Københavns Universitet

ONP: Dictionary of Old Norse Prose

Citation

jafn adj.Ben 1622

ONP Reader

Holm perg 2 fol (c1425-1445) 52vb-57rb — Benedikts saga

(Unger 1877I, 158-179²)

3) [e-m/e-u / við e-n/e-t] [á e-t / um e-t / at e-u / í e-u / til e-s] lige så (god/stor), jævnbyrdig, ligeværdig, ligestillet (med), samme, tilsvarende, identisk (med)
 ● jafnt sem áðr

mundi hann eigi ord Benedicti leingr en tvo daga, en enn þridia dag þa var hann iafnt sem adr

citation slip

<Ben 162>

 En er munkrinn kom heim, þa mundi hann eigi ord Benedicti
 leingr en tvo daga, en enn þridia dag þa var hann iafnt sem adr.
 Þa var enn sagt Benedicto. Hann svaradi: "Ek mun koma at
 bæta hann." En þa er hann kom þangat ok tidum var lokit, en
5munkar stodu a bænum, þa sa Benedictus, at svartr sveinn tok i
 klædi munksins, þess er eighi matti ꜳ bænum vera, ok dro hann
 ut. Þa mællti Benedictus vit Pompeianum abota ok Maurum
 lærisvein sinn: "Siae þit, hverr munk þenna leidir fra bænum?"
 Þeir kvoduz eigi sia. Hann mællti: "Bidium vær nu, at þit
10megit ok sia, hverium munkrinn fylgir." En er þeir voru ꜳ
 bænum tvo daga, þa sa Maurus þessa syn, en Pompeianus matti
 eigi sia. Ok er bæn þeira var lokit, þa geck Benedictus ut or
 kirkiu, ok sa hann munkinn standa uti syslulausan ok laust til
 hans med vendi, en fra þeim degi þorde eigi enn svarte sveinn,
15er fiandinn var, at teygia munkinn fra bænum, ok var hann avallt
 sidan staðfastr ꜳ bænum sem adrir munkar.
 
 
 Fra vatnleyse.
 
 7. Af þeim munklifum, sem Benedictus hafdi gira latid,
 voru þriu, þau er stodu uppi i fiallzhlid, ok var torvellt at sækia
20vatn, af þvi er brattlendi var ok nær mannhaski. Þa komu munkar
 or þessum munklifum1 ok mællto vit Benedictum: "Vær eigum
 illt til vatz ok hfum hvern dag erfvidi, ok er oss naudsyn, at
 færd se munklifin." En hann bad þa heim fara ok huggadi þa i
 ordum. En ena somu nott þa geck Benedictus upp i fiallit ok
25Placidus sveinn med honum, ok var leingi ꜳ bæn ꜳ hamri einum.
 Sidan reisti hann upp steina þria, þar sem hann hafdi stadit, ok
 for heim eptir þat; en ongvir vissu, at hann hafdi farit. En er
 munkar komu enn ok baro upp vandrædi sin fyrir Benedictum, þa
 svaradi hann: "Farit þer nu ok grafit hamar þann, sem þer siait
30steina þria uppreista nyliga, en gud ma letta erfidi ydru ok gefa
 ydr vatn or hamri." Þeir foru ok fundu hamarinn votan, þann
 sem Benedictus hafdi þeim til visat; en er þeir holodu hamarinn,
 þa fell vatn ut or biarginu, sva at þadan gerdiz lækr af fra þvi
 or fiallinu til siovar allt til þessa dags.
 
351 munkligum Cd.