Københavns Universitet

ONP: Dictionary of Old Norse Prose

Citation

2hlýða vb.Ambr 4023

ONP Reader

Holm perg 2 fol (c1425-1445) 13vb-18vb — Ambrósíuss saga byskups

(Unger 1877I, 28-51)

[e-m/e-u] [um e-t]
 ● ‖ impers.: hlýðir [e-t] [e-m/e-u]

citation slip

<Ambr 40>

 En er konungr heyrdi þessi en sannligu svr, þa iatir hann sik
 undir skriptina.
 13. Nu geingr konungr i kofa einn undir fstu ok skript.
 Nu dregr honum fastan bratt ok stridleikr skriptanna, mest fyrir
5þvi at hann var adr sællifi vanr, ok þikir eigi vist, hvort hann
 fær annat skriptinni edr eigi. Byskup vitiar hans, ok adrir gfgir
 menn, ok qvadu hann skripthardan vera ok med litilli stillingu
 ok eigi at sinu samþycki. Konungr sagdi: "Hans bod skal ek
 hallda þo, þviat hann er llum ydr merkiligri ok einn hardari ok
10helgari, ok þo at mer se þungbær, þa skal ek þo eigi þvi bregda, er
 hann baud. Hofþingi ok gelldingr1 .j. keisarans ris upp ok mælir:
 "Ofsamadr mikill er byskup sia, er hann vill fyrir sia, hvat konungr
 ma bera; nu mun ek fara ok skelfa hann til, at hann aptri ummælum
 sinum, ok get ek, at eigi se mikit fyrir þvi." "Fardu, sagdi konungr,
15ok get ek þer þo at dru reynaz, en þu ætlar til." Hann ferr til
 kirkiu ok lætr byskup kalla utar or kor, ok ganga þeir a einmæli.
 Hfþinginn mælir a hendr honum um skriptabod vid konung, qvad
 hann rangliga dæmt hafa hans mal, "ok hefvir þu lagit a hann sva
 þungt, at hann ma eigi bera, ok hæfir þer annars hattar vid
20keisara at gera en vid einnhvern annan." Nu leitar hann marga
 vega2 vid byskup, en þar stendr þo i sama stad. Þa tekr hann
 at reidaz hfþinginn ok heitaz vid byskup, at honum skylldi eigi
 lyda, nema hann vikiz eptir ok vægdi honum. Byskup svaradi þa:
 "Þu fær mer ecki meira gert en gelldingr einn, en ek skal þat standaz
25sem byskup." Hfþingianum vard ecki a munni ok geck a brott
 ok for a fund konungs ok sagdi honum, hversu farit hafdi. Kon-
 ungr svaradi: "Gat ek eigi allfiarri, at sia mundi þer betri ufarin.
 Nu mun ek fara sialfr a fund hans, ok get ek, at hann vikiz meir
 eptir bæn minni en heitan þinni." Nu ferr konungr sialfr a fund
30byskups, ok er byskup sier konung at kirkiu ganga, ok þa er byskup
 var ut genginn, þa fellr konungr þegar til fota honum ok sagdi
 sva: "Eigi er þat eyrindi mitt til kirkiunnar at ætla i kirkiuna,
 helldr at bidia þik vægdar ok liknar a skriptinni, þviat ek uggir,
 at ek mega eigi bera svabuit." "Ja, ia, sagdi byskup, ek skal
35likna þer ok leggia annat til med þer, ef þu matt eigi þetta bera;
 þa er fyrir þik koma vandamal edr storlutir þeir fiarlægir or drum
 londum, þa hleyptu eigi skiotum domi ꜳ, helldr skalltu lida lata
 þria tigi daga þadan fra, er þu spyrr, adr þu dæmir, þviat þa
 
 1 belldingr Cd. 2 mega Cd.