Københavns Universitet

ONP: Dictionary of Old Norse Prose

Citation

2taka vb.HómÍsl¹⁵(1993) 20v24

ONP Reader

Holm perg 15 4° (c1200) 18v-22rHómilíur : Homiliae & sermones

(de Leeuw van Weenen 1993 [ÍH quarto 3], 18v-22r⁶)

[e-n/sik/e-t / e-m/sér/e-u] [e-n/e-t / um e-t] [e-u / með e-u]
 ● taka dauða á sik/...

tók

citation slip

ms. photo folder: 16-20 21-25

20v01  helgar biſcopom kirkio i hiortom rom. En ef vér firromc onýt
20v02  orþ oc hegómlega gleþe. oc rekom a braut þyſ liótra hugreɴinga fra
20v03  byrge hugar várſ. meþ ofſtlegom béonom. þa helgom ver muſtere
20v04  Munkom oc einſeto mꜵɴom. Sa heldr maclega hǫtíþ meyiom guþſ eſ varþ-
20v05  veiter likam ſiɴ fra ſaurlífe. eɴ hiarta ſitt fra aɴdlegom hordóme.
20v06  þat eſ fra hreinom hugrennigom. En þa vígiom vér muſtere þéim
20v07  helgom mꜵɴom eſ meþ guþi ero helger. eɴ heilagléicr þeirra léyneſc
20v08  fyr mꜵɴom ef vér georom þau verk eſ þǽg ero goþi en léynaſc fyr
20v09  mꜵɴom. Þetta eſ andlekt hotíþar hald oc ſia ſꜵɴ prýþe ſu eſ
20v10  fegrer hiorto r oc likame. oc laþar til hugſcota várra dt-
20v11  ten ſiálfan oc engla hanſ oc alla helga. Ef vér hꜵldom a þeſ-
20v12  ſa luɴd hotíþ allra heilagra. þa mǫno þéir lata ſer ſóma at
20v13  veſa arneɴdr ⸌ǫrer⸍ a dómſ dege viþ guþ. Þat vilec lata fylgia má-
20v14  le míno eſ mer þycker eoſſ hialpvǽnlegaſt vera oc meſtr lé⸌i⸍þar
20v15  víſer til paradíſar viſtar. at þat eſ upphaf hiálpar várrar al-
20v16  lar at vér halldeɴ tru rétta þa ſem tꜵlþ i credo. ſkilem þat allt
20v17  vɴder þa tru eſ helger m hafa øs til keɴt at þar ſcal uɴder felaſc.
20v18  Éigom vér a éiɴ guþ a⸌t⸍ trua fꜵþor oc ſon ok eɴ helga aɴda. ſcolom
20v19  vér trua at guþ eſ bǽþe þrír oc éiɴ. almáttegr guþ allrar
20v20  ſkepno ſkapere oc allrar ſtýraɴde. eigom vér þui at trua mꜵrgo
20v21  of guþ almátkan eſ vér megom eige hug a coma. hui ſva ma vera
20v22  ſem vér ſcolom trua at er. þui ſcǫlom vér trua at guþ drotteɴ váʀ.
20v23  vaſ boreɴ hingat ihéim bǽþe guþ oc maþr. trua þui oc at h vaſ píɴd⸌r⸍
20v24  af atkalle gyþinga. en pilatuſ iarl lét h a cros negla. oc tók
20v25  h þar dáuþa a ſiɴ likama hréinan oc ſynþaláuſan. en guþdómr hanſ
20v26  vaſ þa iam héill ſem áþr. Eigom vér þui at trua at þar er ꜵll hiólp
20v27  ór i fólgen í píſl hanſ oc i dáuþa. h réiſ upp af dáuþa efſter píſl ſína
20v28  eɴ þriþia dag. oc vaſ ſíþan ſamviſtom viþ lǽreſvéina ſína fióra-
20v29  tego daga. en ſíþan ſté h upp til himna. oc ſitr nú a héogre hꜵɴ⸌d⸍
20v30  feþr ſínom. Eigom vér þui at trua at h mon koma at eɴda héimſ
20v31  þeſſa meþ þéim likam eſ h hafþe her. oc déoma of alt maɴkyn