Københavns Universitet

ONP: Dictionary of Old Norse Prose

Citation

57

rofet, ok æcki af halldet, ok þui biodom ver þer nu at þu hafer græitt
kirkiunni ok korsbrœðrom. allt þæt sem i sammæle ydart kom. eðr
dœmt var af loghmonnom, innan þærs halfmanaðar er þu hæfir seet ok
hœyrt þetta vart bref. En ef þu lykr æi sem nu er bodet ok bær þu
hær længr þriotsko ok illuilia mote. biodom ver vm herra Bassa Gud-
þorms syni ok herra Petre a Spanæimi, at sæghia þik or þionostonne
mæðr þuisa varo brefe. ok at þæir sœke þek sidan sem annan mugha
mann. þetta bref var gort i Bergvin þorsdaghenn nesta æftir Michials-
mæsso a þriðia are rikis vars. herra Snara Aslaksson insiglade Simon
klærkr ritade.

   Bagpaa med senere Haand: stadfestinga bref k. Hakons vm testa-
mentum sæm haldet vaar firir þeim oretligha.


Biskop Eyvind af Oslo og hans Kapittel forpligte sig til at holde en Prest
til daglig Tjeneste ved det af Lodver Svarte stiftede St. Peters Alter i
St. Halvards Domkirke, og der synge Messe for Lodvers, hans Slægts og
alle Christnes Sjæle, m. v.

Efter Orig. p. Perg. i Dipl. Arn. Magn. fasc. 58. No. 3. Seglene mangle.

65.
4 Juni 1302.
Oslo.

Ollum monnum þæim sem þættæ bref sea eda hœyræ. senda
Ewinder meder gudes miskunn biscup i Oslo ok korsbrœder þæs sama
stadar q. g. ok sinæ. Ver gerom yder kunnikt at Lodwir suarte gaf
til stadar hins hæ(l)gha Halwardar æwenlegha til alda odals. viij. marka
boll meder þeima hætte. at hann skal lata gera eitt alteri j kirkiunni ok
mœsso fott. kalik ok bunad allan til syslæ. en ver iattaðom hanom her
j mote firi oss ok vara eftirkomande. at ver skulum prest til fa. þænn
er huasdaglegha skal syngiæ eina salo mœsso eda addra mœsso. sem
hatiddinni hœyrir till. firi þui alteri firi sialfwm hanom oc firir sall
Heinreks fadur hans ok Luciu modor hans. oc brœddra hans tuæggiæ
Gerarðar oc Heinreks. oc Hærmanz ryta. oc allra kristinna manna sala.
skall hann oc liggiæ firi þui alteri, ef hann kann her frafalla. eda ad-
rumstad ef lik hans værðer heghat flut. ok till æwenleghar stadfestu
þ[essa]rar skipanar settom ver vorr insigli firi þættæ bref er gort var
j Oslo anno domini mo. ccco. secundo. ij nonas Junii.

   Bagpaa med senere Haand: Testamentum Loduiks suartta till Pæters
altarens.