hundrat vetra þriu hundrat vetra tut-
tughu vetr ok atta vetr.


Gudleik Jonssön og Alf paa Rökven bevidne, at Sveinke Sigurdssön skjö-
dede til Brynjolf Halsteinssön en Del af Gaarden Birkjar paa Voss.
(jfr. No. 106.)

Efter Origin. p. Perg. i norske Rigsarkiv. De to Segl hænge ved.

198.
26 Novbr. 1328.
Birkjar.

Ollum monum þeim sem þetta bref sia eda hoyra senda Gud-
leikr Jons son Alfuir a Rœkkuen quediu guds ok sina mit vilium ydr
kunigkt gera at þar varo mit j hia ok hœyrdum a. a laugardagen nesta
eftir Katerinar messo dag a tiunda are rikis okkars virdulegs herra
Magnusar Noregs Suia ok Gota kunugs a Birkkium er Sueinki Siugurdar
sun lauk Bryniolfe Halzsteins syni manad#mata bool j Birkkium firir fim
kyrlog skal fyrnefmdr Bryniolff jordu fylgia ok landskyd af taka æ til
þes er fyrnæfmdr Sueinkki loysir þat manadamata bool af Bryniolfe
firir fulgild fim kyrlog ok til sanz vitnisburdar setta mit fyrnefndir men
okkor insigli firir þetta er gort var a fyr nefmdom degi ok are.

   Bagpaa med omtrent samtidig Haand: Sueinka bref vm Birkia.