Københavns Universitet

ONP: Dictionary of Old Norse Prose

Citation

flytja vb.DN IV (*1311›vid 1314) 8737

ONP Reader

AM dipl norv fasc XXXI 6 (1314)“Diplomatarium Norvegicum”

(Lange & Unger 1858 [DN 4], 86-90)

[e-t/e-n] [með e-u] [e-m]

Her æftir flutti Hafr oc hærmdi um þæira uidrskipti oc þan olut oc vanvyrding er hanom husprœyo hans oc mœðr uar gorr

87

læiksson af halfo sialfs sins oc husprœyo sinnar, ok Þorgils broder hans
ok han af halfo modor sinnar kærdo firir oss j Stawangre Michials-
mœsso tima vm haustet a þui are er lidnir varo fra burdar tid vars
herra Jesu Christi m. ccc. oc tiu uetr, hiauerandom herra Eiriki abota
j Hau(l)snu. ok kært hafdo optlegha fyrmæir at Aslakr pera, Þorðr ca-
put, oc Arne, brœðr j Hau(l)snu, oc Haldor ganse, er herra abote
hafde sænt till Faxstada, bardo þau nere till olifis, oc þar um gafo
þæir herra abota rada sok, oc bado oss oc krafdo gera ser reet aa,
ok j þan sama tima jade herra Erikr abote oc borghade firir oss at
han oc fyrsagðer brœðr, oc Haldor er Hafr oc Þorgils kærdo aa,
skyldo koma till var j Stawangr till profs ok ranzsaks #|oc retlæidingar
vm fyrsagda akærslor j þan stæfnodagh sæm ver gerdom, oc letom
herra abota kunnikt gera medr varo brefe, ok siðan gerdom ver herra
abota oc allum aðrum a huarotweggia halfo stæfno a varn fund till
Stawangrs medr varo brefe, manadaghen nesta æftir sexagesimam er
upp bar a daghen nesta æftir hæilagha Valentini mœsso dagh, a þui
are er lidnir uaro fra burdar tid vars herra Jesu Christi m. ccc. oc
xi uetr, medr allu þui skilriki sæm huarir hæfdi till sinna malæfna,
kuomo þæir Hafr oc Þorgils j þa samo stæfno, en huarke herra abote,
brœðr eða Haldor fyrsagder, er þesso male atto at swara af annare
halfo. ne nokor vmboðs maðr eða ansuara maðr af þæira halfo, frestað-
om uer þa en framfærd a þesso male vm ællifu dagha þess biðande
at herra abote brœdr oc Haldor fyrsagðer, eda nokuor af þæira halfo
skildo till var koma, oc kom ængi. Siðan næmfdom ver þessa goða
men till doms medr oss vm þetta maal herra Gutþorm Hælgha son,
sira Barð a Vanesyn, Jngimund Sighurðar son, Bard Petrs son, Simon
Liduards son, Aslak Bratz son, Roar arman, Valgærd Juærs son, Og-
mund j Hogguandeuik, Aslak a Skaghanom oc Arna brodor hans, ok
næmfdom doms monnum, baro þæir Juær Pals son oc Suæin Eriks
son vitni um firir oss medr suornom æiði, at þar varo þæir j hia j
Haulsnu er Eirikr dunnungr er ver sændom till herra abota oc brœdra
i Haulsnu medr fyrsagdo uaro stæfningar brefe, lass upp firir þæim
vart bref sua langu firir stæfningar daghen, at herra abote oc þæir
sæm þesso maale atto at suara matto uæll till var koma, oc a ofan
gerde Þorgils af sinni halfo oc Hafrs brodor sins herra abota oc þæim
stæfno till vaar j þan sama æindagha sæm bref vart vattade. Her æftir
flutti Hafr oc hærmdi um þæira uidrskipti oc þan olut oc vanvyrding
er hanom husprœyo hans oc mœðr uar gorr, fyrst at upp hafe at As-
lakr pera, Þorðr caput, oc Arne, brœðr af Haulsnu, oc Haldor ganse
kuomo till hans a Faxstaðom a akre oc læighomalæ sialfs sins sæm