Københavns Universitet

ONP: Dictionary of Old Norse Prose

Citation

halda vb.DN II (*1308›DonVar 1ˣ) 7820

ONP Reader

DonVar 1 Barth E folˣ (c1675-1700) 337-338“Diplomatarium Norvegicum”

(Lange & Unger 1852 [DN 2], 78)

[e-m/e-u / e-n/e-t]
 ● heill ok haldinn

kom þat allt hæilt ok haldet til var

citation slip

78

oss fell siðan er guð kaus oss till rikistiornarennar j Noreghe kors-
brœðrom a(t) Cristkirkiu j Niðarose oss till altiðar haldz ok drotninginni
sæm bref þar vm gort millum var vattar. mæð þui ollu oðru sæm ver
hofum þar till laght a þan hat at mæð þeim peningum er ver gafuom
þeim skal oss annat attian aura bol j Þrondheimi, i stað kaupazst jam
gott at lunnendom aura burð ok landskyllda tækiu. skal þessor jorð
siðan friols vera. þetta bref (var) gortt a langa friadagh. a niunda are
rikis vars ok insiglat sialfum oss hiauerandom Ballte klærkr ritaðe.

   Bagpaa med senere Haand: Vm jordena Hermodzstade j Gauladale.


Biskop Arne af Bergen takker Biskop Arne af Skalholt for de med hans
Svend Paal sendte Gaver, melder Bisp Erlends af Færö Död i Bergen
og at det ser ud til Ufred i Landet, samt sender ham tilbage forskjellige
Gaver.

Efter Afskrift i Barth. IV (E) 337-338, af en tabt bergensk Codex.

91.
22 Juni 1308.
Bergen.

Wirdulegom herra ok andalegom brodur sinum herra Arna
medr guds miskun biskupe i Skalhollti sendir A[rne] medr samre
miskun biskup i Biorgvin q. g. ok sina brodorlega ælsku. Gud þakke
ydr herra fagra sending ok sœmelega er þer sendur til var medr Pale
svæini ydrum, kom þat allt hæilt ok haldet til var efter þvi sem bref
ydart sagde, kennumst ver vid oss skylduga vera firir þenna ydarn
godvilia ok allan annan er þer hafet oss teet, yder ok hæilagre kirkiu
i Skalholte til hæilla rada epter kunnostu ok viti, ero oss þau mala emni
er þer gatod i brefe ydru eigi so kunnigh at ver megem nokor endi-
leg ansvor til gefa þo at ver hafem þar optt hœyrt um talat, kann
þat ok oftt æinum manne liost firir liggia er malet er kunnigt þat sem
odrum synist bæde vant ok vafvet, þeim sem malemninn ero okun-
nigh. En þat synist oss liost firir liggia at þar æigi profazst hver mal-
dage sem han hefer uppruna ok han gerezst. Yder se ok kunnigt
um þess agæta manz frafall, virdulegs herra godrar minningar Erlens
biskups i Færœyium er andadezst i Biorgvin Idibus Junii, mege þer þa
skra lata hans artidardagh ef yder synizst. Tidendi ero þau i lande
varo at þar horfer til mikillar oroar uttan gud snui a betre læid. Sendu
ver yder litla aminning eit stykki klædess, æina peteam af silki, iij
pund vax ok halfa lest biorss, bidiande at þer firirlitid ei þessa send-
ing þvi at annan tima skal um bætra, þægar gud lofar. Bidium ver
yder at þer ritid til vaar kunlegha um þa luti er yder taka ok kirkiu
ydra. Scriptum Bergis x. Kal. Julii anno domini mo. ccco. viijo.