Københavns Universitet

ONP: Dictionary of Old Norse Prose

Citation

2taka vb.DN IV (1362) 33111

ONP Reader

AM dipl norv fasc XXXV 12 (1362)“Diplomatarium Norvegicum”

(Lange & Unger 1858 [DN 4], 330-331)

[e-n/e-t / e-m/e-u] [e-u / með e-u / við e-u] [til e-s] [um e-t / at e-u] [e-m/sér]

citation slip

331

Siugurder Oghmundarson af einne halfuu en af annare halfuu Gyrið
Jngimundardottir ok Sighrið dotter hennar. kærdi Siugurder at þær
helldu firir honom pundzbol j jorð þeiri sem Freyland heitir ok ligger
j Mariukirkiusokn sem han saghdi sik bera j arf eptir sira Eymunð
brodur sinn en Gyrid saghdi sira Eymunð hafua gefuit sik þessa jorð
eptir þui sem bref þar vm gert vaattar. gengu þa ok fram sira Þorer
Þorgylsson ok sira Siugurder Vighnalldzson korsbrœder j Stawangre
ok suoru at fullan eið at þar varo þeir j hia ok heyrdu aa j Jngimun-
dargardi en þau sættuzst alsaattum optnefnder Siugurder ok Gyrid vm
þau malskipti sem millum þeira foru eptir sira Emunð var j þeiri sætt
ekki vndan skillt huarki þessi jorð eder annat goz. [tok þeira vitni
biskupen1. krofdu þær mœdgur mik þa seghia ser her l[og] vm eptir þui
sem þau hofdu þa oll saman laght til endilighs doms vm þetta mal.
Nu af þui at sira Eymunder hafdi þessa jord gefuit Gyridi heill ok
vsiuker ok afhendt ser þa þegar þess ok annars at hon var ekki vndan
skild j þeira sætt Siugurdar ok Gyridar þui loghsaghdi ek oftnefndri
Gyridi fyrnefnda jord Freyland til fullrar eighnar ok frialsar firir hue-
riom manne. ok til sannynda her vm setti ek mitt jnzsighli firir þetta
bref sem gert var j Stawangre a tima ok aare sem fyrseghir.

   Bagpaa: Bref firir iordene Frøylande.

   1 Fra [ tilskrevet over Linien.


To Mænd kundgjöre, at Björn Haakonssön afstod til Peter Ivarssön 1/2 Marke-
bol i Mykle-Vold imod 3 Öresbol i Rafnaklif (?).

Efter Orig. p. Perg. i Dipl. Arn. Magn. fasc. 70. No. 9. Seglene mangle.

430.
27 Marts 1362.
Gausdal.

Ollum monnum þæim sem þetta bref sea edar hœyra senda
Audun prestar j Gausdale ok Gudmundar Biærnarson q. g. ok sina mit
vilium ydar kunnight gera at mit varom j stofuonne a preshusum sun-
nadaghen nesta eftir Mariu messo j langha fasta a vii are rikis okcars
virdulegs herra Hakonar med gudas nad Norex konongs j Gausdale.
saam ok hœyrdum aa at þæir heldo hondom somon Biorn Hakonarson
ok Petær Jfuarsson ok vidarghengo þa firir okcar at þæir hafdu kœypt
jordum. fek fyrnemfdar Biorn Petre halfrer merka boll iærder j mykla
Velli er lighar j Gausdale sem Biorn kurfuar gaf hæiman Gydu dottor
sinni med ollum lunnendom sem til lighia at nyu ok forno frialsa ok
hæimola. en adarnemfdar Petær fek optnemdom Birni iii aura boll iær-
der j Ramfnaklifuom þet sem atte gento Biorn frialst ok hæimolt med

'