Københavns Universitet

ONP: Dictionary of Old Norse Prose

Citation

halda vb.DN VIII (*[1339]›apogrˣ) 13412

ONP Reader

AM dipl norv apogr XVIIˣ (c1700)“Diplomatarium Norvegicum”

(Unger & Huitfeldt-Kaas 1874 [DN 8], 135)

[e-u/e-m] [um e-t] [við e-n] ; [■] [e-t] ; [e-t]

a skulum ver hallda med guðs vilia eftir mætte

citation slip

134

120.
28 August [1339.]
Ulvösund.

Ad dominum Erlingum.

Yðr se kunnight. at a Bartholomei mœsso dagh. nu er var.
aat kwældmale komo ver j Vlfœya sund, ok j. samre hofn kom til vaar.
in festo sancti Augustini. fanter herra erkibiskups, sagde hann oss .j.
sinu brefe at Bartholomei var han j. Sælœyium. hindrade bæde hann ok
oss. anduidri med ofstyrmi. sendom ver yðr varn fant. Eirik, myki-
legha beidandezst, at ver mættem af yðr vndirstanda. hwæria leid oss
være framfarande, eða hwat til raaðs takanðe, med sama hætte, hwat
er þeer hafir austan spurt, so ok. at ver faam at vita hwat yðr þykkir
raadeleght vera. at ver til Tunsbergs in leitim, eðr yttra farem. þan tima,
er gud vil fœreueðr gefwa, a skulum ver hallda med guðs vilia eftir
mætte. gerir ef þess er þorf herra erkibiskups ok vaara afsakan. eftir
þui sem yðr synizst ok ver til yðar trœystum. cetera famulus vobis
dicet, gœymi yðr gud. nu ok iamfnan. Skrifwat j Vlfœyasundum in
festo Augustini. anno domini quo supra.


Biskop Haakon underretter Kong Magnus om, at han efter hans Befaling
var dragen fra Bergen 16 August uagtet sin Svaghed, udbeder sig hans
Gunst og anbefaler ham sit Sendebud Thorstein.

Efter Apogr. Arn. Magn. (Trykt i Saml. t. d. n. Folks Spr. og Hist. V. S. 141.)

121.
9 Septbr. 1339.
Laagöerne.

Ad dominum regem.

Eftir yðru hode. ok vaarre skyldu. er j. allum lutum vilium
ok skulum yðarn hæiðr gera. eftir mætte. varom ver aalbunir aat Ma-
rimœsso fyrri so at vm morghenen eftir forom ver af stad. ok ferda-
domzst sijdan, sem Þorstein kann yðr at seghia. þo at vaart erfeði aat
sinni vilði oss til mœðe snuazst. biðium ver yðr of ollu hiarta, at med
mildri vaarnkynd vmberi þer med oss. ok later oss yðrar naðr hinar
somu finna. þui at med dygd ok fullri hollostu skulum ver þat vbrig-
dilegha skylda: æ medan gud vill. at lijf vinnizst, bidium ver ok, at
Þorstein niote vaars bœnastadar .j. sinum ærenðom. Nu ok vttan enda.
gœymi yðr aalmatteger gud ok alla yðr væl viliande. Skrifwat j.
Laaghom. in crastino natiuitatis virginis gloriose anno domini m.o ccc.o
xxxix.o