Københavns Universitet

ONP: Dictionary of Old Norse Prose

Citation

2taka vb.GregDialC 25137

ONP Reader

NRA 77 (c1300-1350) 1r-1v, 3r-4v (6 frg.) — Díalógar (Viðrǿður) Gregors páfa

(Unger 1877I, 188. n. 1 (citeret: 188³²⁻⁴⁰, 189²⁸⁻⁴¹, 190³⁰⁻⁴¹, 191²³⁻⁴², 192²⁸⁻⁴¹, 193³¹⁻⁴¹), 250³⁵-255)

[e-n/e-t / e-m/e-u] [e-u / með e-u / við e-u] [til e-s] [um e-t / at e-u] [e-m/sér]
   ‖  (+ inf.):

citation slip

<GregDialC 251>

 G r e g o r i v s  d i x i t. Sva er sagt i vppreistar savgo1, at borg sv
 fyrirforst, er Sodoma het, ok drottinn let rigna yfir þa elldi ok
 brennosteini, at bæði kvelþi þa elldr ok illr davnn. Allir forvz
 þeir i elldi ok fnyk, þvi at þeir brvnno aðr i olofoðo lifi ok girnd-
5vm davþligs hollz.
 38. Þat verþr enn stvndvm, at andir sia, þa er þær ero i
 likam, nockvt af andligvm ognvm, ok er stvndvm þeim gagn at
 þvi, er sia, en stvndvm hinvm, er fra heyra sagt.
 2Theodorvs het nockvrr otamr sveinn, sa er fylgði bræðr sinvm
10til mvnklifiss at navðsynivm en eigi at vilia. Þvi at honvm var
 allt leitt at heyra, þat er honvm var it betra kent, hlo hann at
 avllo athæfi mvnka ok sor þess, at hann mvndi eigi þeira sið faga.
 Avllvm mvnkvm var hann leiðr, þo sato þeir honvm vel oskil sin
 sakir broðvr hans. En er manndavþr mikill for vm Romaborg, þa
15tok Theodorvs sott harða ok var hættr, sva [at] andi var i briosti
 honvm at eins, en likami hans var kolnaþr svmr. Þa komv
 mvnkar til ok baðo fyrir honvm þvi kostgefligarr, sem þeir visso
 andlat hans meirr nalgaz. Þa leitaði Theodorvs við at stavðva
 bænir þeira ok mællti: "Farit brott ér, farit brott ér. I dreka
20mvnni em ek, ok ma hann eigi svelgia mik fyrir bænvm yðrvm.
 Havfvt mitt hefir hann i mvnni ser, gefi þer honvm rvm, at hann
 geri þat skiott, er ætlat er, ok kveli mik eigi þanneg lengr." Þa
 mællto mvnkar: "Hverio gegnir þat er þv mælir? Sign þv þik,
 broþir!" Hann mællti: "Signa vil ek mik, ok ma ek eigi, þvi at
25ormrinn þrongvir mer." Þa fello allir mvnkar til bænar ok baðo
 fyrir honvm með tarvm. Þa tok inn sivki at styrkiaz oc mællti:
 "Gvþi þacka ek, þvi at nv let drekinn mik lavsan af bænvm
 yðrvm; biði þer fyrir mer, þvi at ek em bvinn at snvaz til mvnka
 atferþar ok fyrirlita veralldar lif." Þa sneriz hann af avllo hiarta
30til gvðs ok lifði við mikit vanheilindi þa stvnd, er hann var siþan
 i þessvm heimi, ok andaþiz sva, at ver hyggivm hann leystan fra
 invm forna dreka, þeim er hann varaþiz við i leiðrettingo sinni.
 3Criserivs het einn avþigr maðr ok synþvgr, fvllr metnaþar
 ok fegirni, ok lifði at likams mvnvþvm. En er gvþ villdi gera
35enda a hans fegirni ok illzko, þa tok Criserivs sott, ok er hann
 var at bana kominn, þa sa hann standa fyrir ser svarta anda, þa
 er draga villdo avnd hans til kvala. Þa tok hann at skialfa ok
 blikna ok sveitaz ok kallaþi son sinn, er Maximvs het: "Renn þu,
 Maxime, oc biarg mer i trv þinni, þvi at ecki gerþa ek þer til
 
401 libro Geneseos lat. 2 fra Theodoro Oversk. 3 fra Criserio Oversk.