Københavns Universitet

ONP: Dictionary of Old Norse Prose

Citation

2hlýða vb.AgnesA 1631

ONP Reader

Holm perg 2 fol (c1425-1445) 84ra-84vb — Agnesar saga

(Unger 1877I, 15-19¹⁸)

[e-m/e-u] [um e-t]

citation slip

<AgnesA 16>

 kiaurligri.1 Minn likami er samteingdr hans likama, ok eigum
 vit bædi brudhvilu saman; hans meyiar skemta mer dyrligum
 sngum, af hans munni tok ek2 hunang, ok hans blodi eru rodnar
 kinnr minar, ok ek em halldin af hans fadmlagi. Hans modir er
5mær, ok hefir fadir hans eigi konu atta. Þeim em ek fstnud,
 sem einglar þiona, hans fegrd undraz sol ok tungl, af hans ilm
 endrlifna daudir, ok af hans atku styrkiaz siukir, hans audæfi
 spillaz alldreghi ne þverra; honum einum vardveiti ek tru mina,
 ok hnum felumzt ek ꜳ hendi af ollu hiarta ok med ollum alhuga;
10þa em ek hrein, ef ek ann honum, ok þꜳ mær, ef ek fylgi
 honum.
 
 
 Fra greifa syne.
 
 2.En er enn ungi madr heyrdi þessi ord hennar, þa vard
 hann feinginn af blindri ꜳst ok kvaldizt i sorgum hugar ok likama,
15þar til er hann lagdiz i reckiu af, ok sogdu læknar, at ofrast
 kveldi hann. En er fadir hans fra þat, er læknar sgdu, þa bar
 hann upp en somu ord at bidia meyiarinnar, sem sonr hans hafdi
 mællt. En hin heilaga Agnes syniadizt ok kvadz3 alldri vilia
 slita ast4 vit enn fyrra unnanda sinn. Þa tok Simphronius greifi
20ath spyria, hverr unnandi hennar væri, sa er hun hrosadi hans
 mætti. En þeir voru, er honom sogdu, at hun var kristin ok
 kalladi Krist unnanda sinn. En er greifinn vard þess viss, þa
 sendi hann þegar hirdmenn sina [med styrk miklum5 eptir henne,
 ok var hun leidd fyrir domstol hans, ok kvaddi hann hana fyrst
25med blidum ordum en sidan ognarmalum. En Kristz mær tældizt
 eigi fyrir blidleik hans, ok eigi hræddizt hon ognir hans, helldr var
 hun med enum sama hug ꜳvallt ok enu sama aliti ok hlo at honum,
 hvort sem hann var reidr eda blidr i hugum. En er Simphronius
 greifi kastadi a glæ ollum ordum, þeim er hann mællti vit guds
30mey eda vit frændr hennar, þa let hann leida hana fyrir domstol
 sinn i annat sinn ok mællti [vid hana6: "Eigi mattu hlyda rettu
 rꜳdi ne nidr leggia þragirni briostz þins, nema þu skilir fyrr fra
 þer breytni kristinna manna, þeim7 er þu hrosar ath þer hafi kent
 fiolkyngi; af þvi er þer naudsyn at gaufga Gefion gydiu vora, attu
35sert undir hennar trausti ok i hennar þionostu nott ok dagh, ef
 þer likar at hallda meydomi [ok hreinlifi6.
 
 1 [at llu dyrligri 235. 2 Her slutter 235. 3 kvdz A; segiz B.
 4 astum B. 5 [miklum styr ok reidi B. 6 [tilf. B. 7 þeira B.